ڕۆژانە

14:10

ڕوکسەن محەمەد، وتەبێژی یەکینەکانی پاراستنی ژنان سەرنجی بۆ ڕۆڵ و ئەرکی یەپەژە لە چوارچێوەی شۆڕشی ڕۆژئاوا ڕاکێشا و ڕایگەیاند، یەپەژە سیستمی خۆپاراستنی هەیە و بەپێی بنەماکانی ئازادیی ژنان خۆی ڕێکدەخات.

13:14

گەلی وان شەوەکەیان لەبەردەم شارەوانیدا بەسەر برد بۆ ناڕەزایەتی دەربڕین بەرامبەر بەو سزایەی کە بەسەر عەبدوڵا زێدان، هاوسەرۆکی شارەوانی گەورەی وان سەپێندراوە ڕایانگەیاند، لە بەرامبەر دەستبەسەرداگرتنی ئیرادەیان بەرخۆدان دەکەن.

12:43

ژنانی ڕۆژنامەنووسی ئازاد لە باشووری کوردستان کاردانەوەیان دژی سووتاندنی تابلۆی گوڵستان و هێرۆ نیشانداو لە ڕاگەیەندراوێکدا دەڵێن: پێویستە بە زووترین کات تێکدەرانی ئەو کردەوە فاشیستیە بە سزا بگەیەندرێن.

12:00

بە بەشداریی بنەماڵە، هاوڕێ و بەشێک لە ئازادییخوان بە مەراسیمێکی شکۆمەندانە، تەرمی دوو لە شەهیدانی بۆردوومانەکەی ڕانیە لە شارۆچکەی ڕانیەوە بەرەو زێدی خۆیان لە ڕۆژئاوای کوردستان بەڕێکران.

10:27

میدیاكان بڵاویان كردەوە، ئەمڕۆ بە بەشداریی دەزگای ئاسایشی نیشتمانی و دەزگای شەهیدان و تیمێكی دەزگاكە گۆڕێكی بەكۆمەڵ لە شارەدێی سەقڵاوییەی سەر بە شارۆچكەی فەللوجە لە پارێزگای ئەنبار هەڵدەدرێتەوە.

10:03

دیارترین تایبەتمەندی ژیانی ژنان لە حەلەب، نەبوونی ئاسایشە، شەقامەکان بوونەتە مایەی ترس، ماڵەکان بوونەتە زیندانی زۆرەملێ، بەهۆی نیگەرانی ئەمنی و ترسی ڕفاندن، ژنان لە هەوڵی وەرگرتنەوەی ژیانی ئاسایی خۆیاندان.

09:37

لەلایەن دەستێکی ناحەزەوە تابلۆی گوڵستان تاراو هێرۆ بەهادین، شەهیدانی ڕاگەیاندنی ئازاد لە سەیدسادق سووتێندرا.

08:44

پزیشکانی بێ سنوور دووپاتیکردەوە کە هێزەکانی ئیسرائیل نزیکەی ٣٨ هەزار هاوڵاتی مەدەنییان ناچارکردووە لە شارەکانی جەنین و تولکەرەم لە باکووری کەرتی ڕۆژئاوا هەڵبێن و داوایان لە ڕێکخراوە نێودەوڵەتییەکان کرا هێرشەکان ڕابگرن.

08:35

دادگای تاوانە نێودەوڵەتییەکان بۆ یەکەمجار سزای بەسەر سەرکردەکانی تاڵیبان دەرکرد بە تاوانی دڕندەیی دژی ژنان لە زیندانەکاندا، ئایا ئەم بڕیارە دەتوانێت سەرەتایەک بێت بۆ لێپێچینەوە لە هەموو تاوانەکانی جەنگ؟.

08:23

ژنانی گەنج جەختیان لەوە کردەوە کە سووریای نوێ پێویستی بە دەستورێکە کە لەلایەن ژنانەوە نووسرابێت و وتیان: ئێمە بازنەیەک لە دەوری سووریا پێکدەهێنین بۆ پاراستنی مافەکانی ژنان.

08:16

سیدار ڤارلو، کە لە زیندانی ژنانی ئەرزنجان دەستبەسەرە ڕایگەیاند، توندوتیژی جەستەیی و زارەکی دەکرێت و لە پەیوەندییەکی تەلەفۆنیدا لەگەڵ دایکی وتوویەتی: ئەگەر شتێکم بەسەردا هات، بەڕێوەبەریی زیندان بەرپرسیارە.

07:51

مەنار ئەلزوبەیدی، ڕۆژنامەنووسی عێراقی لە ڕێگەی پلاتفۆرمی "ئەلمەنار نیوز" و پۆدکاست "من ئازادم" پشتیوانی ژنان دەکات، مەنار دەڵێت: هەوڵدەدەم دەنگی ژنانی عێراق بم.

15:06

چالاکوانان و کەسوکاری زیندانیانی سیاسی کە سزای لەسێدارەدانیان بەسەردا سەپێندراوە، لەبەردەم زیندانی ئێڤین گردبوونەوە و داوای ڕاگرتنی لەسێدارەدانیان کرد.

14:52

زیاتر لە ٣٠ ڕێکخراوی ژنان ڕاگەیەندراوێکیان بڵاوکردەوەو داوای ڕاگرتنی سزای لەسێدارەدانیانی پەخشان عەزیزی و وریشە مورادییان کردو ڕایانگەیاند: تەنها لەسەر داوای ڕژێمی ئێران سزا دراون و پێویستە زووتر سزاکە هەڵبگیرێت نەک درەنگتر.

14:42

مامۆستا کەوسەر وەڵامی پاریزگاری هەولێر دەداتەوە کەبۆ مامۆستایان و فەرمانبەرانی سلێمانی کاتێک دەچوونە هەولێر پێی وتن "میوانی ڕەزا قورسمان ناوێت" دەداتەوەو دەڵێت: ئێمە ڕەزامان قورسەو بەڵام دەزگای میتی تورکی ڕەزا قورس نین.

13:56

قەڵایەکی مێژوویی لە باشووری ڕۆژئاوای ئیسپانیا دۆزرایەوە کە تەمەنی نزیکەی ٥ هەزار ساڵ دەبێت، دەوترێت ئەم قەڵایە وەک گۆڕێک بۆ سەربازە ڕۆمانییەکان بەکارهاتووە.

13:44

بێریڤان یونس، وتەبێژی لیژنەی پەروەردەی کۆنگرەی ستار ئاماژەی بەوەدا کە کۆنگرەی ستار بووەتە میراسێکی خەبات و بناغەی بونیادنانی شۆڕشی ژنان و دەیان ڕێکخراو و یەکێتی ژنان لەسەر ئەو میراسە بونیاد نراون.

12:44

گروپێک لە ژنانی سووری لە شاری تەرتوسی سووریا باسیان لە دۆخی ژنان لەو وڵاتە کرد و بۆچوون و پێشنیارەکانیان خستەڕوو و پلانی کارکردنیان داڕشت کە پێویستی هەوڵدان بۆ ژنان لەخۆگرتبوو بۆ دڵنیابوون لە ئامادەبوونیان لە هەموو لایەنەکانی سووریای نوێدا.

12:16

مێژوونووسانی هونەر بۆیان دەرکەوتووە کە وێنەیەکی شاراوەی ژنێک لە ژێر تابلۆیەکی پابلۆ پیکاسۆدا هەیە، کە لە ساڵی ١٩٠١ کێشراوە.

11:35

بە مەبەستی پشتیوانی لە مامۆستایان و فەرمانبەرانی مانگرتوو و ناڕازی، کاسبکارانی سلێمانی و هەڵەبجە دووکانەکانیان داخست و بەشێک لە کاسبکاران ڕێپێوان ئەنجام دەدەن.