شیاكۆیی 

 

کۆیە- ئەو عەقڵییەتەی کە ژن پەراوێز دەخات و هەمیشە خۆی پێ زاڵە، لەهەموو بوارەکاندا ژنی دووردەخاتەوە، لە زۆرینەی بوارەکانی ژیان وکارکردنیشتەنها بەهی پیاوی دەزانیت، هەرچەندە ژنان ئەم کۆت و بەندانەیان تێکشکاندووەو بەشداری هەموو بوارەکانن،  لە بواری وەرزشدا سەرەڕای بەرەپێشچوونی منداڵانی کچ وژنان لە وەرزشداو بوونی چەندین پاڵەوان لەسەر ئاستی ناوخۆو دەرەوە، هێشتا دەبینین لە خوێندنگەکاندا خوێندکارانی کچ لە وانەی وەرزشدا دوور دەخرێنەوە، زۆر جار لەهەندێک لە خوێندنگە تێكەڵاوەکان، دەبیستین كە بەشێك لە مامۆستایان خوێندکارانی کچ دووردەخەنەوەو پێیان ئێوە دانیشن یان پۆل و خوێندنگە پاک بکەنەوە، تەنیا كورەكان دەباتە گۆرەپانی وەرزش، ئەوەش كاریگەری دەروونی و زهنی لەسەر خوێندکاران درووستدەكات، بۆ خوێندکارانی کوڕ دەبێتە هۆی بناغەیەک بۆ جیاکاری بەرامبەر ڕەگەزی مێ، بۆ خوێندکارانی کچیش دەبێتە سەرکوت کردن و پەراوێز خستنیان، بەڵام لە ئێستادا خوێندکاران خۆیان هەستیان بەم جیاکارییە کردووەم چونكە هیچ جیاوازیەك نیە لە نیوان كوڕو كچدا لەوانەی وەرزش، هەندێک کاتیش وانەی وەرزش تەنها بۆ نمرە سەیر دەکرێت، دووبارە لێرەدا خوێندکارانی کچ لە وەرزش و وانەکە دوور دەخرێنەوە. 

 

 قەدریە محەمەد، مامۆستای وەرزش لە خوێندنگەی سروەی بنەڕەتی كچان لەكۆیە، سەبارەت بە گرنگی وانەی وەرزش لە خوێندنگەکان وتی : بە پێچەوانەی ئەو بۆچونانەی گوایە وانەی وەرزش تەنیا بۆنمرەیە، ئەوە دوورە لەراستی ،گەر لەچەند شوێنێکیش وابێت ئوە دەكەوێتە سەر ئیدارەی خوێندنگەو مامۆسستاكە، وەك خۆمان وانەی وەرزش لە قوتابخانەكەی ئێمە گرنگی تەواوی پێدەدەین وەك بابەتەكانی دیكە مەنهەجمان هەیە ولەسەری دەڕۆین وئەگەر لەهەندێ شوێن وانەی وەرزش بەكەم سەیر بكرێت دەكەوێتە سەر مامۆستاكە چەندە بەسەلیقەیە لەوتنەوەی وانەكەی یان كەمتەرخەمن. 

 

قەدریە محەمەد وتیشی: بەپێی نووسراوی وەزیی پەروەردە  دەڵێت، نابێت وەرزش لەوانەی یەكەم و كۆتایی بخوێندرێت ئەوەش بۆ گرنگی وانەكەیە لە نێوان وانەكانی دیكە تا گەر قوتابی ماندوو بوبێت لەوانەكانی دیكە كاتێك وانەی وەرزش دێت لەرووی دەروونی وزهنی زۆر سودمەند دەبن و چالاك دەبنەوە، چونكە وانەی وەرزش تەنها بەئەنجامدانی راهێنانەكان دڵی كەسەكان خۆشدەكات وچالاك دەبێتەوە. 

 

 ئایا وانەی وەرزش هیچ کاریگەریی لەسەر توانای جەستەیی و بەهێزبوونی بیرو هۆشی خوێندکاران هەبووە؟ 

مامۆستا قەدریە وتی: گەر بەراوردی بكەین بەلایەنی زیرەكی ئەو خوێندکارەی وەرزش دەكات وئەوخوێندکارەی وەرزش ناكات جیاوازی زۆرهەیە هەتا لەلایەنی دەروونیش كاریگەری زۆری هەیە گەر سەیركەین لە هەندێک خوێندنگە وانەی وەرزش ناخوێنرێت بەتایبەتی پۆلی ۱۲ی ئامادەیی،پەراوێزیان خستووە، ئەوەش كاریگەری نەرێنی دەبێت لەسەر خوێندکار بەتایبەتی بۆ پۆلی (۱۲) ەكان، چونكە وانەی وەرزش تاكە هۆكارە بۆلایەنی دەروونی جەستەیی تا خوێندکار بیری هێندە ئاڵۆز نەبێت بتوانێت وانەكانی بە زهنێكی خامۆش وانە بخوێنێت وچالاك بێتەوە. 

