ڕۆژانە

14:02

ڕێکخراوی پەیامنێرانی بێسنوور ئاماری ساڵی ٢٠٢٣ی ڕاگەیاندو ئاماژەی بەوەکرد، ٤٥ ڕۆژنامەنووس کوژراون ڕۆژنامەنووسانی کورد و ژن  بە تایبەتی کرانە ئامانج.

13:26

لە پانێڵێکدا بە بەشداری ژنانی کورد و عەرەب، باس لە بەرگری لە خاک و ژیان لە ڕۆژهەڵاتی ناوەڕاست کرا، کە ژنان دەتوانن ڕۆڵی سەرەکی تیادا ببینن.

12:51

دامەزراوەی یونسکۆ ئاشکرایدەکات، لە ڕاگەیاندنەکانی وڵاتی کەمبۆدیادا ئامادەیی ژنان تەنها ٥% پێکدەهێنێت، هەر بۆیە هەڵمەتێک بەناونیشانی "کێ هەواڵەکانی کەمبۆدیا ئامادە دەکات؟" ڕاگەیەندراوە.

12:28

دادگای باڵای ئەمەریکا ڕازی بووە بە گوێگرتن لە کەیسێک کە بڕیار لەسەر بەردەستبوونی حەبی لەباربردن دەدات دوای ئەوەی دادگای خوارووتر ڕێگەپێدانی سنووردار کرد بۆ حەبی لەباربردن کە "میفێپریستۆن"ی تێدایە.

10:50

وەزارەتی تەندروستی فەلەستین ئاشکرای کرد، بەهۆی بۆردوومانی بەردەوامی هێزەكانی ئیسرائیلەوە، تا ئێستا ٨ هەزار هاوڵاتی غەززە بێسەروشوێنن و دۆزینەوەیان ئەستەمە.

10:15

دەسەڵاتی دادوەری سەربازی تونس سزای یەک ساڵ زیندانی بەسەر شەیما عیسا، ئەندامی بەرەی ئۆپۆزسیۆنی تونس سەپاند.

08:39

کژار بە ڕاگەیەندراوێک سەبارەت بە بەرخۆدانی ژنانی زیندانیکراوی زیندانەکانی ئێران ڕایگەیاند، زیندان قەڵای خەبات و بەرخۆدانە، قەڵایەک کە بەرخۆدان دروستدەکات و بەرخۆدان ژیان دەئافرێنێت.

08:07

ژنانی کانتۆنی کۆبانێ دژی هەڕەشە و هێرشەکانی دەوڵەتی تورک بۆ سەر باکوور و ڕۆژهەڵاتی سووریا هەڵوێستیان دەربڕی و وتیان: خاکی مرۆڤ شەرەفمەندانەیە، لە بەرامبەر تانک و تۆپی داگیرکەر گیانی خۆمان دەکەینە قەڵغان بۆ پاراستنی خاکەکەمان.

07:42

زیلان ئەحمەد، بەڕێوەبەری نوسینگەی ژنان بۆ کشتوکاڵ و ئاودێری، پشتڕاستی کردەوە کە هێرشەکانی دەوڵەتی داگیرکەری تورکیا ناوچە کشتوکاڵییەکان دەکەنە ئامانج و وتی: ئامانجی هێرشەکان قوڵکردنەوەی قەیرانی ئابووری و شکستپێهێنانی بەرخۆدانی گەلە.

15:18

کۆنفرانسی لوتکەی کەشوهەوای نەتەوە یەکگرتووەکان-COP28 گەیشتە ڕێککەوتنێکی مێژوویی کە دەتوانێت بۆ یەکەمجار پاڵپشتی وڵاتان بکات بۆ دوورکەوتنەوە لە بەکارهێنانی سووتەمەنی بەردینی.

14:09

نەبوونی سووتەمەنی و دەستپێکردنی سەرمای وەرزی زستان حاڵەتەکانی دار بڕینی زیاد کردووە و پۆلیسی داستان و ژینگەی پارێزگای سلێمانی بۆ پاراستنی ژینگە چەندین کەسی دەستگیر کرد.

13:04

بەپێی بڕیارنامەی ساڵی ڕابردووی وڵاتی ئێران ٪١ی بودجە بۆ ژنان تەرخانکرابوو، بەڵام ئێستا لە پڕۆژەیاسای بودجەی ١٤٠٣ لابراوە.

12:06

ڕێکخراوی خۆراک و کشتوکاڵی سەر بە نەتەوە یەکگرتووەکان دوای پەرەسەندنی قەیرانی خۆراک لە سودان زەنگی ئاگادارکردنەوەی لێدا و داوای کرد ڕێوشوێنی بەپەلە و پێویست بگیرێتەبەر بۆ ئەوەی کارەساتی مرۆیی ڕوونەدات.

10:35

دەوڵەتی تورک بەردەوامە لە بۆردوومانی ناوچە جیاوازەکانی باشووری کوردستان، هەروەها سەربازانی تورک لەناو خاکی باشووردا ڕێگری لە دانیشتووانی هاتوچۆی برادۆست دەکەن.

10:22

لەگەڵ بەردەوامبوونی جەنگدا، منداڵانی غەززە ڕووبەڕووی دۆخێکی کارەساتباری بەدخۆراکی و لەدەستدانی دەرمان و داڕمانی سیستمی تەندروستی دەبنەوە دوای ئەوەی زۆرێک لە نەخۆشخانەکان لە خزمەتگوزاری وەستاون، ئەمەش کاریگەرییەکانی بڵاوبوونەوەی پەتا و نەخۆشییە گوازراوەکان

09:06

ئەو ژنانەی کە لە سوەیدا پشتگیری ناکرێن دەڵێن: داواکاریمان تەنها ژیانێکی مرۆڤانەیە.

07:40

ژنان لە کامپی پەنابەرانی شەهید ڕۆستەم جودی مەخموور پشتیوانی خۆیان بۆ مانگرتن لە خواردن دەربڕی، کە لەلایەن زیندانیانی سیاسییەوە دەستی پێکردووە و داوای "ئازادی بۆ عەبدوڵا ئۆجالان، چارەسەری سیاسی بۆ پرسی کورد" دەکەن.

14:50

پەخشان عەزیزی، ڕۆژنامەنووس و زیندانی پێشووی سیاسی کورد، دوای چوار مانگ لە لێکۆڵینەوە بۆ بەشی ژنانی زیندانی ئەڤین گواسترایەوە.

14:18

ڕێکخراوی سارا بۆ بەرەنگاربوونەوەی توندوتیژی دژی ژنان لە عەفرین-شەهبا لە باکوورو ڕۆژهەڵاتی سووریا ئیدانەی تاوانەکانی داگیرکاری تورکیا دژی ژنان لە عەفرینی داگیرکراو دەکات و داوای لە هەموو وڵاتان و لیژنەی مافەکانی مرۆڤ کرد کۆتایی بەو تاوانانە بهێنن.

13:57

لە نامەیەکدا نوێنەرانی پەرلەمانی ئەوروپا داوایان لە ڕژێمی ئێران کرد ڕێگە بە خێزانەکەی ژینا ئەمینی بدات گەشت بکەن بۆ فەڕەنسا بۆ وەرگرتنی خەڵاتی ساخارۆڤ.