rojane

10:23

Li 11 bajarên ku ji ber erdheja navenda wê Mereş bû, di 23 mehan de 108 jin ji aliyê mêran ve hatin qetilkirin. Parêzer Zubeyde Ugurlu, diyar kir ku ji ber cihekî bi ewle ji bo jinan tune ye mêr zêdetir serî li şîdetê didin.

09:58

Nûçegihana JINNEWS’ê Oznûr Deger di serdegirtina malê de hate derbkirin û binçavkirin.

08:56

Serlêdana temyîzê ya ji bo girtiya siyasî ya Kurd Pexşan Ezîzî ku rejîma Îranê cezayê darvekirinê lê biriye, hate redkirin.

08:55

Siyasetmedar û hiqûqnasên jin banga “Bila rêxistinên mafên mirovan ên navnetewî bi lez mudaxale bikin ku dagirkiriya dewleta Tirk ji xaka Sûriyê derxînin” kirin û gotin ku êrîşên li ser herêmê derfetên diyaloga Sûrî asteng dike.

07:00

Civaka Sûriyeyê bi taybetî jin ji geşedanên dawî û weke ‘serokê dewletê’ ragihandina Colanî bi fikar in. Jinên Sûriyeyê diyar kirin ku diviyabû erkdarkirina rêveberiya welat bi dengdayîn û hilbijartinan pêk bihata.

06:30

Endama Yekîtiya Jinên Ciwan Halîma Ahmed Îsmaîl anî ziman ku ji bo Sûriye veguhere welatek wekhev û demokratîk ew ê têkoşîna xwe mezin bikin û got: “Ji bo pêşeroja azad a Sûriyê em bi hev re mekanîzmaya xwe ya biryargirtinê ava bikin.”

06:00

Nivîskarên jin diyar kirin ku îsal rêjeya jinan di warê wêjeyî û çandî de zêde bûye. Ev yek jî diyar dike ku jin bi riya nivîsandinê bêhtir dikarin xwe îfade bikin û hestên xwe bi awayê wêjeyî vebêjin.

05:00

Dapîra şervana YPJ’ê Avzem Çiya ya ku di 2’yê Çileyê de li Bendava Tişrînê di encama êrîşa dewleta Tirk de jiyana xwe ji dest da, diyar kir ku neviya wê di eniyên berxwedanê yên herî pêş de cîh girtiye û ew bi neviya xwe serbilind e.

23:08

Zarokê bi navê Ehmed Muyeser El Reman (8) ê ku di encama êrîşa dewleta Tirk a li ser Sirînê birîndar bibû, jiyana xwe ji dest da.

22:32

Li Dadgeha Gelan a Rojava heyeta dadgehê ku beriya biryarê daxuyaniya destpêkê da, ragihand ku dewleta Tirk bi armanca qirkirinê bi awayekî sîstematîk sûcên şer û mirovahiyê pêk tîne. Dadgehê bang li civaka navneteweyî jî kir ku bikevin nava tevgerê.

20:11

Çalakiya Nobetê ya li Wargeha Mexmûrê bi armanca mîsogerkirina azadiya fîzîkî ya Rêberê Gelê Kurd Abdullah Ocalan hatî destpêkirin, bi dewirgirtina koma 112’emîn 568 rojan li pey xwe hişt.

16:52

Rojnameger Sahar Al-Khawlani ku li herêmên di bin kontrola Hûsiyan de gendeliya di perwerdeyê de eşkere kir û bal kişand ser zehmetiyên ku gelê li welêt dikişîne, piştî 5 mehan ji binçavkirinê tevî du zarokên xwe hat berdan.

15:31

KJK'ê endama Koordînasyona Kongra Star Salîha Viyan (Hêva Erebo) û endamê PYD'ê Hogir Dirbesiyê (Dilewer Erebo) bi bîr anî û got, "Şoreşa jinê ya Bakur û Rojhilatê Sûriyeyê di heman demê de hevala Salîha ye."

14:22

Di encamnameya kongreya jinan de ku 3 û 4’ê Sibatê li Qamişloyê hatibû lidarxistin, ji bo pêşxistina rola jinan di proseya siyasî û destûra nû ya Sûriyeyê de gelek pêşniyar pêş ketin.

13:35

Li Şengalê gora komî ya 54’emîn hat vekirin. Hat diyar kirin ku piraniya kesên ji vê gora komî derketine pêkhatiyên Şîa yên ji Şengalê ne.

12:36

Ji bo hilweşandina cezayê darvekirinê yê Pexşan û Werîşe, hezar û 200 kesan bang kirin û ragihandin ku divê rêxistinên mafên jinan berpirsên darvekirina jinan ji rayedarên Îranê bipirsin.

12:22

MKG'ê di rapora binpêkirina mafên jinên rojnameger a meha çileyê de diyar kir di Çileya 2025’an de herî kêm 7 rojnameger hatin binçavkirin, 4 rojnameger hatin girtin, 3 rojnameger jî bi muameleya xerab rû bi rû mane.

12:18

Li gor daxuyaniyên Netewên Yekbûyî û rêxistinên navnetewî hate eşkere kirin ku di sê rojên dawî de 40 zarok di encama bombebarankirina deverên cuda yên Sûdanê de hatine qetilkirin.

11:35

Dadgeha Gelan a Rojava ku ji bo darizandina sûcên şer û sûcên li dijî mirovahiyê yên dewleta Tirk ên li Bakur û Rojhilatê Sûriyeyê hate destpêkirin, li paytexta Belçîka Brukselê di roja duyemîn de ye.

10:19

Talîbanê avêt ser stasyoneke radyoyê ya li paytext Kabîlê ku tenê jin tê de dixebitîn û bernameyan ji bo jinan pêşkêş dikirin xebatkaran binçav kir û weşana radyoyê rawestand.