ڕۆژانە

15:26

ڕێکخراوی OECD ڕایگەیاند، شەش ملیۆن و ٥٠٠ هەزار منداڵ لە تورکیا لە هەژاریدان، بەگوێرەی ئەو ڕێکخراوە لە هەر ٥ منداڵ یەکێکیان بێ خواردنە.

15:09

نەتەوەیەکگرتووەکان ڕایگەیاند، کردەوە تیرۆریستی و سەرچاوە داراییەکانی داعش لە ئەفریقا و سووریا و عێراق و ئەفغانستان لە فراوانبووندایە، پێویستە دۆسێیەی کامپەکانی باکووری رۆژھەڵاتی سووریا چارەسەربکرێت و وڵاتان ھاوڵاتییانیان لەو کامپانە بگەڕێننەوە.

14:45

ئەمڕۆ فڕۆکە جەنگییەکانی دەوڵەتی داگیرکەری تورک بە چڕى بۆردوومانی هەریەکە لە گوندەکانى گوهەرزی و کانی بەلاڤێ و چیاى مەتینایان لە سنووری شارۆچکەی ئامێدی لە دهۆک کرد و بەهۆیەوە زیانێکى زۆر بەر ژینگەى ناوچەکە گەیشتووە.

14:22

لە وەڵامی سزای لەسێدارەدانی دوو ڕۆژنامەنووسی ژن، ژنانی هاوتەمەنی داوایان کرد ژنانی هەموو نەتەوەکان پێکەوە بوەستن و خەبات بکەن بۆ ئازادی ڕۆژنامەنووسانی ژن، پەخششان عەزیزی، شەریفە محەمەدی، وریشە مورادی، زەینەب جەلالیان، و هەموو ژنانی زیندانیکراو.

13:51

لە شاری سێرت چوار کەس بە هۆی گۆرانی وتنەوە دەستگیر کران کە دوو کەسیان منداڵ بوون و تۆمەتیان خراوەتە پاڵ، دادگا ڕایگەیاندووە کە زۆرێک لە 'تاوانەکان' بە ئاهەنگگێڕان ئەنجامدراون و ئامانجی گەل لە ئاهەنگ گێڕان "پشتیوانیکردنە بۆ ڕێکخراوەکە".

12:11

دوای لەسێدارەدانی هاووڵاتیی کورد ڕەزا ڕەسای لە ئێران، پۆلیس هێرشی کردە سەر چالاکی زیندانیانی زیندانی ئەڤین، ئەوەش زاندرا کە لەو هێرشەدا وریشە مورادی، زیندانی سیاسی کراوەتە ئامانج و ئەشکەنجە دراوە.

11:47

ئادەل خزر، بەڕێوەبەری ناوچەیی سندوقی منداڵانی نەتەوە یەکگرتووەکان "یونیسێف" هۆشداریدا لەوەی هەر پەرەسەندنێکی توندوتیژی لە ڕۆژهەڵاتی ناوەڕاستدا لێکەوتەی مرۆیی ترسناک بۆ منداڵان بەدوای خۆیدا دەهێنێت.

10:56

لە دێرەزوور هێزەکانی شام و چەتەکان بەناوی بەرگری شارستانی بۆردومانی گوندەکانیان کردو ١٣ کەس گیانیان لەدەستدا کە منداڵیان تێدایە.

10:23

شارەوانی پیران سەر بە دەم پارتی لەسەر داوای ژنانی ناوچەکە ناوەندی ژیانی ژنانی کردەوە، ئایسەل باران هاوسەرۆکی شارەوانی پیران ڕایگەیاند، لە ناوەندەکەدا چارەسەر بۆ کێشەکانی ژنان دەدۆزنەوە.

09:37

کۆچبەرانی عەفرین کە لە کانتۆنی شەهبا دەژین، دوای چەند مانگێک لە کۆچەکەیان، سێ پەرتوکخانەیان لە شوێنە جیاوازەکانی کانتۆنەکە و لە کامپەکاندا کردووەتەوە بۆ پاراستنی کولتوورەکەیان لە ڕێگەی خوێندنەوە و نووسینەوە.

08:31

هەڵمەتی تاژێ بە دروشمی "لە دژی قڕکردنی ژنان ببە دەنگی خۆپاراستن" کە لە ٨ی ئاداری ئەمساڵەوە دەستیان پێ کردبوو، بە ڕاگەیەندراوێک کۆتایی هات.

15:58

لە شاری ڕەققە، کۆنفرانسی سۆسۆلۆژیای ئازادی، کە لەلایەن کۆمەڵەی ژنانی زەنۆبیا بە دروشمی "خۆشەویستی بۆ من، بەدیهێنانی بیرۆکەکانمە لە ژیاندا" بەڕێوەچوو، بە گفتوگۆکان بەردەوامە.

15:12

باران بارینی بەخوڕ و لافاو بووە هۆی گیان لەدەستدانی زیاتر لە ٣٠ کەس و بێسەروشوێن بوونی ٥ کەس لە یەمەن.

14:59

بەهۆی گژری و ئاڵۆزی لە کاتی خۆپیشاندان، ناڕەزایەتییەکان، بۆردوومان و هێرشی چەتەکان و چەندین ڕووداوی جیاوازی دیکەوە لەو ناوچانەی لە ژیر دەسەڵاتی ڕژێمی سووریا، لەمساڵدا ٥٦٧ هاوڵاتیی مەدەنی کوژراون کە بەشێکیان ژن و منداڵن.

14:37

بڕیارە ئەمڕۆ لە چەندین پارێزگای عێراق دژی هەمواری یاسای باری کەسی خۆپیشاندان بكرێت، بەشێك لە چالاكوانانی كۆمەڵگەی مەدەنی و بەتایبەتی ژنان بەشداری خۆپیشاندانەكان دەكەن.

14:12

هێرشەکانی ئیسرائیل بۆ سەر کەرتی غەززە بۆ ٣٠٧هەمین ڕۆژ بەردەوامە، لەم دواییانەشدا ٢٥ فەڵەستینی لەو هێرشانەدا گیانیان لەدەستدا.

13:51

بەبۆنەی ڕۆژی نەتەوەیی ژنانی تونس، لە ١٣ی ئابدا، ژنان کەخۆیان بۆ ڕێپێوان ئامادە دەکەن ناڕەزایەتیان دەربڕی بەرامبەر بە پێشێلکارییەکان و ڕایانگەیاند، نەک وەک ڕۆژی پیرۆزبایی بەڵکو وەک ڕۆژی خەبات پێشوازی لەم ڕۆژە دەکەن.

13:21

چالاکوان و ڕێکخراوەکانی مافی ژنان لە کەرکوک دژی هەموارکردنەوەی یاسای باری کەسی لە بەردەم کۆمسیۆنی باڵای مافەکانی مرۆڤدا گردبوونەوە.

11:33

لە تاران دۆسیەی دوو منداڵی کچ کە سەریان داپۆشراو نەبوو بەو بیانووە ئەشکەنجە دران، لە تۆڕە کۆمەڵایەتییەکان بڵاوکرایەوە.

10:59

یەکێک لە شوێنکەوتوانی ڕاستی، ڕۆژنامەنووس دەنیز فورات، کە لە ٨ی ئابی ٢٠١٤ لە ئەنجامی هێرشی چەتەکانی داعش بۆ سەر کامپی مەخموور گیانی لەدەستدا، بە فەلسەفەی "ژن، ژیان، ئازادی" درێژەی بە گەڕان بەدوای ڕاستییەکان دا.