ڕۆژانە

14:56

کۆنگرەی ستار کاردانەوەی لە بەرامبەر بڕیاری کەیسی کۆبانی ڕاگەیاند ئاماژەی بەوەکرد، ئه م بڕیاره بە تەواوی سیاسییەو بۆ زیندوکردنەوەی داعشە.

14:08

به‌رگریی شارستانی زاخۆ ڕایگەیاند، کچ و کوڕێک لە ئاودا خنکان و تەرمەکانیان تا ئێستا نەدۆزراوەتەوە.

13:19

لە ئیزمیر و ئیستەنبوڵ و مانیسا کە دەیان کەس دەستبەسەر کرابوون، ١٨یان دەستگیر کران.

11:59

لە ئەنجامی هێرشەکانی دەوڵەتی تورک بۆ سەر شەهبا، ٢ منداڵ بریندار بوون، ڕاگەیەندرا کە لە بۆردوومانەکە سەر لە بەیانی دەستی پێکردووە و فڕۆکەی بێ فڕۆکەوانیش دەسووڕێتەوە.

11:25

ڕێکخراوی مافی مرۆڤی عەفرین-سووریا ڕاپۆرتێکی سەبارەت بە پێشێلکارییەکانی دەوڵەتی تورک لە عەفرین ئامادە کردووە و تیایدا هاتووە، لە ماوەی ٦ ساڵدا ١٠ هەزار کەس ڕفێنراون و ٤٦٣ کەس کوژراون و ١٤٢ ژن دەستدرێژی سێکسییان کراوەتە سەر.

11:14

نووسینگەی نەتەوە یەکگرتووەکان بۆ هەماهەنگیی کاروباری مرۆیی بڵاویکردەوە، تەواوی کۆگاکانی فریاگوزاری لە غەززە داخراون و هیچ شتێک نەماوە بۆ دابەشکردن.

10:44

ڕۆژی ٢٠ی ئایار یەکەمین ساڵیادی بڵاوکردنەوەی گۆڤاری “آفاق المرأة”یە، نێرگز ئیسماعیل، سەرنووسەری گۆڤارەکە وتی: بۆ ئەوەی کۆمەڵگە بگەڕێتەوە بۆ ژیانی سروشتی خۆی، لە شۆڕشی قەڵەمی ژناندا سەرکەوتوو دەبین.

09:56

ژنانی تل تەمر پشتیوانییان لە هەنگاوی کەژەکە و پاژک کرد بۆ پاراستن و ڕێکخستنی خۆیان لە دژی هێرشی داگیرکاری و هۆشیاری نەتەوە-دەولەت و پیاوسالاری.

08:40

گەلی کۆبانێ دژی بڕیاری دەستگیرکردنی سیاسەتمەداران و پارێزەران لە کەیسی کۆبانی چوونە مەیدانەکان. و وتیان: کەیسی ئەو زیندانییانە شەرەفی ئێمەیە.

15:45

کۆنگرەی ستار لە بەیاننامەیەکدا یادی شەهیدانی مانگی ئایاری کردەوە و وتی: لە پێشەنگایەتی شەهیداندا، ئێمە هەموو مانگ و ڕۆژێک و کاتژمێرێک مێژووی پاڵەوانێتی دەنووسین.

14:54

دەستپێسخەری پشتیوانی لە فیگەن یوکسەکداغ لە بەیاننامەیەکدا وتی: سزاکان قبوڵ ناکەینم داوا لە هەموو لایەک دەکەین کە هەڵوێست وەربگرن.

13:49

لە چوارچێوەی لێکۆڵینەوەیەک کە لەلایەن نووسینگەی داواکاری گشتی وان ئەنجامدرا، ٥٥ کەس لە ١٣ی ئایار دەستبەسەرکران، ٢١یان دەستگیرکران و ٣٤ کەسیان بە مەرج ئازادکران.

12:51

نووسینگەی ڕاگەیاندنی حكومەتی غەززە بڵاویكردەوە، بەهۆی شەڕ و پێكدادانەكانی نێوان ئیسرائیل و حەماسەوە ١٤٧ ڕۆژنامەنووس لە كەرتی غەززە كوژراون.

11:23

ئاگرکەوتنەوەکان بەهۆی بەرزبوونەوەی پلەی گەرماوە هەم بەهۆی هێزەکانی پشتیوانی خێرا "RSF" لە هەندێک لە هەرێمەکان بوونەتە هۆی ئەوەی ٣٨٠خێزان ماڵەکانیان جێبهێڵن.

10:00

دوێنی ١٦ی ئایار، دادگای تورکیا دەربارەی دۆزی کۆبانێ بڕیاریدا و سزای دەیان ساڵ زیندانیی بەسەر سیاسەتمەدارانی کورددا سەپاند، لە دژی ئەمەش ناڕەزایەتی فراوان نیشان درا و دەم پارتی ڕایگەیاند، ئەم بڕیارە سیاسیی و بێبنەمایە.

09:17

گوڵتان کشاناک، هاوسەرۆکی پێشووی ئامەد شەوی ڕابردوو ئازادکراو لەبەردەم زیندان وتی: لە بنەڕەتدا ئێمە پێویستمان بە ئاشتی و ئازادییە، دەمانەوێت لە وڵاتێکدا بژین، کە ژن، گەل، باوەڕیی، ناسنامە و زمان تێیدا ئازاد بن.

09:07

ژنانی کۆبانێی کانتۆنی فورات وتیان: ئاشکرایه دەوڵەتی تورک هەوڵی داگیرکاری دەدات و لەم پڕۆسەیەدا بەبێ وەڵام نابین.

14:56

فێستیڤاڵی ڕۆژی کۆیە بە نمایشی وێنەو کاری دەستی و خواردنی کوردەواری بەڕێوەچوو، ژنانی بەشداربوو ئاماژەیان بەوەکرد، پێویستە ژنان کاریان هەبێت و کەسایەتی خۆیان دیاری بکەن.

14:52

ئەمڕۆ دانیشتنی دادگایی دۆزی کۆبانێ دەستیپێکرد، بەڵام لە کۆی ١٨ کەس ١٦ سیاسەتمەداری زیدانیکراو ئامادەی دانیشتنی دادگاییەکە نەبوون، هەریەک لە فیگەن یوکسەکداغ و گوڵتان کشاناک لەناو ئامادە نەبوواندان.

14:37

خوێندکارانی قوتابخانەی ئامادەیی کامپی پەنابەرانی شەهید ڕۆستەم جودی "مەخمور" ڕێپێوانێکیان بۆ داواکردنی مافەکانیان بۆ خوێندن ڕێکخست.