بەیدا عوسمان

 

کۆبانێ- لە ٧ی تەمموز، لە ئەکادیمیای شەهید شیلان ٢١ ژن کە تەمەنیان لەنێوان ١٨ بۆ ٥٠ ساڵ بەشدارییان کرد لە خولی پەروەردە کرد کە بە ناوی شەهید هەڵبەستت کۆچەر کرایەوە.

 

لەو چوارچێوەیەدا، بەڕێوەبەرایەتی ئەکادیمیای شەهید شیلان و ئەندامانی بەشداربوو لە ڕاهێنانەکەدا بۆ ئاژانسەکەمان سەبارەت بە گرنگی پەروەردە لەسەر کەسایەتییان قسەیان کرد.

 

"پەروەردە ڕێگای خۆناسینە"

هەدلە خەلیل، بەڕێوەبەری ئەکادیمیای شەهید شیلان لەبارەی پەروەردە و گرنگییەکەیەوە وتی: وەک ئەکادیمیای شەهید شیلان، ئەرکی سەرەکی ئێمە پەروەردەکردن و ڕێکخستنی ژنانە، لە ٧ی تەمموزدا، خولێکی پەروەردەییمان کردەوە بە ناوی شەهید هەڵبەست کۆچەر، کە بەتایبەتی بۆ دایکان و هاوژین و خوشکەکانی شەهیدان کرایەوە، ئامانج ئەوەیە کەسایەتییەکی ئازاد دروست ببێت و ڕاستیەکان بزانیت، ئەوانەی بەشداری لە پەروەردەدا دەکەن خۆیان و دەوروبەرەکەیان دەناسن، ئەم  خولە بۆ ماوەی مانگێک بەردەوام دەبێت.

 

"پەروەردە ناسنامەی ئێمەیە"

ئەمینا محەمەد، کە هاوژینەکەی شەهید بووە، لەبارەی پەروەردەوە وتی: مرۆڤ هەرچەندێک زانابێت کاتێک بەشداری پەروەردە دەکات دووبارە خۆی دەناسێت، بە تایبەتی ژنان گرنگی خۆیان لە کۆمەڵگەدا دەبینن، ئێمە لێرە لە تەمەنی ١٨ بۆ ٥٠ ساڵیدا پەروەردە دەکەین، سەرەتا دەگەڕێینەوە بۆ لای خۆمان و خۆمان دەناسین، پەروەردە وەک ئەوە وایە گڵۆپێک لە ماڵێکی تاریکدا دابنێیت، پەروەردە ناسنامەی ئێمەیە.

 

پەروەردە چەندین گۆڕانکاری و گۆڕانکاری لە کەسایەتیمدا کردووە."

ئەمینا محەمەد ئاماژەی بەوەکرد، هەر ژنێک له ماڵەوە دەمێنیتەوە  دەبێت په روه رده ببینێت و خۆی بناسێت وتیشی: هیوادارم هەموو ئەو ژنانەی لە ماڵەوە دەمێننەوە پەروەردە ببینن، لەبەر ئەوەی بیرۆکەی خەڵک پێشدەخات، ٤٥ ڕۆژە لە ئەکادیمیای شەهید شیلان بەشداریم کردووە.، ئەوە ڕاستە کە ئێمەی ژنان ماڵ و منداڵیان هەیە، پێمان وابوو ئەوە تەنها ئەرکی ئێمەیە کە ماڵ و منداڵ بەخێو بکەین و خواردنیان بۆ ئامادە بکەین، دوای ئەوەی بەشداری پەروەردەم کرد، گۆڕانکارییەکی زۆر لە کەسایەتیمدا کرا، وەک ئەوەی تازە هاتبێتمە دنیاوە، کاتێک بەشداری پەروەردە بووم چەند ڕۆژێک گریام، ئەوەی لە پەروەردەدا فێری دەبین دەبێت بەسەر دەوروبەرماندا دابەش بکرێت.

 

"پەروەردە وەک نان و ئاوە ئەگەر نەبێت ژیان نەبێت"

سیلاڤا بەکی، ئەندامی دەزگای بنەماڵەی شەهیدان، وتی: پەروەردە  بۆ مرۆڤ وەک نان و ئاوە ئەگەر نا، زیندوو نابێت، لە ڕابردوودا، ئێمە کێشەی زۆرمان هەبوو لە بیرکردنەوە، بەخشین و وەرگرتن. کاتێک بەشداریمان کرد لە پەروەردەدا هەستمان کرد کە بۆ یەکەم جار چاوەکانت دەکەیتەوە، ئێمە وەک ژنان کێشەی زۆرمان هەبوو پێش ئەوەی پەروەردە ببینین، لەبەر ئەوەی مافەکانمان پێشێل دەکرا، بینینی پەروەردە گۆڕانکارییەکی گەورەیە بۆ ژنان، کاتێک کەسێک پەروەردە دەبینێت خۆی و مێژووەکەی و بیر و فەلسەفەی ڕێبەر ئاپۆ دەناسێت، پێویستە ئەوە بزانین کە دەوڵەتە هەژمۆنییەکان دەیانەوێت گەلی کورد لەناو ببەن و پرۆژەی نەتەوەی دیموکراتیک لەناوببەن، دوای ئەوەی ماوەیەکم لە پەروەردەدا بەسەر برد تێگەیشتم چەند مافی ژنان پێشێل کراوە، لەبەر ئەوەی ژنانی ئازاد کۆمەڵگەیەکی ئازاد بنیاد دەنێن، تا ئەمڕۆش دوژمن هەمیشە دەیەوێت ژنان بکاتە ئامانج، دەسەڵاتداری لەسەر ژناندا لە سەردەمی سۆمەریەوە دەستیپێکردووە، بەڵام فەلسەفە و ژیان و ئازادی ژنان وەڵامێکە بۆ هەموو دەسەڵاتێک.