ڕۆژانە

14:55

یەکێتی ڕاگەیاندنی ژنان هەڕەشەی سەر پەیامنێری نوژنها لە شاری حەڵەب ئیدانە دەكات و ڕایگەیاند، داوا دەکەن پەیمانە نێودەوڵەتییەكان سەبارەت بە پاراستنی ڕۆژنامەنووسان و ئاسانکاری بۆ کارەکانیان جێبەجێ بكرێت.

14:52

کۆمەڵەی ژنانی زەنوبیا داوای لە کۆمەڵگەی نێودەوڵەتی و ڕێکخراوەکانی مافی مرۆڤ کرد کە سزاکانی پەخشان عەزیزی و وریشە مورادی و شەریفە محەمەدی ڕابگرن و هەنگاو بۆ ئازادکردنیان بگرنەبەر.

14:33

سەبارەت بە دەستگیرکردنی ڕۆژنامەنووسان، مەکەگە ڕاگەیەندراوێکی بڵاوکردەوە و داوای ئازادکردنی دەستبەجێی ئەو سێ ڕۆژنامەنووسی دەستگیرکراوی کرد و ڕایگەیاند، ناتواندرێت ئەو ڕۆژنامەنووسانەی بەدوای ڕاستییەکاندا دەگەڕێن بێدەنگ بکرێن.

11:24

خوێندکاران لە چەند پۆلێکی خوێندنگەی شەهید ئاڤێستا درێژە بە خوێندن دەدەن، لە پۆلەکانی تری خوێندنگەدا کۆچبەرانی شەهبا بە ژیانی ڕۆژانەیاندا دەڕۆن، لە شوێنێکداخویندنگە هەم دەبێتە شوێنی خوێندن و هەم دەبێتە پەناگەیەک بۆ کۆچبەران.

08:53

لەگەڵ نزیکبوونەوەی نەورۆز و گەشەسەندنی ڕێوڕەسمە کولتوورییەکان لە ڕۆژهەڵاتی کوردستان، چڕبوونەوەی هێرشەکانی گرووپە کۆنەپەرستەکان دژی ئازادی جلوبەرگی ژنان کەشێکی نیگەرانکەر و دوو جەمسەری لە کۆمەڵگەدا دروستکردووە.

08:29

وەزارەتی تەندروستی غەززە، نوێترین ئاماری زیانبەرکەوتووانی بڵاو كردەوە، كە لە دەستپێكی شەڕەوە تا ئێستا ٤٨ هەزار و ٣١٩ غەزە كوژراون و ١١١ هەزار و ٧٤٩ كەسیش برینداربوون.

07:47

لە تورکیادا دیارترین دەرکەوتنی سیاسەتی بێدەنگی لە بواری زمانی دایکدایە، دیلان شەبەشئۆغڵو، بە وشەی "هەموو ماڵێک خوێندنگەی یەکەمی منداڵانە"، سەرنج بۆ گرنگی زمانی دایک ڕادەکێشێت و دەڵێت: زمان و ژیان دەبێت بە زمانی کوردی بێت.

14:47

ئەنجومەنی باڵای دادوەری عێراق فەرمانی جێبەجێکردنی یاسای لێبوردنی گشتی بۆ دادوەرانی سەرجەم پارێزگا و قەزاکانی عێراق دەرکرد.

14:10

وەزارەتی دەرەوەی فەڕەنسا سەبارەت بە بەرزبوونەوەی جێبەجێکردنی سزای لە سێدارەدان لە ئێران بەیاننامەیەکی بڵاوکردەوە و ڕایگەیاند، "لە هەر بارودۆخێکدا بێت دەستبەجێ کۆتایی بە سزای لە سێدارەدان بهینێت".

12:46

ڕێکخراوە نێودەوڵەتییەکان ڕایانگەیاند، داوا لە وڵاتان دەکەین کۆتایی بە دیپۆرتکردنەوەی هاوڵاتییانی ئەفغانستان و بەتایبەتی ژنان بهێنن ، دەشڵێن: ژنان ڕووبەڕووی ئازاردانی جەستەیی و دەروونی و هەڕەشە دەبنەوە.

