rojane

11:44

Bi boneya 11’emîn salvegera rizgarkirina Kobanê, TJA'yê tekez kir ku êrîşên li dijî jinên Kurd sîstematîk in û diyar kir ku ew ê tu carî ji têkoşîna rizgariya jinan paşve gav neavêjin.

11:33

Pêşketinên dawî yên li Bakur Rojhilatê Sûriyeyê, nîşan didin ku hêzên herêmî û cîhanî careke din li li dijî Kurdan, hewl didin li hev bikin. Tirkiye bi têkiliyên xwe yên bi Birayên Misilman re, ji wan hêzan sûdê digre û roleke kilît dilîze.

11:01

YPJ’ê di daxuyaniya bi boneya salvegera 11’emîn a serkeftina Kobanê de diyar kir ku divê tevahî gel li derdora destkeftiyên şoreşê kom bibin û got: “Bi rihê berxwedana Kobanê wê serkeftina me teqez bibe”.

10:50

Wezîra Perwerde û Entegrasyonê ya Swêdê Simona Mohammson, bertek nîşanî êrişên ser li Rojavayê Kurdistanê da û got: “Em tu zilm û zordariyê li ser bingeha tundî, nefret û dijminatiya li ser jinan qebûl nakin.”

10:31

Îlham Ehmed diyar kir ku di hevdîtinên bi Şamê re de hatibû qebûlkirin ku HSD weke 3 tumenan tevlî bibe lê bi mudaxeleyên derve ev biryar hat betalkirin.

10:29

Xebatkara rojnameya Yenî Yaşamê Zîlan Gul, di serdegirtina malê de hate binçavkirin. Sedema binçavkirina Zîlan Gul nehate zanîn.

10:28

Koordînasyona Kongra Star bi boneya salvegera rizgarkirina Kobanê ji destên çeteyên DAIŞ’ê yên girêdayî dewleta Tirk daxuyaniyek weşand û got: “Em ê bi berxwedana xwe Kobanê ji çeteyên dewleta Tirk û çeteyên Colanî re bikin cehenem”.

09:31

Jinên Koye û Rojavayê Kurdistanê bi çalakiyek êrîşên çeteyên HTŞ’ê ku desteka xwe ji dewleta Tirk digrin şermezar kirin.

09:16

Cîhadîstên Heyet Tehrîr el- Şam (HTŞ) agirbestê binpê dikin û êrîşê gundê Kobanê û kantona Çizîrê kirin. Duh di encama êrîşa çeteyan a li dijî gundê Qasimiyê de zarokek jiyana xwe ji dest da û 3 zarok jî birîndar bûn.

09:05

Rojnamegera Fransî Manon Queroul a ku hatiye Bakur Rojhilatê Sûriyeyê ji cîhanê re dibêje; “Çawa dibe ku we berxwedana van jinan, van xortan ji bîr kir?” û diyar kir ku divê îxanet li berxwedana van şervanan neyê kirin.

07:59

Çalakvana mafên mirovan a Mexrîbî Kebîra Şater destnîşan kir ku bêxemiya hêzên navnetewî ya li hember Kurdan, dibe sedem ku Kurd zêdetir pirsgirêkan bijîn û banga bihîstyariyê kir.

07:42

Şervana YPJ'ê Penaber Efrîn a ku ji Efrîna dagirkirî ye û niha di çeperên berxwedanê yên li Hesekê de cihê xwe digre, dibêje: ''Bi hêza ku em ji Rêbertiya xwe û gelê xwe digirin emê li ber xwe bidin. Ji xeynî berxwedanê tu bijarte û riya me nîne.''

07:14

Endama Koordînasyona YRJ’ê Yara Mihemed û Nûçegîhana Rojnemeya Ronahî Viyan Egîd dan zanîn ku rêveberiya demkî û çeteyên dewleta Tirk bi riya şerê taybet wê nikaribin dengê rastiyê qut bikin û gotin “Pêwîst e ragihandin destê xwe deyne ser birînên gelan.”

07:08

Jinên ji bajarê Qamişloyê nerazîbûna xwe li dijî dorpêçkirina li ser bajarê Kobanê nîşan dan û gotin ku Kobanê sembola berxwedana neteweyî ye, ew ê heta dawî piştgiriyê bidin Kobanê.

17:27

Li peravên Yewnanistanê ya Deryaya Ege, di encama bin avbûna keştiya koçberan de zarokek û jinekê jiyana xwe ji dest dan.

17:15

li Taxa Xerbî ya bajarê Qamişlo, li ser bingeha şerê gelê şoreşgerî Tabûrek ji ciwanên Taxê hat avakirin.

15:50

Çavdêriya Sûriyeyê ya Mafên Mirovan (SOHR) hişyarî da ku li Kobanî ji ber dorpêça dijwar a çeteyên HTŞ û şert û mercên dijwar ên zivistanê qeyrana mirovî girantir bûye û daxwaza mudaxeleya mirovî ya lezgîn kir.

15:26

Yekîtiya Ragihandina Azad balkişand ser dorpêça li ser Kobanê û birîna înternetê û wiha got: “Werin em hemû bibin çapemeniya Kobanê, em bi hev re eniya ragihandina azad ava bikin ku heqîqetê û mafê gelan ê jiyanê biparêze, sûc û tawanan eşkera bike.”

15:22

Li Suweydayê jineke 58 salî bi gulebaranê hat qetilkirin. Her wiha di teqîna bombeyek li herêma Sîna ya Suweydayê de 2 zarok hatin qetilkirin û 6 kes jî birîndar bûn.

15:11

Rêveberiya Xweser a Demokratîk a Kantona Firatê, bang li Kurdên li hemû beşên Kurdistanê û yên li dîasporayê kir ku li kêleka berxwedana gelê Rojava bisekinin û bang li civaka navneteweyî û rêxistinên navnetewî kir ku destwerdanê bikin.