لە سوەیدا ٢٠ تەرم دۆزرانەوەو چواریان ژنن
تەرمی ٢٠ کەس لە گوندەکانی باکوور و ڕۆژئاوای شاری سوەیدای سووریا دۆزرانەوە، ڕاگەیەندرا کە تەرمەکان نیشانەی ئەشکەنجەدانیان لەسەر بووە و هەندێکیشیان ئەندامەکانی جەستەیان پارچە پارچە کراون.
ناوەندی هەواڵ
مانگی سووری سووریا ڕایگەیاند، تەرمی ