ڕۆژانە

09:34

فەرید زەکەریا، ئەندامی ئەنجومەنی هەماهەنگی شەهید شیلان کۆبانی لە شاری حەلەب ڕایگەیاند، ڕێگای سەرکەوتن یەکڕیزییە و لە ڕێگەی خەباتی ڕێکخراوی ژنانەوە سووریایەکی نوێ بنیاد دەنرێت.

09:16

ئۆتۆمبێلە سەربازییەکانی دەوڵەتی تورکیا لە ئیدلب ڕووداوی کوشندەیان لێکەوتۆتەوە، ئەو کەسانەی لە ڕووداوەکاندا کەسوکاریان لەدەستداوە و شایەتحاڵی ڕووداوەکان بوون, دەڵێن: "حساب نەکردن و نەبوونی ڕێکارەکانی خۆپارێزی دەبێتە هۆی دووبارەبوونەوەی ڕووداوەکان".

08:29

بەهار مونزیر، چالاکوانی بواری ژنان لە بارەی هەڵوێستی لایەنە سیاسییە ئیسلامییەکان لە کۆبوونەوەیەکدا سەبارەت بە داعشە نوێیەکانی سووریا، دەڵێت: "شایی ئەوان شینی ئێمە بووە هەموو کات"

07:58

تۆڕی ژنانی ئیتالیا لە پەیامێکدا پشتیوانی خۆیان بۆ ژنانی شەڕڤان دەربڕی و ڕایگەیاند: "بە هەموو تواناکانمان شۆڕش دەپارێزین".

15:01

بەڕێوەبەرایەتی پەروەردەی نیشتیمانی ئانتاکیا، سەبارەت بە خوێندنی گواستراو، بڕیاری کە "خوێندکارانی کچ لەسەر کورسی پێشەوەی خزمەتگوزاری خوێندکاران دانەنیشن"، ئاڕاستەی خوێندنگەکان کردووە، ئەمە لە کاتێکدایە بەهۆی کاردانەوەکان فەرمانەکە کێشرایەوە.

14:27

١٠٠ چالاکوان و کۆمەڵناس و مامۆستای زانکۆ بەیاننامەیەکیان بڵاوکردەوە و یاسای "پاکیزەیی و حیجاب"یان شەرمەزار کرد و جەختیان لەوە کردەوە کە ئەم یاسایە پێشێلکردنی مافە مەدەنییەکان پێکدەهێنێت، و داوای کشانەوەی دەستبەجێیان کرد.

14:03

سیستمی گەرمکەرەوەی زیندانی ژنانی قەرچەکی وەرامین سەرەڕای سەرما لەم ڕۆژانەدا پچڕاوە و بارودۆخی نالەباری بۆ زیندانییەکان دروست کردووە.

13:33

کۆردیناسیۆنی کۆنگرەی ستار لە کانتۆنی فورات بەیاننامەیەکی سەبارەت بە هێرش و هەڕەشەکانی دەوڵەتی تورکیا و چەتەکانی بۆ سەر کۆبانێ بڵاوکردەوەو تێیدا هاتووە: کەس ناتوانێت وڵاتەکەمان لێبستێنێت.

13:17

تەژەکە-ئە ڕایگەیاند کە بەهۆی ساڵیادی کۆمەڵکوژییەکانی پاریسەوە چالاکییەکان لە وڵاتانی ئەوروپا ئەنجام بدەن و داوای بەشداریکردنیان کرد.

12:35

لە ئێران وەزارەتی پەروەردە مامۆستایەکی ژنی بە ناوی فەریبا ئەنامی لە کارەکەی دوورخستەوە.

12:03

بەهۆی پێنەدانی موچەکانیانەوە لەلایەن حکومەتی کاربەڕێکەریی هەرێمەوە، مامۆستایانی خوێندنی کوردی لە کەرکوک گردبوونەوە.

10:45

باڵیۆزخانەی ئەمریکا لە ئەفغانستان ڕەخنەی لە پێشێلکردنی مافەکانی مرۆڤ بەتایبەتی مافەکانی ژنان لە ئەفغانستان گرت و وتی: بێبەشکردنی ژنان لە خوێندن و خزمەتگوزارییە تەندرووستییەکان بێڕێزیکردنە بە ژنان.

10:24

نادیە عافی، سەرۆکی بەشی کۆنفیدڕاڵیزم لە دامودەزگاکانی تونس ڕایگەیاند، دۆخی ئابووری ژنان لە ناوچەکانی ناوخۆ سەختە و داوا دەکات ژنانی گوندنشین دژی سیستمی دەسەڵاتداریی تێکۆشان بکەن.

09:22

شەڕی کەرتی غەززە ماوەی زیاتر لە ساڵێکە کاریگەری کارەساتباری لەسەر منداڵان و خێزانەکان هەبووە و بەپێی زانیارییەکان لانیکەم ١٤ هەزار منداڵ گیانیان لەدەستداوەو هەزاران منداڵیش برینداربوون.

09:15

نوسینگەی هەماهەنگی کاروباری مرۆیی نەتەوە یەکگرتووەکان ئاشکرای کردووە، لە دوای ڕاگەیاندنی ئاگربەست لە نێوان هێزەکانی ئیسرائیل و حزبوڵڵا، ٩٠٢ هەزار و ٧١٧ کەس گەڕاونەتەوە سەر ماڵ و حاڵی خۆیان.

08:20

بە مەبەستی پشتگیری کردن لە گەلی ڕۆژئاوای کوردستان گرووپی کۆشان کەمپەینێکی کۆکردنەوەی هاوکارییان بۆ کوردانی ڕۆژئاوای کوردستان ڕاگەیاند و بانگەوازیان لە هەموو لایەک کرد بەشداربن لە هەڵمەتەکەدا.

08:04

ژنانی کامپی مەخموور داوای زیادبوونی تیکۆشانیان کرد و وتیان: ئێمە پاڵپشتی گەلی ڕۆژئاوای کوردستانین، هیچ هێرشێک ناتوانێت ڕێگری لە تیکۆشانی ڕەوای گەلی کورد بکات.

07:30

ناوەندی پەیوەندی و ڕۆژنامەوانیی قەسەدە ڕایگەیاند کە دانوستانەکان بە نێوەندگیری ئەمریکا بۆ ئاگربەستی پەیوەندیدار بە مەنبج و کۆبانێ سەرکەوتوو نەبوون.

07:13

کۆچکردن لە شەهباو تل ڕەفعەتەوە بەهۆی هێرشەکانەوە، مەترسی بڵاوبوونەوەی نەخۆشییە درمیەکانی دەستیپێکردووە. شارەزایان دەڵێن، کار بۆ کۆنترۆڵکردنی ئەم دۆخە دەکەن.

14:58

بزووتنەوەی شەممەی وەنەوشەیی لە ئەفغانستان داوای دەستلەکارکێشانەوەی ڕۆزا ئۆتونبایڤا، بەڕێوەبەری نوێنەرایەتی هاوکاری نەتەوە یەکگرتووەکان لە ئەفغانستان دەکات، بزووتنەوەکە ڕایگەیاندووە کە نایانەوێت ئەکتەرە دەرەکییەکان داهاتوویان دیاری بکەن.