ڕۆژانە

08:47

ژنانی شاری کۆبانێ ڕایانگەیاند، ئەو کەسانەی کە بۆ پاراستنی خاک و و کارەبا و بەنداوەکەیان دەچنە سەر بەنداوی تشرین ڕۆژانە لەلایەن دەوڵەتی تورکەوە هێرشیان دەکرێتە سەر، جەختیان کردەوە، ئێمە لەسەر خاکی خۆمانین و تا کۆتایی بەنداوەکەمان دەپارێزین.

08:24

بارودۆخی ژنان لە زینداناکانی عێراقدا لە خراپترین دۆخدایە و جگە لە نەبوونی پێداویستی و خراپی شوێنی مانەوە و یەکلا نەبوونەوەی بەشێكی کەیسەکانیان، ڕووبەڕووی دەستدرێژی سێکسیش دەبنەوە.

14:58

سەحەر ڕەسوڵی، چالاکوانی مافی ژنان کە لە شاری جەلال ئابادی ئەفغانستان نیشتەجێیە وتی: ئازارەکانی ئێمە و گەلی سووریا یەکن، گەلانی ژێر داگیرکاری دەوڵەتە ئیمپریالیستەکان یەکدەگرن و کۆتایی بە ڕژێمە ستەمکارەکان دەهێنن.

14:32

ئەنجومەنی ژنانی دەم پارتی کاردانەوەی هەبوو بەرامبەر بە دانانی قەیوم لە سێرت وتی، بەم بڕیارە، پرەنسیپی هاوسەرۆکایەتی و نوێنەرایەتی یەکسانمان جارێکی دیکە کرایە ئامانج، ئەوە بە ئیرادەی ژنان شکست دەهێنێت.

14:24

دانیشتووانی کانتۆنی فورات دژی کۆمەڵکوژی سیرین ڕێپێوانیان کرد و پەیامی "سەرەڕای هێرش و کۆمەڵکوژییەکان، لەسەر خاکی خۆمان دەوەستینەوە و تا کۆتایی بەرخۆدان دەکەین"یان دا.

13:36

وریشە مورادی،، زیندانی سیاسی لە ئێران کە سزای لە سێدارەدانی بەسەردا سەپێندراوە، لە ڕێگەی نامەیەکەوە پەیامێکی بۆ هەموو جیهان ناردوو ئاماژەی بەوەکرد، وەستانەوە لە دژی سزای لەسێدارەدان بەشێکی بەنرخە لە خەباتی مرۆڤایەتی بۆ گەیشتن بە ژیانێکی ئازاد و ڕاستگۆ.

13:05

بنەماڵەی شەهیدانی کامپی پەنابەرانی مەخموور ڕاگەیەندراوێکیان بۆ ئیدانەکردنی هێرشەکانی دەوڵەتی تورک بۆ سەر بەنداوی تشرین و پردی قەرەقۆزاخ و پشتیوانی خۆیان بۆ گەلی بەرخۆدێری ڕۆژئاوا ڕاگەیاند.

12:33

ئەو ژنە گەنجانەی لە هێرشی بەنداوی تشرین بریندار بوون، ڕایانگەیاند، بەردەوام دەبن لە بڵاوکردنەوەی وشەی ئازادی و فراوانکردنی بازنەکەیان.

11:53

ژنانی هونەرمەند و ڕۆشنبیر سەرنجیان بۆ هێرشەکانی دەوڵەتی تورک ڕاکێشا و پەیامی پشتیوانییان بۆ یەپەژە و قەسەدە دەربڕی، بانگەوازیان کرد: پێویستە وەک هونەرمەند یەکبگرین و پاڵپشتی هێزەکانمان بکەین.

11:39

دەرچووانی دانەمەزراو لە هەڵەبجە گردبوونەوەو داوا دەكەن لیست و خاڵبەندی ناوی دامەزراوان ڕابگەیەنرێت، بۆ ئەوەی ڕوون بێت لای هەمووان پرۆسەی دامەزراندن بەشێوەی شەفاف بەڕێوەچووە.

