ناوەندی هەواڵ

 

فیدراسیۆنی عەلەوییە دیموکراتیکەکان "فەدا" و یەکێتیی ژنانی عەلەوی دیموکراتیک "داکب" بەبۆنەی ٢١ـی شوبات ڕۆژی جیهانیی زمانی دایک ڕاگەیاندراوێکی نووسراویان بڵاوکردەوە و ئاماژەیان بە گرنگی زمانی دایک دا لە پاراستنی ناسنامە، کولتوور و باوەڕی.

 

فەدا و داکب ڕایانگەیاند، ئەم ڕۆژە لەلایەن یونسکۆوە ڕاگەیەندراوە، بەهایەکی گەردوونی هەیە بۆ پاراستنی زمانەکان و پاراستنی فرەچەشنی کولتووری.

 

لە بەردەوامی ڕاگەیاندراوەکەدا هاتووە، لە تورکیا زمانەکانی وەک کوردی "کورمانجی، زازاکی، سۆرانی"، عەرەبی، سریانی، لازکی و ئەبخازیان لە مەترسیدان بەهۆی ئەوەی مافی خوێندن بە زمانی دایک مسۆگەر نییە.

 

فەدا و داکب ڕایانگەیاند، پەروەردەی زمانی دایک گەشەکردنی مەعریفی، دەستکەوتی ئەکادیمی و هەستی سەربەخۆیی منداڵان بەرز دەکاتەوە و ئەمەش پشتگیری لە ئاشتی کۆمەڵایەتی و ئەنتێگراسیۆنی دیموکراتیک دەکات.

 

فەدا و داکب ڕایانگەیاند، باوەڕی عەلەوییەکان تا ڕادەیەکی زۆر لەسەر کەلتووری زارەکی دامەزراوە، لە ڕێگەی گۆرانی ئایینی، نزا، هەناسەدان و نەریتی خزرەوە پارێزراوە. هەروەها ڕاگەیەندرا، لەدەستدانی زمانی دایکی دەبێتە هۆی لەدەستدانی یادەوەری ئایینی و کولتووری.

 

فەدا و داکب خوازیاری پاراستنی زمانی دایک، کەلتوور و ئازادیی باوەڕییەکان، دەستەبەرکردنی مافی خوێندن بە زمانی دایک و گواستنەوەی میراتی کولتووری بۆ نەوەکانی داهاتوون، دەڵێن "با زمان بژی و کولتوور بە ئازادی بمێنێتەوە. زمانی دایک داهاتوومانە".