لە لێکۆڵینەوەی گوڵستان دۆکودا ١٠ گومانلێکراو دەستگیرکران
ئاکین گۆرلەک، وەزیری داد، ڕایگەیاند، کە لە چوارچێوەی لێکۆڵینەوەی ونبوونی گوڵستان دۆکودا ١٠ گومانلێکراو دەستگیرکراون و ئەنجامی نوێی گرنگ وەکو تۆمارە نوێیەکان، ڤیدیۆی کامێراکان و گومانی "دروستکردنی بەڵگە" گەیشتوونەتە دەست دەسەڵاتداران.
ناوەندی هەواڵ
لە چوارچێوەی لێکۆڵینەوەی گوڵستان دۆکودا ١٠ گومانلێکراو دەستگیرکراون و ڕاگەیاندراوە کە لە چوارچێوەی لێکۆڵینەوەکەدا ئەنجامی نوێش بەدەستهاتوون.
ئاکین گۆرلەک، وەزیری داد، ڕایگەیاند کە پێنجەمین شەپۆڵی ئۆپەراسیۆنەکان لە لێکۆڵینەوەی ونبوونی گوڵستان دۆکودا لە دێرسم ئەنجامدراوە و ١٠ گومانلێکراو دەستگیرکراون، هەروەها لە لێکۆڵینەوەکەدا دۆزراوەی گرنگی پەیوەندیدار بە کامێراکانی چاودێری و تۆمارە پەیوەندیدارە نوێیەکان، گەیشتنی گومانلێکراو و چالاکییەکانی سەر هەژماری ئینستاگرامی گوڵستان دۆکو و گەڕانەکانی ژێر ئاو دەرکەوتوون.
دەرکەوت کە ئەو نووسراوانەی لە دەفتەری ونبووەکاندا، کە دەوترێت لە دەسەڵاتی دادوەری شاراوەتەوە،
لەگەڵ تۆمارە فەرمییەکانی گەڕان نەگونجاوە و ئەنجامی لێکۆڵینەوەکە ئاماژەی بەوەشکرد، کە ڕەنگە دواتر هەندێک لە کەلوپەلی تایبەتی گوڵستان دۆکو لە ژێر ئاودا دانرابێت بۆ دروستکردنی وێنەیەک کە پشتگیری لە ئەگەری خۆکوشتنی بکات.