ڕۆژانە

10:39

٢٣ ساڵ بەسەر کۆمەڵکوژییەکەی ١٩یکانوونی یەکەمدا تێدەپەڕێت کە تیایدا زیندانییەکان بە زیندوویی سوتێندران و ناویان لێنا "ئۆپەراسیۆنی گەڕانەوە بۆ ژیان،" تا ئێستا بەرپرسیارانی سیاسی کۆمەڵکوژییەکە لێپرسینەوەیان لێنەکراوەو، بکەران سزانەدران.

09:56

بەهۆی بوومەلەرزەیەکەوە کە بە پلەی ٥.٩ بپلەی ڕێختەر بوو لە پارێزگای گانسوی باکووری ڕۆژئاوای چین، ١١٦ کەس گیانیان لەدەستداوەو تیمەکانی فریاکەوتن بەردەوامن لە گەڕان بەدوای ڕزگاربووان.

09:13

بۆ هەڵبژاردنی ئەنجومەنی پارێزگاکانی عێراق کە ١٨ی کانوونی یەکەم بەڕێوەچوو، هەزارو ٦٦٢ ژن کاندید بوون و ئەنجامی باشیان بەدەستهێناوە.

08:35

شیرین عەبدۆ، وتەبێژی خۆبەڕێوەبەری خوێندنگەکانی ناوچەی زرگان، تیشک دەخاتە سەر هێرشەکانی دەوڵەتی تورکیا بۆ سەر ناوچەکەو وتی: هەزاران منداڵ بەهۆی هێرشەکانەوە ناتوانن بخوێنن.

15:06

لە بەیانی ئەمڕۆوە هەڵبژاردنی ئەنجومەنی پارێزگاکانی عێراق و ناوچە کێشەلەسەرەکان بەڕێوەدەچێت و ئەم هەڵبژاردنە بۆ پارێزگای کەرکوک لە دوای ١٨ ساڵەو چارەنووسسازە.

14:53

ئەو گۆرانیبێژەی بە تێکۆشان لەگەڵ گۆرانییەکانی بوونی خۆی دروستکرد، ئەمڕۆ ٢٥ ساڵ بەسەر کۆچی دوایی ئایشە شاندا تێدەپەڕێت.

13:39

ڕیهام حجۆ، وتەبێژی تەڤگەری ئازادیی ژنانی ئێزدی "تاژێ" وتی: دەنگی ئێوە بۆ ئازادی و خۆبەڕێوەبەرییە لە شەنگال، تیشکی خستە سەر گرنگی هەڵبژاردنی پارێزگاکان و داوای لە کۆمەڵگەی ئێزدی کرد خاوەنداری لە ئیرادەی خۆیان بکەن.

12:45

بەهۆی بارانبارینی باران و دروستبوونی لافاو لە مالیزیا و ئوسترالیا هەزاران کەس لە ماڵەکانیان ئاوارە بوون بۆ پەناگەکان.

11:05

سەرچاوە ئیسرائیلییەکان ئاشکرایان کرد، گفتوگۆ لەسەر ڕێککەوتنێکی نوێ و ئاڵۆزی ئاڵوگۆڕی زیندانییەکان لەگەڵ حەماس دەکەن، دوای ڕووداوەکەی گەڕەکی شوجاعیە لە غەززە کە تیایدا سوپای ئیسرائیل سێ دەستگیرکراوی بە هەڵە کوشت.

10:21

هه ڵبژاردنی ئەنجومەنی پارێزگاکانی عێراق دەستیپێکرد و لە شەنگال لە بەیانی ئەمڕۆوە خەڵک دەچن بۆ بنکەکانی دەنگدان بۆ هەڵبژاردن و ناردنی نوێنەرەکانیان بۆ ئەنجومەنی پارێزگای نەینەوا.

09:48

بێریڤان محەمەد، کە لە بەشی دەرمانخانەی ناوەندی تەندروستی زرگان کار دەکات، ئاماژەی بەوەکرد، بەهۆی هێرشەکانی دەوڵەتی تورکیا بۆ سەر زرگان، کێشەی زۆر هەیە لە بواری تەندروستیدا.

08:55

ئەڤین پاشۆ، سەرۆکی دەستەی ژنانی هەرێمی جزیرە هەڵسەنگاندن بۆ کار و دەستکەوتەکانی دەستەکە دەکات بەتایبەتی بۆ ژنان و منداڵان و ئاماژەی بەوەدا کە ئامانجی سەرەکییان ڕێکخستن و پاراستن و خاوەنداری کردن لە منداڵانی بێکەسە.

15:02

بەگوێرەی ڕاپۆرتێكی بەڕێوەبەرایەتی نیشتمانی بۆ ئۆقیانوس و بەرگەهەوا لە ویلایەتە یەكگرتوەكانی ئەمریكا، جەمسەری باكوور لەمساڵدا گەرمترین هاوینی بەڕێكردووە.

14:51

دایکێک و کچەکەی لە هێرشێکی ئیسرائیلدا بۆ سەر کڵێسایەکی مەسیحی لە غەززە گیانیان لەدەستدا.

14:30

ئێلناز ڕێکابی، ئەندامی تیمی شاخەوانی ئێران، مەدالیای بڕۆنزی لە جامی سەرکەوتنی ئاسیا بردەوە.

14:05

سروە گورجی پوور، خەڵکی شاری سنەی ڕۆژهەڵاتی کوردستان، مەدالیای زێڕی لە پێشانگەی نێودەوڵەتی داهێنان و نوێبوونەوەی دوبەی بۆ ساڵی ٢٠٢٣ لە ئیمارات بردەوە.

13:35

لە یەمەن ژنان کە لە کامپی نەجد قەسیم لە تەعز نیشتەجێ بوون بەهۆی قەیرانی مرۆییەوە هێشتا لە بارودۆخێکی سەختدا دەژین.

12:58

ڕێکخراوی نێودەوڵەتی کۆچ ڕایگەیاند، نزیکەی ٦١ کۆچبەر کە لەناویاندا منداڵ و ژن هەن، دوای ژێرئاوکەوتنی بەلەمەکەیان لە کەناری لیبیا بێسەرشوێنن و پێدەچێت گیانیان لەدەستدابێت.

10:42

کۆنفڕانسێک لە شاری هەولێر بە ناونیشانی "سه‌د ساڵه‌ی لۆزان، ڕۆڵی ژن له‌ پاراستنی خاك و ناسنامه‌"  بەڕێوەچوو، لێکەوتە و دەرئەنجامەکانی پەیماننامەی لۆزان له‌ سه‌ر ژنان له‌ باشووری كوردستان تاوتوێ کرا.

10:27

دوای کوشتنی سێ بارمتەی حەماس لەلایەن ئیسرائیلەوە کە دەوترێت"بە هەڵە" بووە، خێزانی دەستگیرکراوەکان داوایان کرد شەڕ لە کەرتی غەززە بوەستێندرێت و دەبێت دانوستانی نوێ بۆ گەڕاندنەوەی بارمتەکان دەستپێبکات.