Helebce – Di çarçoveya Pêngava 16 Rojan a li dijî şîdeta zayendî de, Meclîsa Jinên Helebce duh li bajarê Helebce yê li Başûrê Kurdistanê Federal panelek li ser tundiyê li dar xist. Jinên ku ji partî û rêxistinan beşdar bûn sedem û encamên tundiyê nîqaş kirin.

Jinan li dijî tundiyê komîteyek ava kirin

Seroka Yekîtiya Jinên Kurdistanê Şaxa Şerezorê Şara Ebdulkerîm jî wiha got: “Me ji bo têkoşîna li dijî tundiya li ser jinan kampanya 16 rojan ragihand û di vê çarçoveyê de gelek çalakî li dar xistin. "Me her wiha komîteyek ava kir ji bo kêmkirina bandorên derûnî û civakî yên tundiyê."

Parêzer Şad Razgar diyar kir ku komîte wê helwesta malbatê ya li hemberî tundiyê nîqaş bike û destnîşan kir ku divê dê û bav di kêmkirina şîdetê de rola xwe bilîzin û ji bo xwedî reftarên saxlem bibin xwedî perwerdeyeke girîng.