ژیان

09:25

هاوسەرگیری پێشوەختە بووەتە مۆتەکەی ژنانی عێراق، سەرباری زیانە کۆمەڵایەتی و تەندروستیەکانی ئەم هاوسەرگیریە، سزا و یاساکانیش تا ئێستا کێشەکەیان چارەسەر نەکردووە، دەستکراوە نەبوونی دادوەرەکانیش بە یەکێک لە چارەسەرەکانی ئەم پرسە دادەنرێت.

10:10

خوێندکارانی زانکۆی هەڵەبجە ڕژانە سەر شەقام و داوای مافەکانی خۆیان دەکەن، کە پێدانی دەرماڵە و لابردنی سیستمی پارەدانە لە زانکۆکاندا، لە بەرامبەر مافەکانیاندا هێزە ئەمنییەکان هێرش دەکەنە سەریان، خوێندکارانیش هاوار دەکەن، "چیتان دەوێت خوێندکاران دەرماڵەی چەند ساڵەمان".

08:56

هەرچەندە ڕۆژێک تایبەت کراوە بۆ بەرەنگاربوونەوەی توندوتیژی دژی ژنان بەڵام خودی ژنان خۆیان ئاگاداری ئەو ڕۆژە نین، هۆکارەکەشی گرنگی نەدانە بە پرسی ژنان و کپکردنەوەی ئەو ڕووداوە توندوتیژییانەی بەرامبەر بە ژنان ئەنجام دەدرێت.

10:15

بە نزیکبوونەوە لە ٢٥ی تشرینی دووەم، ڕۆژی جیهانی بەرەنگاربوونەوەی توندوتیژی دژی ژنان چالاکییەکان بۆ هۆشیاری و خستەڕووی توندوتیژی و چارەسەرییەکان دەستپێدەکات، بەڵام کەمترین هاوڵاتی دەربارەی ڕۆژەکە و بەرەنگاربوونەوەی توندوتیژی دەزانن.

10:13

ئەندامی بەڕێوەبەرایەتی گوندی ژنوار ڕوکەن ڕۆژدا سەبارەت بە دروستکردنی گوندی ژنوار وەک یەکەم گوند بۆ وەڵامدانەوەی هەموو شێوازەکانی توندوتیژی دژ بە ژنان وتی: "گوندی ژنوار یەکێکە لە بەرهەمی خەبات و بەرخۆدانی ژنان، ژیانی ژنان لە ژنوارەوە دەستیپێکرد، ئەو ژنانەی ناتوانن خۆیان بناسن و بێنە دەنگ، دەتوانن بێنە گوندی ژنوار بۆ ئەوەی بژین و کەسایەتی خۆیان بەهێز بکەن ژنوار گوندێکی پەروەردەیی و فێربوونی ئیرادەیە، هەروەها مۆدێلێکی بچووکی نەتەوەیی دیموکراتییە".

14:06

لە ١٨ی تشرینی دووەمدا، بزوتنەوەی خۆڕسکی ژنانی تێکۆشەری ئەفغانستان لە کتێبخانەی "پێشانگای کتێبی کابول" پڕۆژەیەکیان بۆ بەرزکردنەوەی خوێندن لەنێوان ژنان و گەنجان ڕاگەیاند بۆ ئەو ژنانەی لەلایەن ڕژێمی تاڵیبانەوە ڕێگری لە خوێندن و ڕاهێنانیان کراوە.

08:56

ژنانی بازیان لە ئازادییەکی بەرتەسکدا دەخولێنەوە، ژنانی شارۆچکەکە توندوتیژییەکان باس دەکەن، چالاکوانانیش دەڵێن دوو لەسەر سێی ئەم شارۆچکەیە ئەقڵیەتی پیاوسالاری زاڵە بەسەریدا، باس لە کاریگەرییەکانی قسەی خەڵک و نەبوونی ڕێکخراوەکانی ژنان دەکەن.

11:30

لە بەیروت پێشتر تەنیا یەک ژن لەنێو ١١ ئەندامی سەندیکای پارێزەران هەبوو، بەڵام ئێستا حەوت ژن بۆ هەڵبژاردنی سەندیکای پارێزەران کاندید کراون و ئەگەر هەڵبژاردنەکە ببەنەوە ژمارەی ژنە پارێزەرەکان زیاد دەبێت.

10:57

دایکانی عەفرین لە کامپەکانی کۆچدا بەهۆی هاتنی زستانەوە ڕووبەڕووی دژواری دەبنەوە، ئاماژە بەوەدەدەن کە لە چادری نایلۆندا دەژین، یەک ئامانجیشیان هەیە ئەویش گەڕانەوەیە بۆ عەفرین بە شكۆداری.

