Riha- Nobeta Edaletê ya Emîne Şenyaşar a di 14’ê Hezîrana 2018’an de li navçeya Pirsûs a Rihayê hevjîn û du lawên wê ji aliyê xizm û parazvanên wekîlê AKP’î Îbrahîm Halîl Yildiz ve hatin qetilkirin û lawê wê Ferît Şenyaşar ê ji êrîşê bi birîndarî rizgar bû, di 9’ê Adarê 2021’ê de li pêşiya Edliyeya Rihayê dabûn destpêkirin, di roja xwe ya 713’emîn de didome.

Ji ber ku îro dawiya heftê ye û edliye girtî ye malbata Şenyaşar nobeta xwe li mala xwe ya li navçeya Pirsûsê domand.

Malbatê, li ser hesabê xwe yê medya dijîtal  ev parvekirin kir: “Edaletê, ji heqîqetê çêdibe. Êş û doza me yek e! Heta ku kesên komkujî pêk anîn tên darizandin... Heta dawiyê bi ruhê piştevaniyê. Heta dawiyê edalet.”