پەدەكە رێگری لە مامۆستایان و فەرمانبەران دەكات بۆ چوونە ناو هەولێر
هێزە ئەمنییەكانی پەدەكە لە بازگەی سماقوڵی رێگرییان لە مامۆستایان و فەرمانبەران كرد، كە بچنە ناو شاری هەولێرەوە بە مەبەستی ئەنجامدانی خۆپیشاندان بۆ داواكردنی مافەكانیان.
ناوەندی هەواڵ
بەیانی ئەمڕۆ ٩ی شوبات، مامۆستایان لە شاری سلێمانی و شارو شارۆچکە جیاوازەکانەوە بەرەو شاری هەولێر کەوتنەڕێ تا داوای مافەکانیان بکەن.
كەمێك پێش ئێستا هێزە ئەمنییەكانی پەدەكە لە بازگەی سماقوڵی رێگرییان لە مامۆستایان و فەرمانبەران كرد، كە بچنە ناو شاری هەولێرەوە.
هاوكات، لە ئێستادا هەوڵەكانی مامۆستایان و فەرمانبەران لە بازگەی سماقوڵی بۆ چوونە ناو شاری هەولێر بەردەوامە.
هەروەها، بەشێک لە مامۆستا و فەرمانبەرانى شار و شارۆچکەکانى دیکە گەیشتوونەتە دێگەڵە و چاوەڕوانى گەیشتنى خۆپیشاندەرانى سلێمانى-ن بۆ ئەوەى پێکەوە بەرەو بازگەى دێگەڵە بەڕێبکەون.