10:30

کۆچبەرانی هەرێمی کوردستان لەسەر سنوری نێوان بێلاڕوسیا-پۆڵەندا لە دۆخێکی سەختدا ژیان دەکەن، بەشێكی زۆر ژن و منداڵیان تێدایە و بەهۆی سەرما و نەبوونی پێداویستییەوە ڕووبەڕووی زەحمەتی دەبنەوە.

15:37

گوڵناز سەمامی کە لە ڕۆژانی خۆپیشاندانەکانی تشرینی دووەمی ٢٠١٩ لە ئێران کوژرا، کوڕەکەی بە ناوی ڕۆهام هەر کە فێری خوێندنەوە و نووسین بوو، بۆ دایکی نووسی و خۆشەویستی خۆی بۆ دایکی دەردەبڕێت.

10:30

هێرشەکانی تورکیا بۆسەر باشوری کوردستان بەردەوامە و ژنانی گەنجی ڕانیە ئاماژە بەوەدەکەن کە بۆردومانەکان زیان بە گوندەکان دەگەیەنێت و دەشڵێن: ئەمە خاکی ئێمەیە پێویستە حکومەتی هەرێم بێتە دەنگ.

10:45

ڕێکخراوی خەڵک بۆ گەشەپێدان- PDOبە پاڵپشتی ڕێکخراویئینتەرنیوز زنجیرەیەک چالاکی بە ناونیشانی "کوشتن بە بیانووی شەرەفەوە" لە گەرمیان ئەنجامدا.

11:35

٢٥ ساڵ بەسەر دامەزراندنی فەوجی ژنان لە هەرێمی کوردستاندا تێدەپەڕێت، دامەزرێنەرانیشی باس لە سەرەتاکانی دامەزراندنی فوجەکە و تۆکمە و هێزی فەوجەکە دەکەن، دەڵێن پاڵپشتی تەواو دەکران و سەرەتای هێزەکەش لە خێمەیەکی بچووکەوە بووە.

09:10

گروپێکن لە خەڵکی مەسیحی نەریتخواز کە بۆ ماوەی سەدان ساڵ پارێزگارییان لە بەها کلتووری و پیرۆزییەکانیان کردووە، لە سەرەتای سەدەی ١٨ هاتونەتە ویلایەتی پێنسلڤانیا لە ئەمریکا بۆ دەربازبوون لەو چەوسانەوانەی لە ئەوروپا ڕووبەڕوویان دەبوویەوە.

09:52

پارێزەر ڕۆشین حیدۆ، ئەندامی ڕێکخراوی مافی مرۆڤی عەفرین، دۆخی عەفرین و ئەو گۆڕانکارییە دیمۆگرافییەی کە دەیانەوێت ئەنجامی بدەن هەڵسەنگاند و وتی: "ڕۆژانە گۆڕانکاری دیمۆگرافی لە عەفرینی داگیرکراودا ڕوو دەدات لە جیاتی گوندە ڕەسەنەکان دەیان یەکەی نیشتەجێبوون بۆ لەناوبردنی ناسنامە و بوونی کورد دامەزراون".

13:31

بەهۆی قەیرانی سوریاوە، هێشتا پێویستی هاوکاری مرۆیی لە سەرانسەری وڵات و بەتایبەتی لە ئیدلب لە زیادبووندایە و قورسترین بارگرانی ئەم دۆخەش لە سەر ژنانە.

09:10

ژنان بەردەوام دەخوازن کە گەنجتر دەربکەون و تەمەنی ڕاستەقینەی خۆیان بشارنەوە، بەڵام بەشێکیان نازانن بۆچی دەخوازن گەنجتر دەربکەون، چالاکوانانی بواری ژنانیش ئەمە بۆ ئەقڵیەتی کۆمەڵگا دەگەڕێننەوە، کە ژنان بە ژمارەی تەمەنیان کەسایەتیان دیاریدەکرێت و زۆری تەمەن واتە نەمانی توانا.

14:56

لە ساڵیادی دامەزاندنی یەکێتی ژناندا مەراسیمێک ئەنجامدرا، ئەندامەکانیشی هەر یەکەیان لە بواری خۆیدا کار بۆ ژنان دەکەن، ئەندامێکی سکرتاریەتی یەکێتی ژنان دەڵێت، پرسەکانی ژنان هێشتا زۆری ماوە و تا کۆمەڵگا تەواو هۆشیاری نەبێت پرسی ژن بە تەنها چارەسەر نابێت.

09:15

لە کۆمەڵگای بێزەنتییەکاندا ژنان لە بەشێکی زۆری مافەکانیان بێبەشبوون و نایەکسانییەکی دیاری چینایەتی دەبیندرا، بەشێکی ئەو ژنانەش لە مێژوودا باسیان لێوەکراوە.