ڕۆژانە

11:55

ڕۆژنامەنووس ئەمەل هەواری پێی وایە بەرەنگاربوونەوەی چەشنە کۆنەپەرستانەکان پێویستی بە هۆشیاری کۆمەڵایەتی هەیە، هەروەها ڕۆژنامەگەری ڕۆڵی تێدا هەیە بە وەستاندنی بڵاوکردنەوەی ژەهری تێڕوانینە کۆنەپەرستەکان بە ناو کۆمەڵگەدا.

11:21

لە درێژەی زنجیرەی بەئامانجگرتنی ڕۆژنامەنووسان لە کەرتی غەززە، عەلا دحدوح، ڕۆژنامەنووسی فەلەستینی لە ئەنجامی بۆردوومانی ماڵەکەی لە گەڕەکی ئەلجەلا لەلایەن هێزەکانی ئیسرائیلەوە گیانی لەدەستدا.

10:30

ئەندامانی ئەنجومەنی ژنانی سووریا داوایان لە ژنان کرد تێبکۆشن و خۆیان ڕێکبخەن و وتیان: داوا لە ژنان دەکەین لەژێر چەتری ئەنجومەنی ژنانی سووریا کاربکەن بۆ دروستکردنی چارەسەرێکی ئاشتیانە.

10:04

لە نزیک پارکی ئازادی سلێمانی، تەرمی ژنێکی گەنج دۆزرایەوە، پۆلیس بۆ زانینی وردەکاری گیان لەدەستدانی، تەرمەکەی ڕەوانەی پزیشکی داد کرد.

15:42

مەرڤە نوردۆغان، پارێزەری دەستگیرکراو ئامادە نەبوو بەشداری دانیشتنی دادگا بکات و بەزۆر برایە دانیشتنەکە، سزای ٩ ساڵ زیندانی بەسەردا سەپێندرا.

14:19

ڕێكخراوی نەتەوەیەكگرتووەكان بۆ هاوكاری فەڵەستین بەهۆی قەرەباڵغی پەناگە و كامپەكان و نەبوونی پاكوخاوێنی هۆشداری لە بڵاوبوونەوەی نەخۆشی و پەتا لە غەززە دەدات.

13:48

ڕێکخراوە نێودەوڵەتییەکان لە بەیاننامەیەکی هاوبەشدا ڕایانگەیاندووە، ژیانی منداڵانی سودان لە ژێر مەترسیدایە، پێویستە ڕێوشوێنی بەپەلە بگیرێتەبەر بۆ پاراستنی منداڵان لە برسێتی و نەخۆشی و گیان لەدەستدان.

13:12

یەكەم حاڵەتی گیان لەدەستدان بە تای خوێنبەربوون لە شارەدێی ڕیازی سەر بە پارێزگای كەركوك تۆماركرا، کە ژنێکی تەمەن ٢٥ ساڵ بووەو دوای ئەنجامدانی پشكنین دەركەوتووە ئەو ژنە بەهۆی تای خوێنبەربوونەوە گیانی لەدەستداوە.

11:53

نورا کۆرتیناس، ئەندامی دامەزرێنەری ڕێکخراوی دایکانی پلازۆ دی مایۆ، کە پشتیوانی لە خەباتی گەلی کورد دەکرد، شەوی ٣٠ی ئایار کۆچی دوایی کرد.

11:17

ژنێکی فەڵەستینی کە لە دهۆک کاری دەکرد، بە شێوەیەکی گوماناویی سووتاو گیانی لەدەستدا، تا ئێستا پۆلیس هیچ زانیارییەکی دەربارەی ڕووداوەکە نەخستووەتەڕوو.

10:18

بنەماڵەی زیندانیان داوای پشتیوانی لە چالاکییەکانی مانگرتن لە خواردن دژی سیاسەتی گۆشەگیری لە زیندانەکانی باکووری کوردستان و تورکیا دەکەن و وتیان: تا کۆتایی لە پشت منداڵەکانمان دەبین.

09:16

فاتمە بیلەن، هاوسەرۆکی شارەوانی کامپی پەنابەرانی مەخمور، سەبارەت بە دادگاییکردنی سیاسەتمەدارانی کورد لە دۆسیەی کۆبانێ بۆ ئاژانسەکەمان قسەی کرد و وتی: بە دادگاییکردنی سیاسەتمەداران ئیرادەی گەل پێشێل دەکرێت.

21:02

وەزارەتی کۆچ و کۆچبەرانی عێراق گەرانەوەی نزیکەی ٩٠٠ ئاوارە لە کامپەکانی سنووری سلێمانییەوە بۆ سەر زێدی خۆیان لە شنگال و پارێزگای سەڵاحەدین ڕاگەیاند.

20:44

دوو ڕێکخراوی مافی مرۆڤ پشتڕاستیان کردەوە، دەسەڵاتدارانی تونس سەرکوتکردنی ئازادی ڕادەربڕینیان چڕکردووەتەوە، ئەمەش بووەتە هۆی کەمبوونەوەی فەزای مەدەنی کە لە دوای شۆڕشی ٢٠١١ەوە سەریهەڵداوە.

19:58

ئەندامانی تەڤگەری ئازادی ژنانی ئەفغانستان لە شوێنێکی داخراو کۆبوونەوە و سێهەمین کۆبوونەوەی دۆحەی سەبارەت بە ئەفغانستان ئیدانە کرد.

19:06

بە ئامادەبوونی بەشێکی بەرچاو لە منداڵانی باخچە و خوێندنگە بنەڕەتییەکان، بە بۆنەی ١ـی حوزەیران جەژنی منداڵانەوە، چالاکییەکی هاوبەش ئەنجامدرا و پێشانگایەکی شێوەکاری بۆ منداڵان کرایەوە.

18:32

لە دەستپێكی شەڕەوە تا ئێستا ٣٦ هەزار و ٢٢٤ هاوڵاتیی غەززە گیانیان لەدەستداوە و ٨١ هەزار ٧٧٧ كەسیش برینداربوون.

17:58

لە ڕێکخراوی ئازادبوون چەند ڕێکخراوی فێمنستی ژینگەیی بۆ بەرهەڵستکاری تێکدانی ژینگەی کوردستان کۆبونەوەیەکیان ئەنجامدا.

15:44

سەڤدا چەلیک و ئۆزتورک تورکدۆغان، هاووتەبێژانی کۆمسیۆنی یاسایی پارتی دیموکراسی و یەکسانی گەلان "دەم پارتی" بۆ ئەوەی بتوانن رێبەری گەلی کورد عەبدوڵا ئۆجالان ببینن، سەردانی وەزارەتی دادیان کرد.

15:21

لە چوارچێوەی بانگەشەی هەڵبژاردن، "هاوپەیمانی گەل و ژنان بۆ ئازادی" لە قامیشلۆ کۆنگرەیەکی ڕۆژنامەوانی بۆ گوێگرتن لە بۆچوونی کارمەندانی ڕاگەیاندن ئەنجامدا، لە شەهباش بانگەشەی دەستپێکرد.