ناوەندی هەواڵ

 

لەناو زیادبوونی هۆشدارییەکان سەبارەت بە برسێتی بەکۆمەڵ کە هەڕەشە لە دانیشتووانی کەرتی غەززە دەکات، هێزەکانی ئیسرائیل لە بەیانی ڕۆژی ٢٧ی تەمووزدا دەستپێکردنەوەی دابەزاندنی یارمەتییە ئاسمانیەکانیان ڕاگەیاند، هاوکات لەگەڵ دەستپێکردنی ئاگربەستێکی بەشەکی مرۆیی کە سێ ناوچە دەگرێتەوە.

 

کەرتی غەززە شایەتی پێشهاتە هەستیارەکانی مرۆیی و سیاسییە، هەردوولا لە شەڕی بەردەوامدا کە لە ٧ی تشرینی یەکەمی ٢٠٢٣ دەستیپێکرد، ڕێکەوتن لەسەر ئاگربەستێکی بەشەکی مرۆیی لە سێ ناوچەی مەواسی، دێر بەلح و شاری غەززە، کە بەیانی یەکشەممە کاری پێدەکرێت.

 

ئاگربەستی مرۆیی بریتییە لە وەستاندنی ئۆپەراسیۆنە سەربازییەکانی ڕۆژانە لە کاتژمێر ١٠ی بەیانی تا ٨ی ئێوارە، لەگەڵ ڕێڕەوی سەلامەت لە کاتژمێر ٦ی بەیانی تا ١١ی ئێوارە، بۆ ئاسانکاری لە جووڵەی هاوکارییەکان، هەماهەنگی لەگەڵ نەتەوە یەکگرتووەکان و ڕێکخراوە نێودەوڵەتییەکان ئەنجامدراوە بۆ دڵنیابوون لە دابەشکردنی هاوکارییەکان.

 

ڕۆژانە تەنها ٦٩ بارهەڵگر دەچنە ژوورەوە، ئەمەش زۆر کەمترە لە کەمترین پێویست "٥٠٠-٦٠٠ بارهەڵگر"، بەپێی ئامارەکانی نەتەوە یەکگرتووەکان، هەروەها دابەزاندنی یارمەتییەکان دەستیپێکردووەتەوە، لەوانە ئارد و شەکر و خۆراکی قوتوو، بەڵام دابەشکردنەکە ڕووبەڕووی پرس بووەتەوە بەهۆی هێرشی بارهەڵگرەکان لەلایەن کەسانی برسییەوە، ڕێکخراوە نێودەوڵەتییەکانی فریاگوزاری دەڵێن ئێستا برسێتی بەکۆمەڵ لەنێو ٢.٢ ملیۆن دانیشتووانی غەززەدا بڵاوبووەتەوە لەگەڵ تەواوبوونی پێداویستییەکانی غەززە، دوای ئەوەی هێزەکانی ئیسرائیل هاتنە ناوەوەی یارمەتییەکانیان بۆ ناو کەرتی غەززە لە مانگی ئاداری ڕابردوودا ڕاگرت، پێش ئەوەی لە مانگی ئایاردا بە سنووردارکردنی نوێی غەززە بیکاتەوە.

 

زەینەب ئەبو حەلیب تەمەن پێنج مانگ بەهۆی بەدخۆراکی توندەوە گیانی لەدەستداوە، بەمەش ژمارەی ئەو منداڵانەی بەهۆی برسێتی و نەبوونی چاودێری پزیشکییەوە گیانیان لەدەستداوە گەیشتووەتە ٨٥ منداڵ، لەکاتێکدا ژمارەی پێگەیشتووان لە ماوەی سێ هەفتەدا گەیشتووەتە ٤٢ کەس، بەپێی ئامارەکانی وەزارەتی تەندروستی غەززە.