ڕۆژانە

07:30

ناوەندی پەیوەندی و ڕۆژنامەوانیی قەسەدە ڕایگەیاند کە دانوستانەکان بە نێوەندگیری ئەمریکا بۆ ئاگربەستی پەیوەندیدار بە مەنبج و کۆبانێ سەرکەوتوو نەبوون.

07:13

کۆچکردن لە شەهباو تل ڕەفعەتەوە بەهۆی هێرشەکانەوە، مەترسی بڵاوبوونەوەی نەخۆشییە درمیەکانی دەستیپێکردووە. شارەزایان دەڵێن، کار بۆ کۆنترۆڵکردنی ئەم دۆخە دەکەن.

14:58

بزووتنەوەی شەممەی وەنەوشەیی لە ئەفغانستان داوای دەستلەکارکێشانەوەی ڕۆزا ئۆتونبایڤا، بەڕێوەبەری نوێنەرایەتی هاوکاری نەتەوە یەکگرتووەکان لە ئەفغانستان دەکات، بزووتنەوەکە ڕایگەیاندووە کە نایانەوێت ئەکتەرە دەرەکییەکان داهاتوویان دیاری بکەن.

14:40

ئەنجومەنی ژنانی زەنوبیای کانتۆنی ڕەققە ڕاگەیاندراوێکیان سەبارەت بە کردنەوەی پڕۆسەی نوێی سووریای بڵاوکردەوە و ڕایگەیاند کە پێویستە مافی هەموو مرۆڤەکان و کەرامەتی هاووڵاتیان بپارێزرێت و ڕۆڵی ناوەندی ژنان لە بنیادنانی وڵاتدا بناسرێت.

14:27

فیدراسیۆنی عەلەوی دیموکراتیک (فەدا) ڕایگەیاند، "پاراستنی ڕۆژئاوا، زیاتر لە هەموو کەسێک، پێویستە ئەرکی ئێمە عەلەوییەکان بێت، دامودەزگاکانی عەلەوی و کۆبوونەوەی کورد لە خەباتی هاوبەشدا زۆر گرنگە".

14:21

دانیشتووانی کانتۆنی فورات دژی هەڕەشە و هێرشەکانی دەوڵەتی تورک بۆ سەر کۆبانێ چوونە مەیدان و ڕایانگەیاند کە ڕێگە نادەن لەشکرکێشی تورکیا بچێتە ناو شارەکەیانەوە.

14:15

ژنانی تل ڕەفعەت ڕایانگەیاند، بەهۆی ئەو پێشێلکاریانەی لە شاری تل ڕەفعەت ڕوودەدەن، ژیانیان لە مەترسیدایە.

13:55

ماوەی زیاتر لە ساڵێکە هێزەکانی ئیسرائیل بەردەوامن لە کردنە ئامانجی دڕندانەی ئاوارەکان و هاوڵاتیانی مەدەنی و کارمەندانی پزیشکی، لە ماوەی چەند کاتژمێری ڕابردوودا دەیان کەس گیانیان لەدەستدا و بریندار بوون.

13:30

"هەرگیز ڕێگە نادەین هێرش بکرێتە سەر ناوچەی باکوور و ڕۆژهەڵاتی سووریا” بەم قسانە ماریا ئارسنکۆڤا، چالاکوانی مەقەدۆنی دووپاتی کردەوە کە ئەوان لە هەموو جیهانەوە بەرگری لە شۆڕشی ڕۆژئاوا دەکەن.

12:39

خۆبەڕێوەبەری دیموکراتیک لە باکوور و ڕۆژهەڵاتی سووریا ڕاگەیاندراوێکی ١٠ خاڵی بۆ گفتوگۆی بنیادنانی سووریای ئایندەی بڵاوکردەوە و داوای لە هەموو وڵاتانی سووریا و نێودەوڵەتی و عەرەبی کرد هەنگاو بنێن.

11:33

ژنانی ئیدلب چیتر ناتوانن لە بەشی ڕاگەیاندنی زانکۆ بخوێنن، بیانووی "بیناسازی کە ژن و پیاو لە یەک جیا بکاتەوە نییە"  بۆ بڕیاری قەدەغەکردنەکە خرایەڕوو.

11:15

نادیە عافی، سەرۆکی بەشی کۆنفیدڕاڵیزم لە دامودەزگاکانی تونس ڕایگەیاند، دۆخی ئابووری ژنان لە ناوچەکانی ناوخۆ سەختە و داوا دەکات ژنانی گوندنشین دژی سیستمی دەسەڵاتداریی تێکۆشان بکەن.

10:38

سیهام حەمادی، چالاکوانی یاسایی، ڕایگەیاند کە تەنها لە مۆریتانیا لەمساڵدا ٣٦٦ حاڵەتی دەستدرێژی تۆمار کراوە و داوای لە حکومەت کرد ڕێگری لەو کەیسانە بکات.

09:58

فەرماندەیی گشتیی یەپەژە ڕایگەیاند: پێویستە تێکۆشان زیاد بکەین و لە هەموو شوێنێک بڵاوی بکەینەوە، کاتی ئەوە هاتووە ئەم هێرشانەی کۆماری تورکی فاشیست ڕابگرین و لێپرسینەوەیان لەگەڵ بکەین.

09:31

لە چوارچێوەی هەڵمەتەکانی کۆکردنەوەی هاوکاری بۆ ڕۆژئاوای کوردستان، لە دوو شوێنی دیکە بۆ وەرگرتنی هاوکارییەکان سندوق دانران.

08:43

پێداویستییەکانی ئەو ژنان و منداڵانەی کە لە شەهباوە کۆچیان کردووە، بە هەڵمەتی هاوکاری کە لەلایەن دامەزراوەی ژنانی ئازادی سووریاوە دەستیپێکردووە، دابین دەکرێت، ڤەژین محەمەد، یەکێک لە بەڕێوەبەرانی دامەزراوەکە دەڵێت: پێکەوە برینەکانمان دادەپۆشین.

08:16

دوای هەڕەشەکانی دەوڵەتی تورک بۆ سەر شاری کۆبانێ، ژنانی ئەو شارە هێرش و پێشێلکارییەکانی دەوڵەتی تورکیان شەرمەزار کرد و وتیان: ناتوانن بە هەڕەشە بمانترسێنن و بە شەڕی گەلی شۆڕشگێڕ بەرگری لە شاری بەرخۆدان دەکەین.

07:58

ڕۆژنامەنووس دیلان عوسمان کە سات بە سات بەدواداچوون بۆ هێرشەکانی سەر مەنبج و بەرخۆدانی خەباتکاران بوو، ڕایگەیاند، بەرخۆدان و ڕۆحی خۆبەختکردنی ئازادیخوازان کە لە مەنبج خەباتیان کرد، لاپەڕەیەکی نوێی لە مێژوودا کردەوە.

15:02

چالاکیی ئێشکگری دژ بە هێرشەکانی سەر باکوور و ڕۆژهەڵاتی سووریا لە سنووری نوسێبین- قامیشلۆ دەستی پێکردووە و لە ڕۆژی سێیەمدا بە دروشمی بەرخۆدان بەردەوامە.

14:54

لە کۆپنهاگنی پایتەختی دانیمارک، هێرشەکانی دەوڵەتی داگیرکەری تورک و چەتەکانی بۆ سەر ڕۆژئاوای کوردستان شەرمەزار کرا.