ڕۆژانە

15:03

کەژەکە ڕایگەیاند، "دەبێت ئەو قەیومەی کە بۆ شارەوانی وان دانراوە، وەک هێرشی هێزەکانی دژبەری چارەسەر ببینین و بەرخۆدان بۆ ئازادی لە سەرتاسەری کوردستان دەست پێبکەین، وان کوردستانە و بەرخۆدان بەرخۆدانی ئازادی کوردستانە".

14:29

ڕێکخراوی مافی مرۆڤی کوردپا سەبارەت بە بانگهێشتکردنی مینا سوڵتانیی دایکی شەهریار محەمەدی، یەكێك لە قوربانیانی شۆڕشی”ژن ژیان ئازادی” ڕایگەیاند، بە تۆمەتی ”پڕوپاگەندەکردن دژی دەوڵەت” و “ئامادەبوون لە شوێنە گشتییەکان بەبێ باڵاپۆشی” بانگهێشتی دادگا کراوە.

14:25

 سوپای ئیسرائیل لە کەرتی ڕۆژئاوای داگیرکراو تەقەی لە فەلەستینییەکان کرد و بەهۆیەوە چوار کەس گیانیان لەدەستدا، لە ئەنجامی هێرش بۆ سەر دانیشتووانی نایاسایی فەلەستینییش شەش کەس بریندار بوون و ٤ لە بریندارەکان گیانیان لەدەستداوە.

14:05

ڕێکخراوی لێبووردنی نێودەوڵەتی داوای لە کۆمەڵگەی نێودەوڵەتی و نەتەوە یەکگرتووەکان و یەکێتی ئەوروپا کرد، دژی سزای لە سێدارەدانی شەریفە هەڵوێست وەربگرن.

13:16

هاوڵاتیانی مەدەنی کە لە بەنداوی تشرین لە ئێشکگریدان، بە بەرزکردنەوەی دروشمی ئازادی و سەرکەوتن، پیلانگێڕی نێودەوڵەتی دژی ڕێبەر ئۆجالانیان شەرمەزار کرد و داوای کۆتاییهێنان بە هێرشەکان و ئازادکردنی جەستەیی ڕێبەر ئۆجالانیان کرد.

11:51

ڕوانگەی سووری بۆ مافەکانی مرۆڤ ڕایگەیاند، ژنێکی تەمەن ٤٠ ساڵ لە شاری عەفرینی داگیرکراو لەلایەن چەتەکانەوە ڕفێندرا.

11:36

بە بۆنەی ساڵڕۆژی پیلانگێڕی نێودەوڵەتی ١٥ی شوبات، ژنانی سیاسەتمەدار و پارێزەر لە کانتۆنی ڕەققە ڕایانگەیاند، ڕۆژی ڕەش دەکەنە ڕۆژی ئازادی و ئاشتی و خوازیارن ژیانێکی ئازاد لەگەڵ عەبدوڵا ئۆجالان، ڕێبەری گەلی کورد بژین.

10:17

مەگەکە لە بارەی دەستبەسەرکردنی ڕۆژنامەنووسان ڕایگەیاند: "دەستوەردانی نایاسایی بەرامبەر ڕۆژنامەنوسان قبوڵ ناکەین، دەبێت دەستبەجێ هاوڕێکانمان ئازاد بکرێن و هەموو فشارێک بۆ سەر ڕۆژنامەنووسان کۆتایی پێبێت".

10:07

عەبدوڵا زێدان، هاوسەرۆکی شارەوانی گەورەی وان، لەلایەن پۆلیسەوە دەستگیرکرا و قەیوم لە شوێنی دانرا، چەندین ڕۆژنامەنووسیش دەستگیر کران.

10:03

ژنانی گەنج کە بەشدارییان لە ئێشکگری بەردەم شارەوانی گەورەی وان کرد، وتیان: ئێمە بۆ داهاتوومان هاتووین بۆ ئێرە، دەبێت ئەم سیستەمە بگۆڕدرێت.

