rojane

12:56

Parlementerên Partiya DEM’ê yên Wanê Gulcan Kaçmaz Sayyîgît û Gulderen Varli bûyerên kuştina jinan û mirina gumanbar birin rojeva parlamentoyê

12:09

Jinan têkildarî mirina bi guman a Fatma Nur Çelîk û keça wê Hîfa Îkra pirsa ‘Çima nehatin parastin?’ didomînin. Komeleyên jinan dixwazin berpirs hesab bidin.

11:49

Rapora Neteweyên Yekbûyî destnîşan kir ku qanûn ji bo parastina mafên jinan û berdewamiya tundî, cudakarî û dûrxistina ku dighîje qada dîjîtal û herêmên pevçûnê, têr nakin û got ku divê ev let li ber çav bê girtin.

11:49

Bi nêzbûna 8’ ê Adarê re, berdevkê Neteweyên Yekbûyî duh tiştê ku wî wek "kuştina hovane" ya çalakvan Yenar Mihemed li Bexdayê bi nav kir, şermezar kir û banga ‘hesab ji kujeran bipirsin’ kir.

11:42

Li gorî Rapora Binpêkirinên Mafên Jinan, li Rihayê di navbera salên 2024 û 2025'an de 12 jin hatine qetilkirin. 187 jin bi tundiyê re rû bi rû mane, 36 jin rastî destdirêjiyê hatine.

11:40

Li gorî daneyên rêxistina HRANA’yê, di nava 24 saetan de ji ber êrîşên Îsraîl û Emerîka yên li ser Îran û Rojhilatê Kurdistanê, 56 sivîlan jiyana xwe ji dest dane û birîndar bûne. Her wiha li 23 parêzgehan baregehên rejîma Îranê hatine hedefgirtin.

11:31

Bi boneya 8’ê Adarê KJAR’ê daxuyaniyek weşand û ji bo avakirina qonaxek nû ya Neteweya Demokratîk ku azadiya jinan têde bingeh be bang kir.

10:42

Dayîkên Aştiyê ji bajarê Til Temirê bang li jinan kirin ku îsal di 8’ê Adarê de ji her salê zêdetir li qadên pîrozbahiyê bin, daxwazên mîsogerkirina mafê xwe yê destûrî bilind bikin û xwedî li şoreşa xwe derkevin.

10:17

Ajansa Nûçeyan a Jinan a Efganistanê ku di sala 2016’an de dest bi weşanê kir, piştî Talîban hat ser rêveberiyê jî weşana xwe didomîne. Edîtora ajansê diyar kir ku tevî sansur û zextan bi biryar in çîrokên jinan ragihînin.

09:32

Di êrîşên dawî yên Pakistanê yên li ser Efganistanê de, hedefgirtina sivîlan nîşan dide ku têkoşîna ji bo hêzê ya di navbera Pakistan û Efganistanê de didome û gel bê parastin bi êş û koçberiyê re rûbirû maye.

09:29

Rageşiya li ser eniya Lubnanê bi berdewamiya êrîşên Îsraîlê re, bûye sedema mirin û birîndarbûna bi dehan sivîlan. Di heman demê de hejmara kesên ku ji destpêka rageşiyê ve koçber bûne ji 83 hezarî derbas bûye.

08:48

Pêşmergeya Partiya Demokrat Gelawêj Peyrewan dibêje: “Li Rojhilatê Kurdistanê şoreşa jinê didome. Erkê me girantir e, divê em vê şoreşê bi ser bixin. Divê Kurd li her çar parçeyên Kurdistanê bibin yek.”

08:45

Endama Rêveberiya Tora 8’ê Adarê Bihar Munzir têkildarî kuştşna Yenar Mihemed got: “Yenar Mihemed ji bo parastina mafên jinên Iraqê ji Norwecê hat Bexdayê lê ji aliyê kesên tarî ve hat kuştin. Em ê têkoşîna wê bidomînin.”

07:30

Hevseroka Tevgera Civaka Demokratîk TEV-DEM’ê Remziya Mihemed derbarê modêla jiyana demokratîk a jinan li Rojava axivî û got bi hêza jinan emê serkeftinê avabikin.

21:49

Komîteya Jineolojî ya wargeha penaberan a Mexmûrê di çarçoveya rêzeçalakiyên 8’ê Adarê de îro bi ser navê ‘Cudahî Pirengiye, Entegrasyon û Muzakere Riya Yekitiyê ye’ forûmek li darxist.

18:50

TAJÊ di çerçoveya rêzeçalakiyên 8’ê Adarê Roja Jinên Kedkar ên Cîhanê de li gundê Dîgur semînerek da.

16:22

Endama Şandeya Îmraliyê ya DEM Partiyê Pervîn Buldan piştî hevdîtina bi Wezîrê Dadê Akin Gurlek re diyar kir ku tê payîn piştî cejnê, hevdîtinên qanûnan dê di komîsyona edaletê de destpê bikin.

16:15

Bi êrîşa Dewletên Yekbûyî yên Emerîkayê (DYE) û Îsraîlê ya li ser Îranê re li Rojhilata Navîn şer zêde bû. Li Swîsreyê aktîvîstên jin ên ji netewên cuda li dijî tundiya li ser jinan a di şeran de kampanyaya îmzeyan a “Free All Woman” dan destpêkirin.

14:48

Li navçeya Nisêbinê a Mêrdînê Deklarasyona "Ber bi Bajarên Jinan ve" li Navenda Jiyana Jinan a Navjin hat eşkerekirin.

13:56

Komîteya Parastina Rojnamevanan dibêje herî kêm 15 rojnamevanên ku li Îranê hatine girtin jiyana wan di xeteriyê de ye. Komîte bang li rayedarên Tehranê kir ku wan tavilê, bê şert û merc serbest berdin.