ڕۆژانە

11:31

نەتەوە یەکگرتووەکان نیگەرانی خۆی دەربڕی سەبارەت بە ڕێگریکردن لە کچانی ئەفغانستان بۆ ناونووسین لە خوێندن بەهۆی ئەو سنووردارکردنانەی کە لەلایەن تاڵیبانەوە سەپێندراوە.

11:14

 زیادبوونی زبڵ و خاشاک لە ئیدلب کە لە ژێر داگیرکاریدایە، مەترسی بڵاوبوونەوەی نەخۆشییە،  ژنانی ئیدلب لە بچووکترین خزمەتگوزاری بێبەشن، لە کامپەکانی ئیدلب، کەڵەکەبوونی زبڵ و خاشاک هەیە ئەمەش مەترسی تووشبوون بە نەخۆشی لەگەڵ خۆیدا دەهێنێت.

10:16

بەڕێوەبەرایەتی پۆلیسی دارستان و ژینگەی پارێزگای سلێمانی بڵایکردوە، لە گوندى گەڕەدێ لە سنوورى شارەدێی سیتەک دەیان داری سروشتى بڕانەوەو فەرمانی دەستگیر کردن بۆ تۆمەتبار دەرچووە.

09:28

ئەو ژنە عەرەبانەی شارۆچکەی سیرین کە وتیان: سیستمەکەمان بە یەکڕیزی پێکهاتەکان بونیاد نراوە، توڕەیی خۆیان لەو ڕووداوانە نیشان دا کە لە دێرەزوور ڕوویاندا و ئاماژەیان بەوە کرد، هەموو ئاڵۆزییەکان خەریکە زیان بە پێکهاتەکانی ناوچەکە دەگەیەنن.

21:15

بە گوێرەی ئامارەکانی ڕێکخراوی سی پی تی، لە ئەنجامی هێرشەکانی دەوڵەتانی تورکیا و ئێران، ٤۲٥ هاوڵاتی سڤیل شەهید بوون.

16:02

ڕێکخراوی لێبوردنی نێودەوڵەتی لە مەغریب هەڵمەتێکی بۆ هۆشیارکردنەوەی خەڵک لە مەترسییەکانی لەباربردنی نهێنی بۆ ژنان و منداڵان و کۆمەڵگە دەستپێکردو داوای یاساییکردنی دەکات.

15:19

وەزارەتی تەندروستی غەززە، نوێترین ئاماری زیانبەرکەوتووانی بڵاو كردەوە، ئاماژەی بەوەکرد، لە دەستپێكی شەڕەوە تا ئێستا ٣٩ هەزار و ٩٦٥ هاوڵاتی غەززە كوژراون و ٩٢ هەزار و ٢٩٤ كەسیش برینداربوون.

14:59

تەژەئە لە بەیاننامەکەدا سەبارەت بە دەستلەکارکێشانەوەی هاوسەرۆکانی شارەوانی ئاڤکەڤر و بێرەجوک داوای لە ژنان کرد ئیرادەی خۆیان بپارێزن و پێکەوە دژی سیاسەتەکانی دژە ژن بوەستن.

14:29

لەئەنجامی ناڕەزایەتی پزیشکەکان دوای دەستدرێژی و کوشتنی پزیشکێک لە شاری کۆلکەتا لە ڕۆژئاوای هندستان، زۆرێک لە نەخۆشخانە حکومییەکان لە خزمەتگوزاری وەستان.

13:58

یەکەمین کۆنفرانسی بەرگرینامەی ڕێبەری گەلی کورد عەبدوڵا ئۆجالان لە شاری کۆبانێ لە کانتۆنی فورات دەستیپێکردو زۆر بابەت هەڵدەسەنگێندرێت.

12:42

ئەنجومەنی ژنانی دەم پارتی، دەستلەکارکێشانەوەی هاوسەرۆکانی شارەوانی ئاڤکەڤر و بێرەجوکی ڕاگەیاند و ئاماژەی بەوەدا کە ئەمە هێرشێکە دژی پارادایمی ئازادی ژنان و لە دژی ئیرادەی ژنان شکست دەهێنن.

11:43

کۆنگرەی ستار هاوسۆزی خۆی بۆ خەباتی ژنانی ئەفغانستان لە دژی پێشێلکردنی سیستماتیکی مافەکانیان لەلایەن تاڵیبانەوە ڕاگەیاند و جەختی لەسەر پێویستی خۆپاراستن لە بەرامبەر سیستمی پیاوسالاری کردەوە.

10:57

لە ئەنجامی بارودۆخی سەختی ئابووری و بەردەوامیی شەڕ، نزیکەی هەزار و ٤٠٠ کەس ناچاربوون ماڵ و حاڵی خۆیان لە مەئرەب بەجێبهێڵن.

10:12

ڕێکخراوی منداڵپارێزی کوردستان هۆشداری دەدات لەو مەترسیانەی لە ئەنجامی هەمواری یاسای باری کەسی ڕووبەڕووی کۆمەڵگە دەبنەوە، دەشڵێت: پەرلەمانتاران ئەوە لە بیر نەکەن عێراق ڕێکەوتننامەی مافی منداڵانی پەسەند کردووە.

09:53

پارێزەر ئیدا کار بوراکماک ڕایگەیاند بەهۆی لێکۆڵینەوەیەکی چالاکەوە، محەمەد دەمیرهان کە هیلال کاری کوشتووە، دەستگیر نەکراوە، ڕابیعە کار خوشکی هیلال دەڵێت، بۆ ئەوەی چیتر خەڵکی ئازار نەدرێن پێویسە دۆسیەکەی یەکلا ببێتەوە.

08:34

لەیلا قەهرەمان، هاوسەرۆکی ئەنجومەنی سووریای دیموکراتیک پشتڕاستیکردەوە، کە هێرشەکان بۆ سەر شارۆچکەکانی ڕۆژهەڵاتی کانتۆنی دێرەزوور ئاسایش و سەقامگیری ناوچەکە دەکەنە ئامانج و ڕایگەیاند، گفتوگۆی ناوخۆ تاکە ڕێگەیە بۆ کۆتاییهێنان بە شەڕ و ململانێکانی ناوچەکە.

15:59

فڕۆكەكانی دەوڵەتی داگیركەری تورکیا چەنک ماڵێکیان لە چوار گوندی سنووری شارۆچكەی ئامێدی لە پارێزگای دهۆک بۆردوومان كرد.

15:59

چەند چالاکوانێکی ژن کە لە بواری میدیا و ژینگەدا کاریان دەکرد بە تۆمەتی جیاواز سزای ٢٠ ساڵ زیندانیکردنیان بەسەردا سەپێندراوە.

15:46

ڕێکخراوی ھیومان ڕایتس وۆچ داوا لە حکومەتی عیراق دەکات، گۆڕە بە کۆمەڵەکانی سەردەمی ڕژێمی بەعس و تیرۆریستانی داعش ھەڵبداتەوە.

15:31

ئەنجومەنی ژنانی سووریا، لە قامیشلۆ بەیاننامەیەکی دژ بە هێرشەکانی گروپی دیفاع وەتەنی و گروپەکانی دیکەی سەر بە حکومەتی دیمەشق لە دێرەزوور بڵاوکردەوە.