ڕۆژانە

14:02

کۆنگرەی ستار ئەو لێدوانە هێرشبەرانەی شەرمەزار کرد، کە دژی ڕێبەری گەلی کورد عەبدوڵا ئۆجالان و پەروین بوڵدان، دراون و بە ڕێبازێکی دوژمنکارانەی دەزانێت کە ژنان و گەلان دەکاتە ئامانج.

13:27

ڕێبەری گەلی کورد پەیامێکی بۆ کۆنفرانسی دایکانی ئاشتی ناردو وتی: لە هەمووی زیاتر لە دایکمەوە فێری ڕاستی ژیان و ئارامگرتن بووم، بەڵام لەوەش زیاتر هەڵوێستی ڕاستی سەربەرزانەم لە دایکمەوە وەگرت، لەسەر ئەم بنەمایە سڵاو لە هەموو دایکانی ئاشتی دەکەم.

13:04

مەغریب لە یەک ڕۆژدا دوو تاوانی ترسناکی دژی ژنان بەخۆیەوە بینی، ئەم تاوانانە پەرەسەندنێکی مەترسیدار لە توندوتیژی خێزانی ئاشکرا دەکەن و دووبارە پرسی پاراستنی یاسای و کۆمەڵایەتی بۆ ژنان لە بەرامبەر پەرەسەندنی تاوانەکان ئاشکرا دەکەن.

12:35

لە دانیشتنێکی هەفتانەدا لە بەغدای پایتەختی عێراق، کیفاح مەجید، هونەرمەندی عێراقی پڕۆژەی "ئەرشیفی ئازاری عێراقی"ی پێشکەش کرد، کە لەڕێگەی ٢٣ تابلۆوە، یادەوەری نەتەوەیەکی بارگرانی شەڕ و ئازارەکانی بەڵگەدار کرد.

11:59

لەگەڵ کۆتایی هاتنی ئاگربەستەکە کە ٤٨ کاتژمێری خایاند، گرژییە سنوورییەکانی نێوان پاکستان و ئەفغانستان پەرەی سەند، سوپای پاکستان بە هێرشێکی ئاسمانی پارێزگای پاکتیکای ئەفغانستانی کردە ئامانج و ١٢ هاوڵاتی مەدەنی کوژران کە حەوتیان ژن و منداڵ بوون.

08:53

ئازادکردنی ئاردل چەشمە کە لە گرتووخانەی ژنانی ئەرزنجان ڕاگیراوە، بۆ جاری سێیەم بە شێوەیەکی هەڕەمەکی دواخرا.

16:00

کۆمەڵەی ژنانی زەنوبیا سوتاندنی بارەگای کۆمیتەکەیان لە شارۆچکەی ئەبو حەمام لە گوندی دێرەزوور شەرمەزار کرد و جەختیان لەوە کردەوە، کە هەوڵێکە بۆ بێدەنگکردنی دەنگی ژنانی ئازاد و تێکدانی خەباتیان بۆ دادپەروەری و یەکسانی.

15:28

نوسینگەی یاسای سەدە دوپاتی کردەوە، کە لە میانی دیدارەکەیدا ڕێبەرعەبدوڵا ئۆجالان جەختی لە گرنگی بنەمای "مافی هیوا" و پێویستی تێکەڵکردنی کورد بە یاسا بۆ گەیشتن بە ئاشتی ڕاستەقینە کردووەتەوە.

15:09

ژنانی خوێندەوار لە ئێران دوای تەواوکردنی زانکۆ، ڕووبەڕووی بازاڕی کاری پیاوان و فشارە کۆمەڵایەتییەکان دەبنەوە کە ناچاریان دەکات بگەڕێنەوە بۆناو بنەماڵەکانیان، ئەم گەڕانەوەیە خۆبەخشانە نییە ودەنگی بەرز شکستی سیاسەتی ڕەگەزی و هەڵاواردنی پێکهاتەکانە.

14:13

ئەشکەوتی "دایکی سەرج"، لە باکوور و ڕۆژهەڵاتی سووریا شوێنێکی سروشتی و مێژوویی ناوازەیە، درێژ دەبێتەوە بۆ قوڵایی ٥٠ مەتر و کانییەکی ئاوی تێدایە کە سەرچاوەکەی نادیارە، تا ئێستاش هیچ لێکۆڵینەوەیەکی زانستی ڕەسمی لەوێ ئەنجام نەدراوە.

