ناوەندی هەواڵ

 

عێراق لەسەر ئاستی جیهان پێنجەم وڵاتە كە بەهۆی گۆڕانی كەشوهەواوە زۆرترین كاریگەریی لەسەر دروست بووە و ڕۆژەکانی بە گەرمایەکی زۆر تێدەپەڕێنێت، بۆ کەم کردنەوەی ئەم کاریگەرییەش داوای گۆڕینی ڕەنگی شەقام و باڵەخانەکان دەکرێت کە توانای دانەوەی تیشکی خۆریان هەبێت.

ڕوانگەی عێراقێكی سەوز لە ڕاگەیەندراوێكدا ئاماژەی بەوەکردووە، هۆكارێكی بەرزی پلەكانی گەرما دەگەڕێتەوە بۆ ڕەنگی شەقام و باڵەخانەكان، كە ڕەنگیان ڕەش و سوور و زەردە.
 

ئەوەش خراوەتەڕوو، هەندێک لە وڵاتان بۆ كەمكردنەوەی پلەكانی گەرما ڕەنگی شەقام و باڵەخانەكان دەگۆڕن بۆ ئەو ڕەنگانەی گەرمی كەم دەكەنەوە، وەك سپی و شینی ئاسمانی، هەربۆیە لە عێراقیش داوا دەکرێت ڕەنگی شەقام و باڵەخانەكان  بگۆڕدرێن.