10:43

کۆنگرەی ستار کۆمەڵکوژییەکانی دەوڵەتی تورکی لە سیرین و زرگان و عەین عیسا شەرمەزار کرد و داوای لە دامەزراوە نێودەوڵەتییەکان کرد و وتی: بێدەنگی بەشداریکردنە لە ئەنجامدانی ئەو تاوانانە و هاوکارییەکی قبوڵنەکراوە.

10:19

مزگین بۆتان بەرەو کۆبانێ دەڕوات کاتێک هێرشی چەتەکانی داعش لە ساڵی ٢٠١٤ چڕتر دەبێتەوە، میزگین بۆتان، کە لە ٢٩ی کانوونی دووەمی ٢٠٢٣ لە عەین عیسا گیانی لەدەستدا، لە ڕێگەی خەباتی خۆیەوە بوو بە پێشەنگێک بۆ گەلەکەی و میراسێکی بەجێهێشت.

09:29

کۆنگرەی ستار لە کانتۆنی حەسەکە، دوابەدوای بانگەوازی سەفەربەری، خولێکی پەروەردەی چەکی بۆ کۆمیتەکانی کردەوە، بەشداربووانی خولی پەروەردە جەختیان لەوە کردەوە کە بەهێزکردنی ناوچەی پاراستن وەڵامی پرۆسەکەیە.

08:41

بوشرا عەلی، ڕێکخەری گشتی هاوپەیمانی نادا، باسی لە دۆخی ژنان لە ڕۆژهەڵاتی ناوەڕاست کرد و وتی: بەبێ ئازادی ژنان ئازادی گەلان بەدەست نایەت، هاوکاری و پشتیوانی لە بزووتنەوەکانی ژنان لە ناوچەکەدا، خەباتی ژنان زیاتر بەهێزتر دەکات.

07:50

دوای سزادانی سۆفیا ئالاگش، هاوسەرۆکی شارەوانی سێرت، قەیوم داندرا.

07:33

ژمارەی ئەو هاوڵاتییە مەدەنیانەی لە هێرشی دەوڵەتی تورک بۆ سەر بازاڕی گشتی لە شاری سیرین گیانیان لەدەستدا، گەیشتە ١٢ کەس.

07:27

فاتمە حسێن، ژنێکی تەمەن ٦٠ ساڵە و دانیشتووی شاری زرگان دەڵێت: دەوڵەتی تورکیا لەڕێگەی هێرشەکانەوە مافی مرۆڤ پێشێل دەکات و بە کردەوەکانی خۆی گەورەترین تیرۆریستە.

15:20

کۆماری ئیسلامی ئێران دوای ٤٠ ساڵ نەیتوانیووە سیستمی پەروەردەیی دابمەزرێنێت، لەو نێوەندەدا ورمێ بووەتە ئەو ناوچەیەی زۆرترین زیانی پێدەگات، نەبوونی خوێندنگە و مامۆستا و ئیمکاناتی پەروەردەیی دەبێتە هۆی ئەوەی ژنان لە مافە پەروەردەییەکان بێبەش بکرێن.

13:53

ژمارەی بریندارانی بۆردومانی گوندی ئوم هەرمێل لە زرگان لەلایەن داگیرکاری تورکیاوە گەیشتە ٨ کەس.

13:14

٦٥٠ ژن لە ٥٠ وڵاتەوە کە لە ئەکادیمیستەکان، سیاسەتمەداران، داکۆکیکارانی مافی مرۆڤ، ڕۆژنامەنووسان و نووسەران پێکهاتبوون، نامەیەکی کراوەیان بۆ ڕێکخراوە نێودەوڵەتییەکان نارد و داوای دانپێدانان بە ئیدارەی خۆبەڕێوەبەری باکوور و ڕۆژهەڵاتی سووریایان کرد.