13:06

ئەندامانی ئەنجومەنی ژنانی عەفرین و شەهبا ئاماژەیان بەوەکرد کە بەرخۆدان لە شێخ مەقسود و ئەشرەفیە بە پیشەنگایەتی ژنان ئەنجام دەدرێت و بەرخۆدانی ئەو دوو گەڕەکە گەڕانەوە بۆ عەفرین مسۆگەر دەکات. 

10:15

کۆردیناسیۆنی کەژەکە ڕایگەیاند، بە هیچ جۆرێک ئەو بێڕێزیانە قبوڵ ناکەین کە لە پەرلەماندا بەرانبەرڕێبەری گەلی کورد عەبدوڵا ئۆجالان گوتران، وتی: "بە توندی شەرمەزاری دەکەین و ئەمە وەک تاوانی تۆخکردنەوە و برەودان بە شەڕ دەبینین".

17:22

ڕۆژنامەنووس ڕەبیعە ئۆنڤەر دوای بڵاوکردنەوەی هەواڵێک دەربارەی داعش و حزبوڵا هەڕەشەی کوشتنی لێکرا.

15:24

ژنێکی تەمەن ٣٢ ساڵ لە کەرکوک لە ماڵەکەی خۆیدا تەقەی لێکراوە و کوژراوە و تائێستاش تاوانبارەکە دەستگیر نەکراوە.

14:42

ئەلفە لەملوم، ڕۆژنامەنووس، جەختی لەوە کردەوە کە ئەزمونی "کەشتی خۆڕاگری" نوێنەرایەتی وانەیەکی زیندوو دەکات لە هاودەنگی جیهانیدا، بەو پێیەی ئامادەبوونی ژنان بە شێوەیەکی سەرنجڕاکێش دیار بوو.

13:57

ئەنجومەنی کۆمەڵەی ژنانی زەنوبیا لە شاری ئەبو حەمام لە گوندی ڕۆژهەڵاتی دێرەزوور لە ناوچەی باکوور و ڕۆژهەڵاتی سووریا کەوتە بەر هێرشی چەکداری گروپە تیرۆریستییەکان، بیناکە ئاگری تێبەردرا و زیانی ماددی لێکەوتەوە.

13:14

هوریش شەمدین، پێشەنگی ئەنجومەنی ژنانی پارتی یەکێتی دیموکراتیک "پەیەدە"، ڕایگەیاند کە هەڵمەتی شەشەمیان بە ئامانجی پەرەپێدانی ژنان ئەنجامداوە دەڵێت: ژنێکی ئازاد پێشەنگە بۆ بونیادنانی سووریایەکی دیموکراتیک.

12:37

لە کۆمەڵگەیەکدا کە تەنانەت چرکەساتی مردنیش مافی ناوێکی بە ژن نەبەخشیوە، بەردی گۆڕ دەبێتە گێڕانەوەیەکی تری دوورخستنەوە، کە وێنەکەیان دەسڕدرێتەوە و ناوەکانیان بە هێماکان دەگۆڕدرێن کە جێگەی ناسنامەکەیان دەگرێتەوە، بەم شێوەیە گۆڕستانەکان دەبێتە شوێنی پیاوان.

09:30

ژنۆلۆژی یان "زانستی ژنان" تەنها بوارێکی ئەکادیمی یان چوارچێوەیەکی تیۆری نییە، بەڵکو ئامڕازێکی بەرخۆدان و هاوێنەی شیکردنەوە و شوێنی هاودەنگییە، زانستێکە کە عەقڵی پیاوسالاری دەشێوێنێت و پەیوەندی بەشداریکردن دروست دەکات.

08:45

دەستپێشخەریی ژنانی "پێویستیم بە ئاشتی هەیە" ڕایگەیاند کە قورسترین باری شەڕ لەسەر شانی ژنانە و داوای کۆتاییهێنان بە قەیومەکان، مسۆگەرکردنی پەروەردە بە زمانی دایک، دامەزراندنی کۆمیسیۆنی دۆزینەوەی ڕاستی و دیداریان لەگەڵ ڕێبەری گەلی کورد عەبدوڵا ئۆجالان کرد.