rojane

09:58

Li bajarên ku erdhêjên 6’ê Sibata 2023’an bû sedema hilweşînên mezin, kesên jiyana xwe ji dest dan hatin bibîr anîn. Di bîranînan de erdhêjzedeyên ku xizmên xwe wenda kirine gotin ku ewê hesabpirsîna ji berpirsan bidomînin.

09:50

Li gorî çeteleya tundiyê ya JINNEWS’ê di meha Çileyê de li Bakurê Kurdistanê û Tirkiyeyê 32 jin û 5 zarok hatin qetilkirin. Mirina 25 jin û 2 zarokan jî bi guman e.

09:46

Jinên li Dêrazorê, diyar kirin ku paşxistina cezayê darvekirinê yê Pexşan Ezîzî, ji bo pêşîgirtina li têkoşîna li dijî binpêkirina mafên jinan tê meşandin manewrayek e û gotin ku ev yek tenê taktîkeke siyasî ye.

09:40

Li Hataya ku piştî erdheja 6’ê Sibatê wêran bû, jiyan di konteynerên 21 metrekareyî de berdewam dike. Gel hê jî li windayên xwe digerin. Seroka Komeleya Parastina Jîngehê ya Antakyayê Nilgün Karasu piştî du salan qala Hatayê kir.

08:20

Li Semsûra ku zêde ji erdhejê zirarê dît, di nava du salan de zewicandina zarokan 3 qat zêde bû. Li bajarê ku tenê nexweşxaneyek dixebite, şîdeta li dijî jinan, nexweşiyên şewbê, jiberçûna zarokan û bûyerên mirina bi guman zêde dibin.

06:30

Bi vekişîna hêzên Îsraîlî ya ji başûrê Lubnanê û vegera xelkê ya li malên xwe, gelek malbat bi rastiyeke dijwar re rû bi rû man: Xaneyên ku wêran bûne, xeyalên ku şikestin... Lê digel vê yekê hêviya jiyana di nav aştî û aramiyê de hê jî berdewam dike.

05:00

Jinên ku beşdarî komxebata şêwrê ya li Helebê hatibû lidarxistin bûn, gotin: “Sûriye xwedî tabloyek mozayîk e. Ji ber vê yekê pêwîst e jin di avakirina Sûriya nû de hebin û mafên wan bên misogerkirin."

20:31

Roja yekem a Dadgeha Gel a Rojava bi dawî bû ku dewleta Tirk ji ber sûcên xwe yên şer tê darizanindin. Delîlên şer û sûcên li dijî mirovahiyê ji dadger re hatin pêşkêşkirin û dadgeh wê sibehî dewam bike.

14:12

Li bajarê Qamişloya Bakur û Rojhilatê Sûriyê, jinên ciwan li dijî komploya navnetewî ya ku li ser Rêberê Gelê kurd Abdullah Ocalan hat meşandin, meşek girseyî lidar xistin.

13:08

Tevgera Jinên Azad (TJA) bi daxuyaniyekê kampanyaya "Em ji bo azadiya serokatî ji bo çand û zimanê kurdî li dijî tundiya li ser jinê têdikoşîn" da destpêkirin.

12:44

Kongra Star a Kantona Firatê Endama Koordînasyona Kongra Starê Hîva Erebo (Salîhe Viyan) ya di êrîşa dewleta Tirk a ezmanî de hatin qetilkirin bibîr anî û got: “Emê bi mîrateya ku Salîhe Viyan li pey xwe hişt bighên azadiyê.”

11:58

Dadgeha Gelan a Rojava ku dewleta Tirk ji ber sûcên li Bakur û Rojhilatê Sûriyeyê lê tê darizandin, li paytexta Belçîka Brukselê destpê kir.

10:37

Komîteya Amadekar a Sendîkaya Bijîşkên Sûdanê da zanîn ku hedefgirtina sivîlan û qadên tenduristî, hemû yasayên navnetewî binpê dike û banga rawestandina êrîşan kir.

09:32

Wasîma Soroush a Efganî, bertek nîşanê cezayê darvekirinê yê Îranê li rojnameger Pexşan Ezîzî biriye da û got: “Dîrok îsbat dike ku tu dîktatorî heta dawî li desthilatdariyê namîne. Hûn jî xwe ji ketinek bi êş re amade bikin.”

09:29

Têkiliyên ji ber feraseta civakî ya di nava malbatê de, piştî ku mulkiyeta taybet derket holê teşe girt û bi bermahiyên têkiliyên kontrola pergala bavsalar hewl didin bidomînin. Têkoşîna li dijî tundiyê ji bo hemû civakê mecbûriyetek mezin e.

08:13

Piştî bertekên jinan ên li ser sererastkirina Yasaya Rewşa Kesane, Dadgeha Federal ya Iraqê sererastkirina Yasaya Rewşa Kesane jî du nav de sê guhertinên yasayê ku li Parlamentoya Iraqê hatibûn pejirandin, rawestand.

07:17

Çalakvanên femînîst ên Misrê diyar kirin ku rêjeya bilindbûna tawanên qetilkirina jinan di nav 2 salên dawî de zêde bûye û destnîşan kirin ku sedema vê yekê, ‘mêrbûn’ û pêkneanîna yasayan e.

06:30

Jinên Elbîstanê yên tengasiyên piştî erdhejê rû bi rû man vegotin, gotin em nikarin xwe bighînin mafê tenduristî û starbûnê. Jinên ku diyar dikin ji ber xizaniyê nikarin malbatên xwe xwedî bikin, taştê naxwin û danê nîvro jî tenê miqarne dixwin.

06:00

Çalakvan û rojnamvana jin a Iraqê Efreh Şewqî guhertinên di Zagona Rewşa Kesane ya Iraqê de şermezar kir û diyar kir ku ev guhertin wê pirsgirêkên civakî kûrtir bike û fikarên li ser mafên jinan zêde bike û xeterê bi xwe re bîne.

05:00

Jinên pêkhateyên Hesekê Kurd, Ereb, Suryan û Ermen tekez kirin ku kongra bi navê ‘Serkeftinê’ ya li Şamê hat lidarxistin û kujerên Hevrîn Xelef jî tê de amade bûn, hebûna gelê Sûriyeyê temsîl nake û ne rewa ye.