rojane

11:00

Senaryoya dagirkirina Urmiyeyê, her çendî hê di raporên medya û analîzan de were ziman jî reqabeta dîrokî ya di navbera Tirkiye û Îranê de û ceribandinên dawî ya Enqereyê di Sûriye û Iraqê de, ji bo Rojhilat bûye hişyariyek cidî.

10:28

Di vê helbesta ku ji hêla jina bi navê Tarîfe ya ji Rojhilatê Kurdistanê ve ji bo jinên têkoşer ên Rojava hatiye nivîsandin de, berxwedan, hevgirtin û rolên wan ên dîrokî yên di pênasekirina têkoşîna azadiyê de, tê nîşandan.

10:00

Hunermenda Kurd a navdar Yelda Abbasî ya ji navçeya Şîrvanê, ji aliyê hêzên hikûmetê ve li mala malbata xwe ya li Meşhedê hate girtin.

09:09

Şêniyên gundewarên Kobanê, diyar kirin ku mesele ne alîkariya koliyên xurekê ye û dan zanîn ku ew dixwazin dorpêç rabe, merc çêbibin û bi ewayekî bi ewle vegerin gundên xwe.

08:53

Bajarê Hesekê ya Rojava ku piştî êrişên çeteyên HTŞ’ê, DAIŞ û dewleta Tirk bi seferberiyê rabûye, ji destpêka Şoreşê heya niha cara sêyemîn e ku bi êrişan re rû bi rû tê. Hezbiye Evdo ya Hesekê şahidiya xwe ji van êriş û berxwedaniyan re vedibêje.

08:36

Di demek ku wijdanê cîhanê li hemberî Rojava xwe ker û lal kiriye, li Başûrê Kurdistanê çîrokên wefadariyê tên nivîsandin Çîroka Husta Hacî Muslim ne tenê hewldek e, efsaneyek zindî ye sînorên hezkirinê derbas kiriye berê xwe daye Rojava.

08:14

Jinên Suweydayê li hember dorpêça li ser bajarê Kobanê bertek nîşan dan, pirsa “Ka zarok û jinan çi kirine da ku vê êşê heq bikin” kirin û gotin “Ew sivîl in û ti têkiliya wan bi şerê berdewam re tuneye.”

08:06

Ji deh salan zêdetir e, jiyana nêzîkî ji sedî 80’yê nifûsa Yemenê girêdayî alîkariya mirovî ye. Neteweyên Yekbûyî vê rewşê wekî krîza mirovî ya herî xirab a cîhanê bi nav dike. Jiyana di kampan de, her ku diçe dijwartir dibe.

07:19

Ji rûyê şervanên YPG û YPJ’ê yên li girê Kewkeb ê Hesekê di çeperan de ne; biryardarî, cesaret, fedakarî û girêdana bi ax û welat re bi hemû awayan xuya dike. Şervanên ciwan diyar dikin ku heta sax bin ew ê nehêlin dijmin axa wan dagir bikin.

07:14

Rêvebera Rêxistina Stêrk a Şopandin û Parastina Mafên Zarokan Jûliya Xelo, nerazîbûna xwe ya li dijî dorpêça li ser Kobanê nîşan da û da zanîn ku xwedîderketina li zarokan erka wan sereke ye û ew ê xwedî li zarokan derbikevin wan biparêzin.

07:07

Jina ciwan a êzidî Sosin Siya, diyar kir ku dema dîmenê ku porê şervana jin di destê çeteyek de jêkirî dîtiye, pir pê bandor bûye û wiha got: “Niha jî ji bo keziyek, bi hezaran jin bi hezaran keziyan dihûnin û tekoşîna wê şervana jin bilind dikin.”

15:57

Şêniyên wargeha penaberan a Mexmûrê ji bo salvegera 11’emîn a rizgarkirina Kobanê û êrîşên ku li ser Rojavayê Kurdistanê tên meşandin meşeke girseyî lidarxistin.

15:42

Di êrîşên çeteyên cîhadîst ên HTŞ-DAIŞ ku desteka xwe ji dewleta Tirk digrin de zarokekê jiyana xwe ji dest da, her wiha di êrîşa balafirên keşfê yên dewleta Tirk li dijî gundewarên Hesekê de 3 sivîl birîndar bûn.

15:17

Li serdeşta çiyayê Şengalê ji bo piştgiriya berxwedana Rojava daxuyaniyek hat dayîn û berxwedana gelê Rojava ya li hemberî dorpêç û êrîşan hat silavkirin.

14:48

Rêxistinên Tenduristiyê yên Silêmaniyê ragihandin ku bi beşdariya 9 sendîka û rêxistinan ji bo Rojavayê Kurdistanê ji bo komkirina alîkariyê dest bi kampanyayek dikin.

14:46

Piştî zêdetirî mehek ji xwepêşandanên berfireh ên li Îranê, raporên mafên mirovan behsa tepeserkirinek dijwar, girtinên berfireh, îtîrafên bi zorê û qutkirina înternetê dikin. Bi veşartina fermî re Rojhilat û bajarên din bi qeyranek siyasî re rû bi rû ye.

13:52

Desteya Jin a Kantona Firatê bi daxuyaniyek diyar kir ku ji ber erîşên deh roj in li ser gundewarên Kobanê didomin, mercên jiyanê gelek zor bûne û diyar kir ku bi sedan koçberên ku ji Heleb û Reqayê hatine li derve radizên.

13:50

Bajarê Hesekê yê Kantona Cizîrê ji aliyê Heyet Tehrîr El Şam, DAIŞ û komên girêdyî dewleta Tirk ve rastî gefên dagirkirinê tê. Tevî hemû êrîşan jî hevgirtina Kurdan bi hêzên ji Rojhilatê Kurdistanê beşdarî berxwedanê dibin re didome.

13:41

Çeteyên dewleta Tirk, HTŞ û DAÎŞ'ê li gundê Xerab Hişkê yê Kobanê komkujî pêkanîn. Di encama komkujiyê de 5 kes hatin qetilkirin û gelek kes jî birîndar bûn.

11:56

Li Rojavayê Kurdistanê sivilên ku ji ber êrîşan ji cih û warên xwe bûn, li mizgeft, dibistan, dêr û qadên vala bi cih bûn. Li Qamişloyê zarokek din ku neçar ma li mizgeftê bimîne, ji ber sermayê jiyana xwe ji dest da.