ژیان

08:00

ساڵێک بەسەر دووبارە دەستبەکار کردنەوەی ئاژانسی هەواڵی ژنهای نوێ(نوژنها) تێدەپەڕێت، لەو ماوەیەدا نوژنها کاری لەسەر پرسەکانی ژنان و تێکۆشانی ژنان لەپێناو ئازادی و وەستاندنەوە بە ڕووی زهنیەتی پیاوسالاری و دەسەڵاتداری کردووە، توانیویەتی جێگای خۆی لەناو ژنانی کۆمەڵگا، چالاکوان و ڕۆژنامەنووسان بکاتەوە و ببێتە دەنگ و ڕەنگی ئازادی ژن.

10:12

لە سەرەتای کۆچکردنی خەڵکی عەفرینەوەو جێگیربوونیان لە کانتۆنی شەهبا، حکومەتی شام گەمارۆیەکی بەسەر کانتۆنی شەهبادا سەپاندووە و پێداویستییەکانی ژیان بۆ هەرێمەکە دەرباز نابێت ئەوەش ئاڵۆزیی زیاتر کردووە، هاوکات بەهۆی گەمارۆوە نرخی هەموو شتێک بەرز بووەتەوە.

08:28

بەهۆی بارودۆخی نەخوازراوی سوریاو بوونی شەڕو ئاڵۆزی لەو وڵاتەدا کۆچکردن دەستیپێکرد و ئەو منداڵانەی خوێندکار بوون و لە شوێنەکانی خۆیان نەمان لە خوێندن دابڕان.

12:02

گەڕەکی کەڵەکن یەکێکە لە گەڕەکە بێ خزمەتگوزارییەکانی شاری سلێمانی، دانیشتوانەکەی لە وەرزی زستاندا ڕووبەڕووی زەحمەتی و دۆخی سەختی ژیان دەبنەوە و لە ترسی ئەوەدان باران ببارێت و خانووەکانیان تێکبچێت بەسەریاندا.

08:25

ئەوانەی ڕۆشتوون هانی کەس نادەن تا یاری بەژیانیان بکەن و بە درۆی قاچاخچییەکان تێکەوون، کەسوکاری ئەوانەی خنکاون خۆیان وەک کەسوکاری ئەنفالکراوەکان دەبینن، کە چاوەڕێی گەڕانەوەی ئازیزان یان تەرمەکانیان دەکەن.

11:55

ئێشکگری دادپەروەریی ئامینە شەنیاشار کە بۆ هاوژینەکەی و دوو منداڵەکەی دەستیپێکردووە بوو بە ٣٠٠ ڕۆژ و لەو ماوەیەدا وەڵامێکی دڵڕەقانەی درایەوە، لێیدرا و دەستبەسەر کرا و بردرایە نەخۆشخانە و ١٢ جار لێکۆڵینەوەی لەگەڵدا کرا.

11:41

بەشێک لەو چالاکیانەی ئەنجام دەدرێت لە ئوتێلە پێنج ئەستێرەکان ئەنجام دەدرێت، لە کاتیکدا توندتیژییەکان لەنێو ماڵەکاندا ئەنجام دەدرێت، ئەمەش هیچ سودێک بە ژنان ناگەیەنێت، چالاکوانانیش ڕەخنە دەگرن کە ئەم چالاکیانە هیچ سوودێکیان نیە تەنها لەپێناو خۆدەرخستنە، دەڵێن هیچ بەرهەمێکیان نییە، تەنها "قسەی زلە".

12:00

کانە بەردینەکان لە دەوروبەری کامپەکانی کۆچبەران لە ئیدلب بۆ منداڵانی کامپەکان مەترسیدارن، ئەو منداڵانەی دایک و باوک و برا و خوشکەکانیان لە تەقینەوەکاندا لەدەستداوە، کاتێک گوێیان لە تەقینەوەی کانی بەردین دەبێت ئەو ئازارەیان بیردەکەوێتەوە.

10:03

سەبیحە سەبری وتەبێژی "TAJÊ" کاری ساڵێکی بزوتنەوەکەی هەڵسەنگاند و زانیاری لەسەر کاری ساڵی داهاتوو خستەڕوو وتی:" ئێمە بەنیازین ساڵی داهاتوو کۆنگرە ببەستین، هەروەها هەوڵدەدەین هەموو کارەکان بەهێز بکەین لەژێر چاودێری بزووتنەوەکەدا، پەروەردەی ڕۆشنبیریمان زیاتر دەکەین بۆ ڕێگریکردن لە هاوسەرگیری لە تەمەنێکی کەمداو کوشتن و توندوتیژی دژ بە ژنانیش کاری لەسەر دەکەین".

08:05

خاوەن پێداویستییە تایبەتەکان لە هەرێمی کوردستان یەکێکن لەو توێژانەی ڕۆژەکانیان لە سەخترین دۆخدا تێدەپەڕێنن، مووچەکانیشیان ئەگەر دابەشبکرێت بەشی کەمترین پێداویستیەکانیان ناکات، منداڵانیش لە ئاستی خوێندن و نەبوونی پێداویستییەکاندا ڕووبەڕووی زەحمەتی دەبنەوە.

