ڕۆژانە

13:47

کۆنگرەی ستار لە شاری تل تەمر لە کانتۆنی جزیرە بە ڕاگەیەندراوێک جەختی لەسەر کوشتنی ژنان کردەوە و داوای لێپێچینەوە لە بکوژەکان دەکات.

13:17

فیلمی "بەرفین" کە چیرۆکی خێزانێکی کوردە و خەباتی ئەوان دەگێڕێتەوە دژ بەو ژیانەی دەوڵەتی تورکیا لە ساڵانی نەوەدەکاندا بەسەر کوردەکاندا سەپاندبووی، لە شاری قامیشلۆ لە باکوور و ڕۆژهەڵاتی سووریا نمایشکرا.

11:36

گەڕانەوەی خەڵکی شەنگال بۆ سەر خاکەکانیان بەردەوامە، دوێنێ ئەمڕۆ ٧٩ خێزانی تر دەگەڕێنەوە شەنگال، کە لەلایەن خۆبەڕێوەبەری شەنگالەوە پێشوازییان لێدەکرێت.

10:58

ڕێبەری گەلی کورد، عەبدوڵا ئۆجالان ماوەی ٣٨ مانگە هیچ زانیارییەکی لەبارەوە وەرنەگیراوە و لە نوێترین بڕیاردا ٦ مانگی دیکە سزای قەدەغەکردنی چاوپێکەوتن لەگەڵ پارێزەراندا بەسەریدا سەپێنراوە.

10:48

سۆنگول گولەر، ئەندامی کۆردیناسیۆنی ئەنجومەنی عشتار و ئەندامی کۆمیتەی ژنۆلۆژی کامپی پەنابەرانی مەخموور، باسی لە هەنگاوی خۆپاراستن کرد و ڕایگەیاند، پێویستە ژنان بە خۆپاراستن ئەو کۆڵەکە سەرمایەدارییە لەناو ببەن.

10:13

هاوشانی کەمپەینی "لە دژی کۆمەڵکوژیی ژنان ببە بە دەنگی خۆپاراستن"، تاژێ ڕاگەیەندراوێکی نووسراوی بڵاوکردەوە و تیایدا هاشتاگی "ببە بە دەنگی خۆپاراستن"ی ڕاگەیاند کە ٢٢ی ئایار دەستپێدەکات.

15:37

لە شەهبا چالاکی چادر بە دروشمی "ئازادی بۆ ڕێبەر ئاپۆ، چارەسەری سیاسی بۆ پرسی کورد" کۆتایی هات.

14:53

بەپێی زانیارییەکان، ٩٧ خوێندکار لە دەنیزلی بەهۆی خۆراکەوە ژەهراوی بوون.

14:25

نەتەوە یەکگرتووەکان ڕایگەیاند، ٣٥ کەس کە لە ناویاندا ٢٦ منداڵ هەن لە ڕووداوەکانی تەقینەوەی میندا برینداربوون و گیانیان لەدەستداوە.

13:59

گەڕانەوە بۆ شەنگال بەردەوامە و لە نوێترین هەڵمەتیشدا، ئەمڕۆ ٧٠ خێزان لە کامپەکانی باشووری کوردستانەوە دەگەڕێنەوە شەنگال.

13:37

دووەمین کۆنگرەی ئەنجومەنی ژنانی سووریا لە حەلەب بە دروشمی "لە سووریایەکی خۆبەڕێوەبەر و یەکگرتوو، بە یەکگرتوویی ژنان، کۆتایی بە جەنگ دەهێنین و ئاشتی بونیاد دەنێین" دەستیپێکرد.

13:20

نەتەوە یەکگرتووەکان ڕایگەیاند، لە ماوەی ٢ هەفتەدا ژمارەی ئەو کەسانەی کە بەهۆی هێرشەکانی ئیسرائیلەوە ناچاربوون لە ڕەفەحەوە کۆچ بکەن، ٨١٠ هەزار کەسی تێپەڕاندووە.

13:07

ژنانی شاری حەسەکە کە لە پیشە جیاوازەکاندا کار دەکەن، باسیان لە زەحمەتی و خەباتی ژنان کرد لە کارکردندا و ئاماژەیان بەوەکرد، ژنان ڕۆڵێکی سەرەکییان هەیە لە پێشکەوتنی کۆمەڵگەدا و سەرەڕای هەموو ئاستەنگەکان هەنگاو بۆ دواوە نانێن.

12:10

ئیبراهیم ڕەئیسی، سەرۆک کۆماری ئێران و ئەندامی دەستەی مەرگ لە کۆمەڵکوژیی هاوینی ١٩٨٨ و شاندی یاوەری لە ڕووداوی کەوتنەخوارەوەی فڕۆکەیەکدا گیانیان لەدەستدا، دەستبەجێ بۆرسەی ئێران داخرا و دەستەی حکومەتی ئێران کۆبوونەوەیەکی بەپەلەی ڕاگەیاند.

11:29

پۆلیسی سلێمانی ڕایگەیاند، تۆمەتبارێکیان دەستگیر کردووە، کە بە چەقۆ هێرشی کردووەتە سەر کچەکەی و پاش ئەوەی گەیەندراوەتە نەخۆشخانە بەهۆی سەختی برینەکەی گیانی لەدەستداوە.

10:49

سۆزدار ئۆزدەمیر بۆ دیاریکردنی چارەنووسی باوکی بەناوی مەحمەت ئۆزدەمیر کە بێسەروشوێنە بەشداری چالاکی "با ونبووەکان بدۆزرێنەوە، تاوانباران دادگایی بکرێن" بووە  دەڵێت: لەگەڵ وێنەی باوکم گەورە بووم، هیچ یادەوەرییەکم لەگەڵ ئەودا نییە.

09:33

مەریەم حەمدۆ شێخ ساڵح، کە لە ١٥ی ئابی ٢٠٢١ لە گوندی تل شینان لە تل تەمر بریندار بوو، تا ئێستا لە گوندەکەی خۆی دەژی و ئاماژەی بەوەکرد، برینداربوونی تاوانی جەنگە و داوای لێپرسینەوەی کرد.

09:11

ژنانی عەفرینی کە لە شاری حەلەب دەژین، هێرشەکانی دەوڵەتی تورک بۆ سەر شەهبا ئیدانە دەکەن و دەڵێن: بە ئامانجگرتنی منداڵان تاوانە و دەبێت لێپرسینەوەیان لەگەڵدا بکرێت.

08:54

نێرگس محەمەدی، چالاکوان و براوەی خەڵاتی نۆبڵی ئاشتی لە پەیامێکدا ئاماژەی بەوەکرد، بەبیانووی ئەوەی هێزە ئەمنییەکانی ئێرانی بە دەستدرێژیکار بۆ سەر ژنان تۆمەتبار کردووە، بۆ جاری چوارەم دادگایی دەکرێت.

16:03

ڕێکخراوی ستێرک و نووسینگەی پاراستنی منداڵان داوایان کرد کە پێویستە کار بکرێت بۆ ڕاگرتنی هێرشەکانی تورکیا بۆ سەر ناوچەکانی باکوور و ڕۆژهەڵاتی سووریا و لێپرسینەوەیان لێ بکرێت لە تاوانەکانیان، بەتایبەتی دوای گیان لەدەستدانی منداڵێک و برینداربوونی ژمارەیەکی د