ڕۆژانە

13:38

ئەمڕۆ پۆلیسى دەوڵەتى تورک لەناوچەی نسێبین لە سنورى ماردین هەڵیانکوتایە سەر ماڵان و تێیدا ڕەمزیە بایهان، هاوسەرۆکی دەبەپەی ناوچەکە دەستگیرکرا و گواستراوەتەوە بۆ بەڕێوەبەرایەتی پۆلیسی ماردین.

12:42

ئەمساڵ ٧٢٦ منداڵ و هاوژینی چەتەكانی داعش لە کامپى هۆل ڕادەستی وڵاتەكانیان كراونەتەوە.

10:51

بە سووربوون ژنان دەتوانن سەربەخۆیی خۆیان بەدەست بهێنن، ئەمەش وایکردووە ڕائیدە حەسەن هەنگاو بنێت بۆ کردنەوەی کاری خۆی.

09:21

بارانبارینی زۆر لە لیبیا لە سەرەتای ئەم هەفتەیەوە زیانی بە زۆربەی ناوچەکان گەیاندووە و هەندێک لە خێزانەکانیش بەهۆی لافاوەوە لە ماڵەکانیان ئاوارە بوون.

08:58

گیزەم میران، پارێزەری ئۆهەدە ڕایگەیاند، ئەو زیندانییانەی مانیان لە خواردن گرتووە، لە زیندانی تاکەکەسیدا زیندانیکراون و هەندێک لە زیندانییەکان لێیان دەدرێت، دەبێت دەستبەجێ دەنگ بدەن بە داواکارییە یاساییەکانی زیندانییەکان.

08:29

فەریدە شەنگالی، ئەندامی تەڤگەری ئازادیی ژنانی ئێزدی باسی لە گرنگی هەڵبژاردنی پارێزگاکان کرد و داوای لە خەڵکی شەنگال کرد دەنگ بە داهاتوو بدەن و بچنە سەر سندوقەکانی دەنگدان.

15:34

ئایشەگوڵ دۆغان، وتەبێژی پارتی یەکسانی و دیموکراسی گەلان "هەدەپ" ڕایگەیاند، ناوی پارتەکە بۆ پارتی دەم گۆراوەو وتی: ناوە نوێیەکەمان ڕۆحی سەردەمێکی نوێ، ساتی سەرەتایەکی نوێ و جێبەجێکردنی وشەیەکی نوێ دەردەبڕێت.

14:21

ڕێكخراوی نەتەوە یەكگرتووەكان بڵاویكردەوە، بۆ ساڵی داهاتوو ١٨٠ ملیۆن و ٥٠٠ هەزار كەس لە جیهان بەهۆی شەڕ و ململانێكان و گۆڕانی کەشوهەوا و چەند هۆكارێكی دیكە،پێویستیان بە هاوكاریی مرۆیی هەیە.

14:02

لە دەستپێکی هێرشە زەمینییەکانەوە بۆ سەر کەرتی غەززە، ئیسرائیل ١٤٢ ژن و منداڵی کچی دەستگیرکردووە، لە ماوەی دەستگیرکردنیاندا ڕووبەڕووی فشاری دەروونی و جەستەیی بوونەتەوە، ئەمەش ئاستی ترس لە چارەنووسیان زیاد دەکات.

13:50

هەڵمەتی چاندنی ٢٥ نەمام لە کۆتا ڕۆژی هەڵمەتی ١٦ ڕۆژەی بەرەنگاربوونەوەی توندوتیژی دژی ژنان بەڕێوەچوو.

13:21

کۆمەڵەی ڕۆژنامەنووسانی ژن "ROJIN" سێیەمین کۆنفرانسی خۆی ئەنجامدا و ڕایگەیاند، ‌هێز لە فەلسەفەی "ژن، ژیان، ئازادی" وەردەگرن و دەبنە دەنگ و ڕەنگی ژنان بۆ ئەوەی ڕاستی لە تاریکیدا نەمێنێتەوە.

12:41

کاربەدەستانی تەندروستی بەریتانیا هۆشداری دەدەن لەوەی لەوانەیە هەندێک لە بەریتانیا لە ساڵانی ٢٠٤٠ تا ٢٠٥٠ بەهۆی بڵاوبوونەوەی مێشوولەکانی ڤایرۆسی دێنگی و چیکۆنگونیا و زیکا بناڵێنێت.

11:44

ساڵانە بەلایەنی کەمەوە ٤٠ ملیۆن ژن ڕووبەڕووی کێشەیەکی تەندروستی درێژخایەن دەبنەوە کە بەهۆی منداڵبوونەوە دروست دەبێت.

10:28

ئەلیف دەلال ئالاکوش، خوێندکاری زانکۆ دەڵێت: ئامانجمان ئەوەیە گەنجان ئاگادار بکەینەوە لە سیاسەتی شەڕی تایبەت و وەستانەوە لە دژی.

09:27

لە کانوونی دووەمی ٢٠٢١ەوە، دەوڵەتی تورکیا بەشی سووریای لە ئاوی فورات بڕیوە، لە ماوەی سێ ساڵی ڕابردوودا قەیرانێکی گەورە لە هەرێمی فورات ڕوویداوە و کاریگەری لەسەر بوارەکانی کشتوکاڵ و ئاو و وزە و تەندروستی کردووە.

09:03

مونا یاقو، سەرۆکی دەستەی مافی مرۆڤی هەرێمی کوردستان، ڕایگەیاند، پڕۆژەیەکی نوێیان هەیە کە لە ڕێگەی ئۆنلاینەوە سکاڵا دەنێردرێت بۆ دەستەی مافی مرۆڤ و بەدواداچوون بۆ سکاڵاکە دەکرێت.

07:29

تەرمی ژنێک لە ڕێگای شاری عەفرین- عەزاز لە شەرای عەفرین دۆزرایەوە.

15:01

دوای چەندین جار هۆشداری، ڕێكخراوی تەندرووستی جیهانی دۆخی تەندروستی غەززە بە كارەساتبار وەسف كرد و ئاماژەی بەوەکرد ، تا دێت كارەساتەكانی سەر تەندورستی غەززە زیاتر دەبن.

14:50

گەمارۆکانی حکومەتی شام و دابین نەکردنی پێداویستییەکانی ژیان بۆ خەڵکی عەفرین، وای کرد منداڵێک بە ناوی سۆزدار حەسەن لە شەهبا لە سەرمادا گیان لەدەستبدات.

14:16

لە درێژەی چالاکیەکانی ١٦ ڕۆژی بەرەنگاربوونەوەی توندوتیژی دژی ژنان، "پلاتفۆرمەکەم ٣٠" بۆ پشتگیریکردنی ژنان و بەرزکردنەوەی هۆشیاری پیاوان هەڵمەتێکی دەستپێکرد.