ئەنجومەنی ژنانی پەیەدە دژی هێرشەکان بانگەوازی کرد: بێدەنگ مەبن
ئەنجومەنی ژنانی پەیەدە تیشکی خستەسەر هێرشەکانی دەوڵەتی تورکیا بۆ سەر ناوچەکەو داوای لە هەموو ئەو کەسانە کرد کە دژی تاوانەکانی دەوڵەتی تورکیان بێدەنگ نەبن.
حەسەکە
ئەنجومەنی ژنانی پارتی یەکێتی دیموکراتیک "پەیەدە" سەبارەت بە هێرشەکانی دەوڵەتی تورکیا لە سەرانسەری ناوچەکانی باکوور و ڕۆژهەڵاتی سووریا بەیاننامەیەکی بڵاوکردەوە، ئەندامان و بەڕێوەبەرانی ئەنجومەنی ژنانی پارتی پەیەدە، ئەندامان و سەرکردەکانی کۆنگرەی ستار، دامودەزگا و ڕێکخراوەکانی ژنان ئامادەبوون.
بەیاننامەکە لەلایەن هەدیە ئەحمەد، ئەندامی ئەنجومەنی ژنانی پەیەدە لە ناوەندی پارتی یەکێتی دیموکراتیک لە گەڕەکی کەبابی حەسەکە خوێندرایەوە.
"هێرشەکە بە تایبەتی دژی ژنانە"
لە بەیاننامەکەدا هاتووە: هێرش بۆ سەر باکوور و ڕۆژهەڵاتی سووریا شتێکی نوێ نییە، درێژەپێدەری تاوانەکانی جەنگ و پلانی لەشکرکێشییە، خواستی گەلی ناوچەکە بۆ ئەوەیە بە ئازادی و سەلامەت و بە سیستمێکی دیموکراسی لە وڵاتەکەیاندا بژین، هەر بۆیە ئەم هێرشە بە تایبەتی بۆ سەر گەلی ناوچەکە ڕوودەدات، دەبینین هێرشەکە بە تایبەتی بۆ سەر ژنانە، دەوڵەتی داگیرکەری تورک دەیەوێت شۆڕش و دەستکەوتەکانی شۆڕش لەناوببات، بەڵام بەرخۆدانی ژنان و ڕێکخستنەکەیان بە بیری ڕێبەر ئۆجالان پلانی جینۆسایدیان پووچەڵ کردەوە، ئێمە بە یەکگرتوویی خۆمان و فەلسەفەی "ژن، ژیان، ئازادی" پلانەکانی جینۆساید و داگیرکاری دەشکێنین و ئازادی فیزیکی ڕێبەر ئاپۆ بەدەست دەهێنین.
کۆمەڵگەی نێودەوڵەتی بەرپرسیارە لەو هێرشە نامرۆڤانە و ئەخلاقی و یاساییانە، داوا لە خەڵکی ئازادیخواز دەکەین لە بەرامبەر ئەو تاوانانەی دەوڵەتی تورک ئەنجامی دەدات بێدەنگ نەبن.
بەیاننامەکە بە دروشمی "ژن، ژیان، ئازادی" کۆتایی هات.