rojane

09:52

Wezareta Parastina Îsraîl, ragihand ku êrîşên li dijî Îranê destpê kir.

09:35

Pêşkêşvana Misirî Înas el-Leysî, piştî rakirin nexweşxaneyê, ji ber ketina asta tevgerkirina xwînê jiyana xwe ji dest da. Ji bo kontrolkirina rewşa tenduristiyê beriya demekê çûbû derveyî welat.

08:42

Endama Rêveberiya Kongra Star Sabah Fadel diyar kir ku derûniya zarokên koçber û yên niştecih ji hev cuda ye, lewma jî ji bo başkirina derûniya van zarokan bername, çalakî û alîkariya derûnî pêşkêş dikin,

08:26

Di ser banga ‘Aştî û Civaka Demokratîk’ a Rêberê Gelê Kurd Abdullah Ocalan re salek derbas bû. Rêberê Gelê Kurd Abdullah Ocalan bi banga Aştî û Civaka Demokratîk PKK’ê fesh kir û dawî li stratejiya têkoşîna çekdarî anî.

07:47

Çalakvana mafên mirovan û psîkologa Mexrîbî Sofya El-Rajwanî diyar kir jinek ku tundiyê qebûl dike an normalîze dike, berpirsyariyek giran hildigre û got ku “Di serî de ji bo xwe û ya duyemîn jî ji bo zarokên xwe.

07:41

Jinên bajarê Til Temirê daxwaz ji hikûmeta veguhêz a demkî ya Sûriyeyê kirin ku destûreke nû ya demokratîk binivîsînin ku di nav de destkeftiyên jinan di Şoreşa Rojava de digre bin temînatê hebin da ku rê li ber Sûriyeya demokratîk vebe.

22:14

Sê girtiyên siyasî û girtiyekî siyasî yê berê, ji bo çilrojiya kesên ku di xwepêşandanên dawî ji hêla rejîma Îran ê ve hatine kuştin daxuyaniyek hevbeş dan. Di daxuyaniyê de gotin: "Hûn nikarin wijdanê raya giştî bi guleyan bêdeng bikin"

15:07

DEKUP’ê, der barê 1’emîn salvegera banga 27’ê Sibatê de daxuyanî da. Di daxuyaniyê de gavên ku divê dewlet biavêje hatin rêzkirin.

15:02

Komîserê Payebilind ê Mafên Mirovan ê Neteweyên Yekbûyî Volker Turk, da zanîn ku di sala 2024’an de nêzî 50 hezar jin û zarok ji aliyê malbat û xizmên xwe ve hatine qetilkirin.

14:42

Rewşa jinên li Efganistanê, ji ber biryarnameya nû ya Talîbanê ya têkildarî sînorkirinên jinan xirabtir dibe û ev yek di qada navneteweyî de bû sedema fikarên mezin. Çavdêr, hişyarî dikin ku wê tundî û cudakarî zêde bibin.

14:32

Li Xezaya ku ji ber şer bi tevahî hilweşiyaye, bi hezaran nexweş ji bo dermankirinê li benda tehliyekirinêne. Bi sedhezaran kesên ku ji cihê xwe hatine derxistin li herêmên hilweşiyayî bi nexweşiyên şewbê re rûbirû ne.

14:05

Navenda Riwak li Bexdayê çalakiyeke şeva çandî li dar xist ku girîngiya qadên çandî were destnîşankirin, hebûna jinan di qada giştî de were xurtkirin û rola sembolên çandî ya di bîra neteweyî de bê nîşandan.

13:29

Komîseriya Bilind a Mafên Mirovan a Neteweyên Yekbûyî ragihand ku di sala 2025’an de li Sudanê zêdeyî 500 bûyerên destdirêjiyê hatine tomarkirin. Li gorî raporê, jin û zarokên keç di pevçûnê de bi awayekî sîstematîk hedef tên girtin.

13:01

Xwişkên bi navê Sagar û Gazel Qudrat ên li Girtîgeha Adilabad a Şîrazê tên girtin, bi îdiaya lîdertiya xwepêşandanan her yek ji wan 5 sal mehkûmê cezayê girtîgehê hatin kirin.

12:18

Bi mebesta alvegera yekemîn a banga 27’ê Sibatê ya Rêberê Gelê Kurd Abdullah Ocalan, şêniyên wargeha Mexmûrê ji bo guhdarkirina peyama nû ya Abdullah Ocalan berê xwe dan Navenda Çand û Hunerê ya Mexmûrê.

12:16

Hevseroka Giştî yên DEM Partiyê Tulay Hatîmogullari ya di 1’emîn salvegera banga 27’ê Sibatê de axivî, wiha got: “Niha jî dora dewletê ye, divê gavên qanûnî biavêjin. Entegrasyona Demokratîk ne pişaftin e, jiyaneke hevpar û hevdu qebûlkirinê ye.”

11:26

TJA’yê têkildarî 1’emîn salvegera 27’ê Sibatê daxuyanî da û got: “Ji bo bidawîbûna şer û tundiyê, ji bo avakirina aştiyeke rasteqîn û birûmet, divê Meclîs berpirsiyariya dikeve ser milê xwe bi cih bîne. Û êdî dem nemaye ku were windakirin.”

11:16

Rêberê Gelê Kurd Abdullah Ocalan, di peyama ku bi mebesta salvegera 27’ê Sibatê weşand de diyar kir ku divê ji qonaxa neyînî derbasî avakirina pozîtîf bibin û wiha got: “Ji bo entegrasyona demokratîk, pêdivî bi qanûnên aştiyê heye.”

10:48

Bi boneya salvegera yekemîn a Banga Aştî û Civaka Demokratîk, wêneyeke nû yê Rêberê Gelê Kurd Abdullah Ocalan ê li Îmraliyê hatiye kişandin bi raya giştî re hate parvekirin.

10:20

Komeleya Jinên Demokratîk a Mexribê, ji Serokwezîr re nameyek şand û daxwaz kir ku parastina jinan were zêdekirin, beşdariya wan a aborî û civakî were xurtkirin û ji bo ewlekirina mafên jinan qanûnên zewac û hevberdanê bên nûjenkirin.