ڕۆژانە

15:50

ساڵەکانی ڕۆژ بۆ هەڵەبجەییەکان پڕن لە یادو بیرەوەری ناخۆش، پڕن لە کارەسات و مەینەتی و ماڵ وێرانی، ئەمڕۆش دیسان یادێکی تاڵی ئەو بیرەوەرییانەیە، کە بۆردمانکردنی ھەڵەبجەیە لەلایەن فڕۆکە جەنگییەکانی ڕژێمی بەعسەوە بە چەکی ناپاڵم.

15:44

کۆنفڕانسی "یەکڕیزیی و یەکهەڵوێستیی کوردیی لە ڕۆژئاوای کوردستان" کۆتایی هات و بڕیاردرا بە زووترین کات شاندێکی هاوبەشی کوردیی دابمەزرێت و لەگەڵ لایەنە پەیوەندییدارەکان دانووستان و دیالۆگ بکات.

14:51

کۆنفرانسی “یەکڕیزیی و یەکهەڵوێستیی کوردیی لە ڕۆژئاوای کوردستان” بەردەوامە و لە میانیدا وتاری کەجەکە، پەدەکە و یەنەکە خوێندرایەوەو فۆزا یوسف لەسەر ناوی کەجەکە وتی: پیرۆزبایی و سڵاو لە گەلی ڕۆژئاوا و سەرجەم ڕێکخراوەکان دەکەین بۆ ئەو هەڵوێستە شەرەفمەندە.

14:00

گۆڕەپانی نێودەوڵەتی جمناستیکی هونەری لە مۆندیالی قاهیرە پێشبڕکێیەکی بەهێزی بەخۆیەوە بینیوە، کە تێیدا پاڵەوانی جەزائیری کیلیا نەمور لە پێشەوەی پاڵاوتنەکاندا دەرکەوت.

13:43

لە وتارەکانی کۆنفرانسی یەکڕیزیی و یەکهەڵوێستیی کوردییدا ئاماژە بەوە کرا، ڕۆژئاوا لە بەرخۆدانی کۆبانێ و لەم کۆنفرانسەدا کوردی کردووە بە یەک، ئەم یەکێتییە مافەکانی گەلی کورد مسۆگەر دەکات.

12:41

کۆمیساریای باڵای پەنابەرانی نەتەوە یەکگرتووەکان نیگەرانی خۆی دەربڕی سەبارەت بە گەڕانەوەی زۆرەملێی پەنابەرانی ئەفغانی بە تایبەتی ژنان لە پاکستانەوە، لە ماوەی مانگی نیساندا زیاتر لە ١٢٠ هەزار پەنابەری ئەفغانی لە پاکستان دیپۆرتکراون.

11:50

ڕێکخراوی تەندروستی جیهانی لە هەفتەی هۆشیاری کوتاندا دەلێت: کوتان ژیانی ٦٠٪ی منداڵانی لە مردن رزگار کردووە.

11:05

ژنانی بەشداربووی خولی داخراو،کە لەلایەن لیژنەی پەروەردەی کۆنگرەی ستارلە پارێزگای حەسەکە لە باکوور و ڕۆژهەڵاتی سووریا ڕێکخراوە،ئاماژەیان بەوەدا کە خوێندنەوەی پەرتوک دەرگای زانیاری بەڕووی خەڵکدا دەکاتەوە."مرۆڤ لە ڕێگەی پەرتوکەوە دەتوانێت پەرە بە خۆی بدات".

10:37

بە بەشداریی ٤٠٠ ئەندام، لە باشوور، باکوور و ڕۆژئاوای کوردستان، کۆنفرانسی یەکڕیزیی و یەکهەڵوێستیی کوردیی لە ڕۆژئاوای کوردستان دەستیپێکرد.

10:28

دانیشتنی دادگاییکردنی ١٥ کەس کە بە تاوانی "یارمەتیدانی تاوانبارێک" لە دۆسیەی نارین گوراندا دادگاییکراون، بۆ ٢ی ئایار دواخرا.

09:25

هولیا کاڤوک، ئەندامی ئەنجومەنی دەم پارتی ڕایگەیاند، دایکانی ئاشتیش بەشدارییان لە چالاکیی 'دیواری ئاشتی'دا کردووە کە بۆ پشتیوانیکردن لە کوژرانی ژنانی عەلەوی لە سووریا بەڕێوەچوو.

08:56

بەیاننامەکەی تەڤگەری تیجیئەی قسەکانی حکومەتی ئاکەپەی بە ئامانجگرتنی جەستەی ژنان شەرمەزارکرد، وتی:"دەبێت سیاسەتەکانی لەدایکبوون لە کۆنترۆڵی دەوڵەت دووربخرێنەوە، لەسەر بنەمای زانیاری و ئەزموون و پێداویستییە بەکۆمەڵەکانی ژنان بنیات بنرێنەوە".

15:27

درەختی غەریب یەکێکە لە گەورەترین درەختە هەمیشەییەکان لە نیمچە دوورگەی عەرەبیدا. بۆ یەکەمجار لە مێژووی خۆیدا، دارە بەناوبانگەکەی یەمەن لەناکاو بۆ نیوە دابەش بوو.

14:27

کۆنفرانسی یەکڕیزیی و یەکهەڵوێستی کورد لە ڕۆژئاوای کوردستان، سبەینێ لە شاری قامیشلۆ بەڕێوەدەچێت، لە ڕۆژئاوا، باکوور، باشووری کوردستان و چەندین ناوچەی سووریا زیاتر لە ٤٠٠ کەس بەشداری کۆنفرانسەکە دەبن و دەزگاکانی ڕاگەیاندنیش چاودێری دەکەن.

14:09

ئەنجومەنی قەڵەمی ئەمریکا بڵاویکردەوە، ساڵی ڕابردوودا ١٣ نووسەری ژن لە ڕۆژهەڵاتی کوردستان و ئێران زیندانییکراون، بە هۆی زیادبوونی زیندانییکردنی ژنانی نووسەر، ئێران بووەتە گەورەترین زیندانی بۆ ژنانی نووسەر لە جیهاندا.

12:32

بیست و هەشتەمین کۆبوونەوەی ناوەندەکانی داڵدەدان و ڕاوێژکاری ژنانی مۆر چاتی لە شاری وان دەستیپێکرد.

10:00

ژنێکی چالاکوانی سیاسیی بە ناوی گەلارە عەباسی تەمەن ٤٩ ساڵ، دانیشتووی تارانی پایتەختی ئێران لە لایەن لقی ٢٣ـی دادگای شۆڕشی تارانەوە سزای ٥١ مانگ زیندانی بەسەردا سەپێندرا.

09:56

لە یەریڤانی پایتەختی ئەرمینیا بەبۆنەی ١١٠ هەمین ساڵیادی جینۆسایدی ئەرمەنییەکان مەراسیمی یادکردنەوە بەڕێوەچوو، ڕێکخراوە کوردییەکان بە ئاڵا و تاجەگوڵینەی خۆیانەوە بەشداری مەراسیمەکە بوون.

09:46

پارتی یەکێتی دیموکراتیک (پەیەدە) خولێکی پەروەردەی لە تل تەمر کردەوە.

08:56

شاندێکی دەم پارتی و دەبەپە، بە مەبەستی ئەنجامدانی زنجیرەیەک کۆبوونەوە و بەشدارییکردن لە کۆنفرانسی یەکڕیزی هەڵوێستی کوردی لە باکوور و ڕۆژهەڵاتی سووریان.