Navenda Nûçeyan-Tevî peymana agirbestê ya di navbera aliyan de hatî îlankirin, di rojên dawî de tundiya êrîşên Îsraîlê yên li ser başûrê Lubnanê zêde bûye. Ev yek fikarên derbarê pevçûnek berfirehtir a dîsa li herêmê derkeve holê de, zêde kir.

Herî kêm 21 kes hatin kuştin

Li gorî daneyên ajansa Nûçeyan a Neteweyî ya Lubnanê, di êrîşên hewayî yên Îsraîlê yên roja 5’ê Hezîranê de di nav de du zarokên Sûriyeyî, herî kêm 21 kes mirin. Wezareta Tenduristiyê ya Lubnanê êrîşa li ser bajaroka Zebdînê şermezar kir û tekez kir ku hedefgirtina tîmên tenduristiyê û rizgarkirinê yên ku erkên xwe pêk tînin, binpêkirineke eşkere ya qanûna mirovî ya navneteweyî ye.

Li gorî daxuyaniya duh a ji aliyê wezaretê ve hat weşandin, ji 2’yê Adarê ve li seranserî Lubnanê di encama êrîşên Îsraîlê de herî kêm 3 hezar û 558 kes mirine û 10 hezar û 870 kes jî birîndar bûne.

Tevî peymana agirbestê berdewamî û dijwarbûna êrîşan, bi taybet li başûrê Lubnanê, nîşan dide ku rewşa ewlehiyê ya li herêmê hîn jî lawaz e.