11:59

جینان ئەحمەد، هاوسەرۆکی فەرمانگەی کشتوکاڵی ئەنجومەنی هەرێمی ڕۆژهەڵاتی دێرەزوور، سەبارەت بەو سەفەربەری گشتی لە ناوچەکەدا وتی: بە خەبات و ئیرادەی گەل، پلانەکانی لەشکرکێشی دەوڵەتی تورک تێکدەشکێت.

11:17

تاژێ سەبارەت بە یاسای باری کەسێتی و یاسای لێبوردنی گشتی، نامەیەکی ئاراستەی سەرۆک کۆماری عێراق و ئەنتۆنیۆ گۆتێرێس، سکرتێری گشتی نەتەوە یەکگرتووەکان و نوێنەری یونیسێف لە عێراق و نوێنەری نەتەوە یەکگرتووەکان لە عێراق و ئەو وڵاتانە کرد.

10:57

بەڕێوەبەری سەنتەری مافەکانی مرۆڤ لە ئێران، دژی پەسەندکردنی سزای لەسێدارەدانی پەخشان عەزیزی و وریشە مورادی و شەریفە محەمەدی ڕایگەیاند، کاتی زۆر نەماوە بۆ ڕزگارکردنی ژیانیان.

10:50

شەڕڤانانی یەکینەکانی پاراستنی ژنان (یەپەژە) ڕایانگەیاند کە ئەوان هێز و ئیرادەی خۆیان لە بەرخۆدانی گەل وەردەگرن و بە ڕۆحی ئەو بەرخۆدانەوە بەرگری لە خاکەکانیان دەکەن لە بەرامبەر هێرشەکانی دەوڵەتی داگیرکەری تورک.

08:06

ئەو قەیومەی کە دەوڵەتی تورک بەسەر شارەوانی سیرتدا سەپاندوویەتی، لە نیوەشەودا نووسراوی "ژن، ژیان، ازادی"، کە بە زمانی کوردی و تورکی و عەرەبی لەسەر دیوارەکانی پارکی کیزلار تەپێسی نووسرابوو و وێنەی ژینا ئەمینی و ژنانی دیکەی لابرد.

07:52

هونەرمەند پینار ئایدنلار، کە لە چوارچێوەی لێکۆڵینەوەکانی هەدەکە دەستبەسەر کرابوو، ڕاگەیەندرا کە دەستی بە مانگرتن لە خواردن کردووە.

07:30

لە بەردەڕەش منداڵانی خوار ١٨ ساڵ لەلایەن مامۆستایانی ئاینییەوە مارە دەبڕدرێن و داواکاری گشتی دهۆکیش ڕایدەگەیەنێت، "ئەم بابەتانە پەیوەستە بە مافى گشتى و هەر سەرپێچییەک رووبدات بەپێی یاسا رێکاری یاسایی دەگرینەبەر". 

14:14

شەبنەم کۆرور فینجانچی سەرۆکی پێشووی ئەنجومەنی ناوەندی TTB کە بە تۆمەتی "بێڕێزیکردنی دەوڵەت و دامەزراوەکانی" دادگایی کرابوو، بێتاوان دەرچوو.

13:16

نێرگس محەمەدی ڕایگەیاند، دەبێت ڕەگەزپەرستی و سزای لەسێدارەدانی بە کۆمەڵ لە ئێران بە تاوان بناسرێت و ڕابگیرێت، پەخشان، وریشە و شەریفە مەترسیی لەسێدارەدانیان لەسەرە.

13:07

بەپێی ڕاپۆرتی ڕێکخراوی مافی مرۆڤی ئێران، لە ساڵی ٢٠٢٤دا ٩٧٥ کەس لە ئێران لەسێدارە دراون، هاوکات باس لەوە کراوە کە ژمارەی ڕاستەقینە لەم ژمارەیە زیاترە.