09:34

ڕیحان لۆقۆ، وتەبێژی ڕێکخراوی کۆنگرەی ستار، هەڵسەنگاندنی بۆ پیلانگێڕی نێودەوڵەتی کرد و وتی: بە پیلانگێڕی دژی ڕێبەر ئاپۆ، دەیانویست تەواوی کۆمەڵگەی کورد بگرن و لەناویان بەرن، ڕێبەر ئاپۆ بە فەلسەفە و خەباتی خۆی ئامانجەکانی پیلانەکەی تێکشکاند.

08:44

ڕۆژی پێنج شەممە لەلایەن محەمەد عەلی دەروێش گوفتار، سەرۆکی لقی دووەمی دادگای شۆڕشی ڕەشت، سزای لەسێدارەدان بۆ شەریفە محەمەدی زیندانی سیاسیی لە زیندانی لاکان پەسەند كرا

14:36

ڕێکخراوی مافی مرۆڤی "فریدۆم هاوس" نیگەرانی قوڵی خۆی سەبارەت بە سنووردارکردنی توندی تاڵیبان بۆ سەر دەزگاکانی ڕاگەیاندندەربڕی، دوای ئەوەی زیاتر لە ١٣٠ ڕادیۆی لە کارکردن لەو وڵاتە ڕاگرت.

14:06

ڕێکخراوی لێبوردنی نێودەوڵەتی جەختی لەسەر پێویستی وەرگێڕانی ئەو ئیرادەی سیاسییەی عەبدولمەدجید تیبۆنی، سەرۆکی جەزائیر سەبارەت بە پاراستنی ژنان لە توندوتیژی بۆ ڕێوشوێنی کۆنکرێتی و بەپەلە دەربڕی.

13:17

کۆردیناسیۆنی پارتی ئازادیی ژنانی کوردستان داوای لە ژنان کرد درێژە بە چالاکییەکانیان بدەن، جەختیشی لەوە کردەوە کە بە خەباتی ژنان ١٥ی شوبات دەکرێتە ڕۆژێک بۆ ئازادی ڕێبەر ئۆجالان.

12:42

مەرال دانش بێشتاش، هاووتەبێژی هەدەکە ڕایگەیاند، پێویستە داواکاری ئاشتی لەلایەن هەموو گەلانەوە بەرز، ئەمڕۆ موخاتەب لە چارەسەری پرسی کورددا تەنها گەلی کورد نییە، بەڵکو هەموو گەلانی تورکیایە.

11:43

سەرلەبەیانی ئەمڕۆ دەوڵەتی تورک هێرشی کردە سەر گوندی زەدیێ لە ڕۆژهەڵاتی شاری زرگان، لە ئەنجامی تۆپبارانەکەدا ژنێک گیانی لەدەستدا و دوو کوڕەکەشی برینداربوون.

11:27

دەنیز دەریا، ئەندامی ئەنجومەنی کۆردیناسیۆنی کژار بۆ ئاژانسەکەمان قسەی کرد و وتی: لەگەڵ چڕبوونەوەی سەرکوتی کۆماری ئیسلامی، بەرخۆدانی ئازادیخوازی ژنان نەک هەر نەوەستاوە، بەڵکو لە ڕێگەی ناڕەزایەتی و هەڵمەتە جەماوەرییەکانەوە بووەتە ئاڵانگارییەک بۆ ڕژێم.

09:31

ژنانی ڕۆژنامەنووسی سودانی جەختیان لەوە کردەوە کە بەهۆی ململانێکانی سودان ئاستەنگی بەرهەمهێنانی هەواڵ زیادی کردووە و دەڵێن: دەبێت دەرفەت بۆ ڕۆژنامەنووسان بڕەخسێنرێت کە بە ئازادی بجوڵێن و کاربکەن.

09:22

ژنانی شاری کۆبانێ سەرنجیان بۆ بیرۆکە و پارادایمی ڕێبەری گەلی کورد عەبدوڵا ئۆجالان ڕاکێشا لە گۆڕینی هزری پیاوان و ڕایانگەیاند، ئۆجالان نەک تەنها بۆ کورد، بەڵکو بۆ هەموو گەلانی ڕۆژهەڵاتی ناوەڕاست کە بەدوای ئازادیدا دەگەڕێن، ڕێبەرە.