ڕۆژانە

12:36

فۆزا یوسف، ئەندامی هاوسەرۆکایەتی پەیەدە ڕایگەیاند، ڕێککەوتنی نێوان قەسەدە و ئیدارەی کاتی سووریا، هەموو پێکهاتەکانی سووریا دەپارێزێت، هیچ کەسێک لە ڕێگەچارە دەرناچێت.

11:45

دەستەی گشتی شوێنەواری عێراق بڵاوی کردەوە، لە هەڵمەتێكی بەرفراواندا زیاتر لە ٢٠ هەزار پارچەی شوێنەوار لە عێراق دۆزرانەوە و ڕەوانەی مۆزەخانەی نیشتمانیی کران.

10:01

ژنانی کورد و عەرەب سەرنجیان بۆ ڕاپەڕینی ١٢ی ئادار ڕاکێشا و ڕایانگەیاند، یەکڕیزی گەلان وەڵامی سیاسەتەکانی دابەشبوون و چەوساندنەوەیە، سیستمی خۆبەڕیوەبەری گەلان لە سیاسەتەکانی قڕکردن و ستەم دەپارێزێت.

08:53

پێکهاتەکانی کورد، عەرەب، سریانی و ئەرمەنی حەسەکە جەختیان لەوە کردەوە کە کۆمەڵکوژی و کردەوەکانی دژ بە گەلی عەلەوی تاوانی دژ بە مرۆڤایەتییە و داوایان کرد بانگەوازی بەئاگابوونەوە بۆ هەموو گەلانی سووریا بکرێت و ئاستی خەبات دژی جیهادییەکان بەرز بکەنەوە.

07:30

لە لایەن هاوڕێ و بنەماڵەی شەهیدان، لە مەڕاسیمێکی شکۆمەندانەدا، چلەی شەهیدان هێڤا عەرەبۆ و دلاوەر عەرەبۆ بەڕێوەچوو، بەڵێنی درێژەدان بە خەباتی شەهیدان دوپاتکرایەوە.

14:47

بەبۆنەی ٨ی ئادار ڕۆژی جیهانی تێکۆشانی ژنان، ژنانی زۆربەی شارەکانی ئەمریکای لاتین چوونە شەقامەکان و دژی هێرشەکانی سەر شۆڕشی ژنان و کوردستان دەنگیان بەرزکردەوە.

14:25

ليژنەی باڵای ٣٧ەمین ساڵیادی كیمیابارانكردنی هەڵەبجە لە مەزاری شەهیدان لە پەیامێکی ٨ خاڵیدا بە سێ زمانی كوردی و عەرەبی و ئینگلیزی هۆشداری دایە سێ سەرۆکایەتییەکەی هەرێمی کوردستان.

13:18

ئەنجومەنی ژنانی پەیەدە داوای لێکۆڵینەوە لە کۆمەڵکوژییەکانی کەناراوەکانی سووریا دەکات و ڕایدەگەیەنێت، گفتوگۆی ئاشتی ڕێگریکردنە لە توندوتیژی و دووبەرەکی.

13:08

خوێنی سووری کاڵایەک نییە لە بازاڕی سیاسیدا بفرۆشرێت و ژنانی سورییش تەنیا ژمارەیەک نییە لە لیستی قوربانییەکان، بەڵکو بڵێسەیەکی نەکوژاوەیە کە ڕێگای دادپەروەری ڕووناک دەکاتەوە، هەرچەندە تاریکی ستەم و چەوساندنەوە درێژخایەن بێت.

12:37

تۆڕی مافەکانی مرۆڤی کوردستان بڵاویکردەوە، دوو ژنی چالاکوانی کوردی خەڵکی سنە لەلایەن هێزە ئەمنییەکانی ئێرانەوە دەستگیرکران.

12:13

نەسرین ڕۆشەن، هاوڵاتی ئێرانی-بەریتانی، دوای بێهۆشبوونی لە زیندانی ئێڤین، گەیەندرایە نەخۆشخانە.

11:13

ژنانی کانتۆنی جزیرە کە ئێشکگری بەنداوی تشرینیان دەکرد، لە ٨ی ئاداردا گوێیان لە پەیامی ڕێبەر عەبدوڵا ئۆجالان گرت و ڕایانگەیاند کە هەموو ژنێک هەرچەندە بچووک بێت، دەتوانێت خەبات بکات و ڕۆشنگەری بەدەستبهێنێت.

09:24

خالیدە بۆتی، وتەبێژی کۆنگرەی ستار لە حەسەکە داوای کرد کۆمەڵگەی سیاسی بە فەلسەفەی 'ژن، ژیان، ئازادی' خەباتی خۆی گەشە پێبدات و ڕایگەیاند، ژنان لە باکوور و ڕۆژهەڵاتی سووریا بەم فەلسەفەیە تابوەکانیان شکاندووە.

08:44

ژنانی پارێزەری شاری قامیشلۆ ئاماژەیان بەوە کرد کە ژنان لە شارەکانی لازقیە، حومس، تەرتوس، بانیاس و حەما دەکوژرێن و داوایان کرد ئەو کەسانەی کە ئەو تاوانانە ئەنجام دەدەن، وەک ئەوەی کۆمەڵکوژی دەکەن بدرێنە دادگا.

08:12

دەوڵەتی تورک هێرشی کردە سەر گوندی گەرراف لە سیرینی باشووری کۆبانێ، منداڵێک گیانی لەدەستداو دوو منداڵیش بریندار بوون.

07:59

ژنانی شەممە مۆرەکان داوای دامەزراندنی تۆڕی پشتیوانی بۆ ژنانی ئەفغانستان دەکەن و دەڵێن: کۆمەڵگەی نێودەوڵەتی هیچ هەنگاوێکی کرداری و کاریگەری دژی تاڵیبان نەناوە.

14:54

دەیان کەس لە دانیشتووانی شاری سوەیدا لە باشووری سووریا بۆ ناڕەزایەتی دەربڕین لەبەرامبەر کوشتنی خەڵکی مەدەنی عەلەوی خۆپیشاندانیان کرد و داوای جێبەجێکردنی پرەنسیپی لێپرسینەوە و بەدیهێنانی دادپەروەرییان کرد.

14:25

لە پارێزگای هەڵەبجە لە دەروازەی شار، لەلایەن بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان پەردەی لەسەر تابلۆی "ئارامی و بەختەوەری خێزان زامنی ئاسایشی کۆمەڵگەیە" لادرا.

13:53

شاناز ئیبراهیم ئەحمەد ڕایگەیاند، جلوبەرگە نەریتییەکانمان تەنیا پارچە قوماشێکی جوان نین، بەڵکو سیمبوولی ناسنامە و مێژوومانن، لە ڕۆژی نیشتمانی جلی کوردیدا، شانازی بەم جلوبەرگە جوانانەوە دەکەین.

13:44

کۆنگرە ستار ئەو پێشهات و کۆمەڵکوژییانەی لە کەناراوەکانی سووریا ڕوودەدەن شەرمەزار کرد و داوای پاراستنی خەڵکی مەدەنی کرد.