Navenda Nûçeyan- Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) ragihandin ku, di çerçoveya pêngava “Cenga Azadiyê serbixin” de ji bo azadiya Rêberê Gelê Kurd Abdullah Ocalan dê dakevin qadan.

Li paytexta Fransa Parîsê, li Dusseldorf a Elmanyayê û li Zurîh a Swîsreyê, ciwan dê sibê dakevin qadan. Di daxuyaniya hevpar a der barê çalakiyê de hate dest nîşan kirin ev nêzî 28 meh in agahî ji Abdullah Ocalan nayê girtin û gotin, "Ciwanên Kurd ji azadiya fîzîkî ya Rêber Apo yekser berpirsyar in" û banga tevlîbûna xurt a beşdarbûna çalakiyan kirin. Rêxistinên ciwanan, di daxuyaniyên xwe de teqez kirin ku birêxistinkirina ciwanan û xistina nava liv û tevgerê wezîfeya me ya jêneveger e.

Navnîşan û saetên çalakiyên ku wê di 29'ê Tîrmehê (sibe) de bên lidarxistin wiha ne:

*Elmanya: Li ber DGB Haus, Dusseldorf saet: 12:00

*Fransa: Qada République, Parîs saet: 17.00

*Qada Canebière, Marsîlya saet: 19.00

*Swîsre: Helvetiaplatz, 8004 Zurich saet: 13.00