 

قەدریە محمد، ئاماژەی بەوەشكرد كە لە هەندێك  لە خوێندنگە تێکەلاوەکان مامۆستاكە تەنیا وەرزش بەكوڕەكان دەكات وكچەكان بەشداری لە وانەکەیان پێناکرێت، دەڵێن كچەكان انیشن، ئەوەش كاریگەری خراپی هەیە لەسەر قوتابیەكان،و وەرزش هەر بۆكوڕ نیە بۆكچیشە بێ جیاوازی،و بەڕای من ئەوەش  سەرەتا مامۆستاكە بەرپرسە پاشان ئیدارەی خوێندنگەکە، چونكە هێزی جەستەیی كچ یان كوڕ جیاوازیەكی نییە و كچەكانیش وەك خوێندکارە كوڕەكان حەزیان لەوەرزشە ونابێت پەراوێز بخرێن. 

 

"گەر  خوێندکار لە خوێندنگەکەی وانەی وەرزشی بەباشی خوێندبێت باشترین یاریزانی لێدەردەچێت" 

قەدریە بەردەوام بوو لە باسی گرنگی وانەی وەرزش و وتی: گەر خوێندکار لە سەرەتاییەوە تا ئامادەیی وانەكانی وەرزش بەباشی بخوێنێت باشترین یاریزانی لێدەردەچێت، و ئەو خوێندکارانەی كە باش وانەكانی وەرزشیان پێوتراوە كاتێك دەچنە زانكۆكانی تایبەت بەوەرزش زۆر سەركەوتوو ترن لەوانەی وانەی وەرزشیان بەباشی نەخوێندووە، ئێستا چەندین خوێندکارمان هەیە لە یانەکان یاری دەكەن، خوێندکارم هەیە بەشداری چەندین چالاكی وەرزشی كردووە، و هەندێك لە خوێندکاران كە خۆیان دەبینەوە لەناو وەرزش لە پۆلی نۆوە دەچنە پەیمانگاكانی وەرزش، بۆیە ئەركە  لەسەر مامۆستا هەموو وانەكانی وەرزشی (باسكەیە، یەدە، بالەیە، تۆپی پێیە..هند)بە خوێندکار بڵێت و ڕایان بهێنێت تا بە ئەكادیمی فێربن. 

 

"دایك وباوكان زۆر جار ڕێگرن منداڵەكەیان بەشداری وانەی وەرزش بكات" 

قەدریە نەشی شاردەوە كە زۆر جار گرفتیان لە گەڵ دایك وباوكان هەیە بەوەی حەزناكەن منداڵەكانیان بەشداری وانەی وەرزش بكەن، بۆیە دەبێت باوک ودایكەكان پشتگیری منداڵەكانیان بن نەك ڕێگر، چونکە منداڵەکان حەزیان لە وەرزشە وتیشێ: خوێندکارم هەیە پێش ئەوەی بێمە ناو پۆل دەڵێن وەرزشمان هەیە دەچینە گۆڕەپان، خویندکاریشمان هەیە لەبەر ماڵەوە بەشداری ناكات، ئەوەش بۆ هەندێک دابونەریت یان ئەو تێگەیشتنەی كە پێیان وایە وانەی وەرزش گرنگ نییە، بەڵام ئێمە گرنگی تەواو بەوانەی وەرزش دەدەین بۆیە زۆرجار توشی گرفت دەبین کە خوێندکارەکە لەوانەكانی دیكە یەكەمە بەڵام لەوەرزش نا داكو بابەكان دێن سكاڵادەكەن نازانن كە ئێمە نمرە بەهەرەمەكی دانانێین بەڵكو بەپێی زیرەكی وتوانای خوێندکارەکە نمرەی بۆدادەنێین. 

لەكۆتایی قسەکانیدا قەدریە محەمەد وتی داوادەكەم مامۆستایانی وەرزش  وانەی وەرزشی بەگرنگ بزانن و وكەم تەرخەمی نەكەن، و قوتابیان بێ بەش مەكەن لەو وانە بەسوودە. 

 

هانا ئاسۆ، یەكێک لە خوێندکارانی مامۆستا قەدریەیە لە خوێندنگەی سروەی بنەڕەتی و چەندین خەڵاتی وەرگرتوە لەسەر بەشداریەكانی  لە كێبڕكێ وەرزشییەکان وتی: خوێندنگەکەمان بەتایبەتی مامۆستا قەدریە زۆر گرنگی بەوانەی وەرزش دەدەن بەهەموو جۆرە وەرزشەكان، من خۆم زۆر حەزم لە وەرزشە بەتایبەت یاری (بالە )وچەند خەڵاتێكیشم وەرگرتووە لە بەشداری كردنەكانم لە پێشبڕکێکانی بالەو تۆپی پێ و داری دەستە. 

 

لەكۆتایی قسەكانییدا هانا وتی: من ئاواتم بەشە پزیشكەكانە لە داهاتوودا بەڵام بەدڵنیاییەوە یاری وەرزشیەكانیش پشتگوێ ناخەم.