ناوەندی هەواڵ

 

ماوەی زیاتر لە ساڵێکە سودان بەدەست ململانێکانەوە دەناڵێنێت، کە بووەتە هۆی ئاوارەبوونی ملیۆنان کەس لە ماڵ و حاڵی خۆیان، وێرانکردنی بەربڵاوی ژێرخانی وڵات و وەستانی ناوەندە تەندروستییەکان و نەخۆشخانەکان لە کارکردن و بڵاوبوونەوەی برسێتی لێکەوتووەتەوە.

 

دوێنێ ٢٦ی کانوونی یەکەم، ژووری فریاکەوتنی پشتێنی باشوور ئاشکرایکرد، لەماوەی ئەم مانگەدا ١٢ منداڵ بەهۆی بەدخۆراکییەوە گیانیان لەدەستداوەو ٥ هەزار و ٣٤٠ی دیکەش لە ناوچەی باشووری خەرتومی پایتەختی سودان، کە گەڕەکەکانی (ئەل ئینقاز، ئەلئەزهەری، ئەلسەلامە، و مایۆ) لەخۆدەگرێت تووشی بەدخۆراکی بوون.

 

ژوورەکە ئاماژەی بەوەدا کە ٥٥ چێشتخانەی خێرخوازی کە بە “تاکایا” ناسراون، خزمەتگوزارییان وەستاندووە، ئەمەش بووەتە هۆی خراپتربوونی دۆخی مرۆیی بەتایبەتی خۆراک لە ناوچەکەدا.

 

داخستنی ٩ بنکەی تەندروستی و وەرنەگرتنی پێداویستییە پزیشکییەکان، ئازارەکانی نەخۆشخانە و نەخۆشانی هەرێمەکەی زیاتر کرد.