rojane

19:08

Hate zanîn ku di 22’yê Kanûnê de her du girtiyên siyasî yên jin Werîşe Muradî û Pexşan Ezîzî bi malbatên xwe re hevdîtin pêk anîn.

14:12

MKG’ê bi nivîsa ku ji bo rojnameger Cîhan Bîlgîn û Nazim Daştan ên hatin qetilkirin bi 4 zimanan weşand, banga piştevaniyê li 103 rojnamegerên li gelek deverên cîhanê kir.

14:12

191 parêzerên li Îran û Rojhilatê Kurdistanê erişên dewleta Tirk û çeteyên wê yên li ser Bakur û Rojhilatê Sûriyê şermezar kirin û daxwaz ji Neteweyên Yekbûyî kirin ku di zûtirîn dem de pêşî li êrişan bigre.

14:10

Rojnamegerên jin ên di dema protestokirina qetilkirina rojnameger Nazim Daştan û Cîhan Bîlgînê de hatin girtin, diyar kirin ku ew ê ji têkoşîna xwe paşvegavê neavêjin û gotin: “Em ê mîrateya Nazim û Cîhan bidomînin.”

12:31

Saziyên siyasî û olî yên Suweydayê, Mohsine Saleh Al-Muhtawwi ya Durzî ji bo walitiyê namzet nîşan dan.

10:48

Weqfa Dozên Jinên Misrê, ji bo li cihê zagona rewşa kesane ya heyî, zagonek dadwertir were avakirin, bi salan e dixebite. Di vê zagonê de nêzî 100 salan e tu guherînek hêja nehatiye kirin.

10:43

Rojnamevana Îranî Jiyal Benî Yeqûb diyar kir ku li Girtîgeha Qerçek a bajarê Varamîna Îranê jinên girtî bi metirsiya darvekirinê re rû bi rû ne.

10:40

Li Amedê beriya danişîna duyemîn a doza qetilkirina Narîn Guranê pêkhateyên Tora Têkoşîna li Dijî Tundiyê daxuyanî dan û wiha gotin: “Em ê heta dawiyê dozên Narîn, Rojîn û hemû jin û zarokên hatine qetilkirin bişopînin.”

10:20

Nivîskar û çalakvan Kinêr Abdullah bal kişand ser êrişên dewleta Tirk ên li dijî Bakûr û Rojhilatê Sûriye got: “Divê desthilata Başûrê Kurdistanê erkê xwe bi cîh bîne û deriyê sînorî yê Sêmalka veke.”

10:05

MKG û DFG wê li avahiya DFG'ê ji bo rojnamegerên Cîhan Bîlgîn û Nazim Daştan ên hatin qetilkirin çalakiya bîranînê li dar bixin.

09:48

Îsraîlê li Xezayê êrîşê wesayîtek weşana zindî ya televizyona El-Kuds El-Yevm kir û di encamê de 5 rojnamevanan jiyana xwe ji dest dan.

09:35

Rêveberiya Xweser diyar kir ku bûyerên dawî yên li herêmên peravên Sûriyeyê li dijî Elewiyan û şewitandina darên sersalê li Hema û Humisê xizmeta berjewendî û siberoja Sûriyeyê nakin.

08:47

Di demeke ku pevçûnên di navbera Hêzên Piştgiriya Lezgîn û Artêşa Sudanê de berdewam dikin, bi taybetî zarokên li qadên çolterî, bi belgeyên sexte mezin tên nîşandan. Zarokên ku bi vî awayî digirin artêşê, çek didin destê wan û pevçûnê li wan ferz dikin.

08:40

Ji ber êrişên Îsraîlê, jinên ku li navendên stargehan dimînin, ji bo jiyanê di mercên gelek zor û zehmet de têdikoşin, rastî şîdeta mêran tên. Parêzer Naima Îsbitan, diyar kir ku jin ji bo giliyê kiryaran bikin li benda agirbestê ne.

08:15

Saba Şahîn der barê çarenûsa Efganistan û Sûriyê got: "Çi rih berdin çi krawat li xwe bikin navên DAIŞ, HTŞ, El Nûsra, El Qaîde çi dibe bila bibe, fikrên wan yek in” û li dijî polîtîkayên li dijî jinê banga têkoşîna hevpar kir.

05:21

Li Tirkiyê ji ber çaresernekirina pirsgirêka Kurd butçeya ku ji şer re tê veqetandin, dibe sedema xizaniyê. Jinên ku nikarin çend qevd şînahiyan jî ji bazarê bikirin, destnîşan kirin ku ewê bi guherîna desthilatdariyê rewşa aborî baş bibe.

05:15

Endama Koordînasyona Yekîtiya Jinên Ermen Enahîd Qesebiyan destnîşan kir ku di avakirina Sûriyeya nû de pêwistî bi rola jinê û parastina hemû ol, bawerî û pêkhateyan heye. Enahîd got ku ji bo vê yekê jî, Hevpeymana Civakî mînak e.

05:00

Jin û şêniyên bajarê Kobanê li hemberî êrîşên çeteyên dewleta Tirk û gefên êrîşan, diyar kirin ku ew ê bi biryardariya parastina axa xwe, têbikoşin.

19:43

Jinek Elewî ya beşdarî xwepêşandanên li Humusê bûbû bi guleyên HTŞ’ê hat qetilkirin.

19:31

Jinên ku beşdarî konferansa li bajarê Suweyda yê Sûriyeyê hat lidarxistin bûn diyar kirin ku ew ê di avakirina pêşeroja Sûriyeyê de bi awayekî aktîf cih bigirin.