10:47

ڕێزان حەمیدی، ئەندامی کۆنگرەی ژنانی کۆمۆنیستی ئێران، دەربارەی ڕەوشی ژنان لە ئێران و ڕۆژهەڵاتی کوردستان، ئامانج و پلانەکان بۆ کەمکردنەوەی توندوتیژی دژی ژنان، فراوانکردنی پەیوەندی، چالاکی هاوبەش لەگەڵ ڕێکخراوەکانی دیکەی ژنان و ئاستەنگەکانی بەردەم کۆمەڵگا خستەڕوو.

08:45

هەرچەندە بەرپرسی ڕێکخراوەکانی ژنان لە حزبەکاندا سەربەخۆبوونی خۆیان لە حزبەکاندا ڕادەگەیەنن، بەڵام هێشتاش بە سیاسەتی حزبەکەیان وشەی "ژن-ئافرەت" بەکاردەهێنن، بوونی حزبەکانیش وەک ڕێگاییەک بۆ چارەسەری گرفتە یاساییەکان دادەنێن، جەختیش لەسەر گرنگی بوونی پەروەردەی ژن دەکەنەوە.

08:35

ڕەجا عیسا، ئەندامی ڕێکخراوی سارا، باسی لەوەکرد ڕێکخراوەکە لەپێناو ئاواکردنی ژیانێکی ئازاد و ئاسایشە بۆ ژنان تێدەکۆشێت، باسی لەوەشکرد کە ساڵی ٢٠٢١ کارێکی سەرکەوتوو بۆ ژنان ئەنجامدرا و ساڵی نوێش لقەکانی ڕێکخراوی سارا خۆی دەگەیەنێتە هەموو ژنان.

08:49

ئامارەکانی توندوتیژی بەرامبەر ژنان ساڵانە بەردەوام ڕووی لە زیادبوونە، بۆیە ڕێکخراوەکان باس لە دیارترین هۆکارەکانی توندوتیژییەکانی ساڵی ٢٠٢١ دەکەن، دەڵێن ساڵێکە ژنان زیاتر هۆشیاربوونەتەوە و ڕێکاری یاسایی دەگرنە بەر، بەڵام لەگەڵ هەموو ئەوانە پێویستە بە یەکدەنگ و یەکڕیزی کار بۆ ژنان و بەرگری لە مافەکانیان بکرێت.

10:28

شەش ڕۆژ بەسەر لافاوەکەی هەولێر تێپەڕ دەبێت و تا ئێستا ئامارێکی ڕاست دەربارەی گیانلەدەستدانی کرێکارانی بیانی لە هەرێمی کوردستان نەخراوەتەڕوو.

13:12

زولێخا ئیبراهیم، هاوسەرۆکی پارتی داهاتووی سوریا لە مەنبج، ڕایگەیاند، کە شەڕی تایبەت سیاسەتێکی سیستماتیکە و بەردەوامیشی دا و وتی: "ئەم شەڕە لەلایەن وڵاتانەوە کە دوژمنی هاوڵاتیانن لەسەر ئەم خاکە بەڕێوەدەچن و ئامانج لێی هەڵوەشاندنەوەو شکتپێهێنانی کۆمەڵگەیە، جێبەجێکردنی ئەو شەڕە لەسەر گرنگترین کۆڵەکەکانی بنیاتنانی کۆمەڵگا و پرۆژەی نەتەوەیی دیموکراتییە کە ژنان و گەنجانن".

10:11

ڕەمزیە محەمەد، وتەبێژی کۆنگرەی ستاری ڕۆژئاوا، کاروخەباتی ساڵێکی کۆنگرەی ستاری هەڵسەنگاند و ئاماژەی بەوەدا لە ساڵی ٢٠٢١دا زۆر ڕووداوی سیاسی و کۆمەڵایەتی هەبوون و گۆڕانکاری دروستبوو، سەرکەوتنی گەورەش لەسەر دەستی ژنان بەدیهات.

10:09

ئەو سیمنارانەی لە ماوەی ١٦ ڕۆژی بەرەنگاربوونەوەی توندوتیژی ئەنجامدراون زۆرینەیان بۆ قوتابخانەی کچان بووە، هەرچەندە جەخت لەسەر یەکسانی ئەنجامدانی سیمینارەکان دەکرێتەوە، بەڵام بەشێکی زۆری سیمینارەکان لە قوتابخانە کچەکاندا ئەنجام دراون.

10:22

بەهۆی خراپی ڕێڕەوی ئاوی شاری هەولێر و نەبوونی پلانی حکومەت، بە بارینی تاوە بارانێک لە شاری هەولێر تا ئێستا دووجار گەڕەکە هەژارنشینەکان ڕووبەڕووی لافاو بونەتەوە و زیانی گیانی و ماددی لێکەوتووەتەوە.

10:15

ژنێکی کورد کە بەڕێوەبەری کەمپی هۆلە هەڕەشە و مەترسی کوشتنی لەسەرە لە لایەن ژنانی داعشەوە، بەڵام ئەو دەڵێت: "ترسم لە کوشتن نییە بەڵام ترسم ئەوەیە کە ئەو ئامانجانە بەدەست نەهێنم کە کاری بۆ دەکەم".