ڕۆژانە

09:17

بە بۆنەی ٨ی ئادار، ڕۆژی جیهانی تێکۆشانی ژنان، لە سەرتاسەری شەنگال لە گوند و شارۆچکەکانیدا سیمینار بەڕێوەچوو.

08:44

پەروین ئەدوایی، چالاکوانی مەدەنی دانیشتووی شاری مەریوان، بە دانانی بارمتە لە ناوەندی چاکسازیی سنە ئازاد کرا.

08:40

ژنان و منداڵان لە پرۆسەکانی ململانێدا زۆرترین زیانیان بەردەکەوێت، ئەزموونی ئەو ژنانەی کە سەرەڕای ئەو هەموو مەینەتیەی تا ئێستا بەسەریاندا هاتووە، وەک حزب پشتگوێ خراوە؟ ئەم ئەزموونانە چ ئاماژەیەک بۆ پرۆسەکە لە تورکیا دەخەنە ڕوو؟.

07:14

ڕاگەیاندنکار ئاسكە جەعفەر ئاماژەی بەوەکرد، بانگەوازەکەی ڕێبەری گەلی کورد عەبدوڵا ئۆجالان چارەسەری ئاشتیانەیە و بە فەرمی ناسینی ناسنامە و مافی کوردانە لە دەستووری تورکیا، بە هەنگاوێکی ئەرێنی هەژمار دەکرێت.

15:16

ژنان لە پارت و دامەزراوە سیاسییەکانی باکوور و ڕۆژهەڵاتی سووریا لە ٨ی ئاداردا لە زۆر شوێن چالاکییان ئەنجامدا و پەیامی "ئێمە پێکەوە بەهێزین"یان دا.

15:13

بە ئامادەبوونی ژنانی ئازادیخواز و خانەوادەی شەهید هێرۆ و وڵاتپارێزان، بەبۆنەی نزیكبوونەوەی ٨ـی ئادار لە شوێنی شەهیدبوونی گوڵستان تارا و هێرۆ بەهادین، هەڵمەتی نەمام چاندن ئەنجامدرا.

14:12

٤٢ خیزانی خەڵکی شەنگاڵ کە لە کاتی هێرشی داعش بۆ سەر شەنگالدا ئاوارە بوون، لە کامپێکی شاری دهۆکەوە گەڕانەوە زێدی خۆیان.

13:35

ڕێکخراوە نێودەوڵەتییەکان وێڕای هۆشداریدان سەبارەت بە بەردەوامی داخستنی دەروازە سنوورییەکان بۆ کەرتی غەززە بۆ سێیەمین ڕۆژی لەسەریەک و زیادبوونی ئازارەکانی خەڵکی مەدەنی بەتایبەتی ژنان، جەختیان لەسەر پێویستی گەیاندنی دەستبەجێی هاوکارییەکان بۆ ئەوان کردەوە.

12:58

پرۆگرامی خۆراکی جیهانی دووپاتی کردەوە کە لە چەند مانگی داهاتوودا نزیکەی یەک ملیۆن کەس لە سۆماڵ ڕووبەڕووی برسێتی دەبنەوە بەهۆی وشکەساڵی و کەمی باران، ئەمەش ڕەنگە دوای دوو وەرز بەبێ بارانبارین لە ئاستی ئاساییدا بارودۆخی وشکەساڵی دروست بکات.

12:27

ئارەزوو جەلیل زادە، مامۆستای دانیشتووی شاری سەردەشت، لەلایەن هێزە ئەمنییەکانەوە دەستبەسەر کراو بۆ یەکێک لە دەستبەسەرگە ئەمنییەکانی شاری ورمێ گوازرایەوە.

12:03

پارێزەر ئیڤا شۆنڤێڵد دەلیت: ئەم گۆڕانکاریانە دەرفەتێک بۆ ئازادکردنی زیندانیانی سیاسی و کۆتاییهێنان بە دەستبەسەرکردن و پراکتیزەکردنی ئەشکەنجەدانیش دەڕەخسێنێت،هەر بۆیە بانگەوازەکە ئیلهامبەخش و باوەڕییە.

10:31

کۆمەڵێک لە ژنە شۆفێرانی پاسی خوێندنگەکان لە شاری ئەسفەهان بۆ ناڕەزایەتی دەربڕین بە نەبوونی پارەی بیمە، گردبوونەوەیەکی ناڕەزایەتییان لە بەردەم بینای پارێزگای شارەکە ئەنجامدا.

09:11

مینو ڕۆژەدار، هاوڵاتی دانیشتووی تاران و تۆمەتباری سیاسی، بە دانانی بارمتە لە زیندانی ئێڤین ئازاد کرا.

09:02

ساڵیادی ڕۆژی جیهانی تێکۆشانی ژنان دەکەوێتە ٨ی ئادار و ژنانی سودان بەردەوامن لە ڕووبەڕووبوونەوەی ئاستەنگی بەرچاو لە ئەنجامی ئەو ململانێیەی لە وڵاتەکەیاندا لە مانگی نیسانی ٢٠٢٣ەوە بەردەوامە.

08:35

منداڵێكی تەمەن دوو ساڵ لە گوندی شیوەڕێی سنووری بەردەرەش، ئێوارەی ڕۆژی ڕابردوو لەلایەن پێنج سەگەوە پەلاماردراوە و لە ئاكرێ نەشتەرگەری بۆ كراوە، بەڵام بەھۆی سەختی برینەكەیەوە گیانی لەدەستدا.

08:17

یەژەئادە بەبۆنەی ٨ی ئادار پەیامێکی نوسراوی بڵاو کردەوە و ڕایگەیاند، بەرامبەر ئەم نادادییە گەردوونییە دژی ژنان دەلێین: ئێدی بەسە.

07:28

دەستەی کولتووری شاری کۆبانێ کارەکانی بۆ ئەو ئاهەنگە گەورەیەی کە بڕیارە لە کۆبانێ بەڕێوە بچێت خێراتر کرد.

07:13

سەرەڕای هەبوونی چالاکییەکانی ژنان و نزیکبوونەوەی لە ڕۆژی ٨ی ئادار، ژنان بەردەوام بۆ کۆتایهێنان بە کوشتنی ژنان هەوڵ و تێکۆشان دەکەن، بەڵام ئاستەنگیەکانی دەسڵاتداران ئامارەکانی توندوتیژی و کوشتن بەرەو زیادبوون دەبات.

15:02

ڕۆژنامەنووس ڕاهیلا گوپتا ڕایگەیاند کە دەوڵەتی تورکیا پێویستە گوێ لە بانگەوازی 'ئاشتی و کۆمەڵگەیەکی دیموکراتیک'ی ڕێبەری گەلی کورد عەبدوڵا ئۆجالان بگرێت و وتی:" پێکەوە ژیانی کورد و تورک، دەربڕینی ناسنامەی خۆیان بە ئازادی گرنگە."

14:38

ژنان لە شاری کۆبانێ بە بۆنەی ٨ی ئادار، ڕۆژی جیهانی تێکۆشانی ژنان، دەستیان بە چاندنی نەمام کرد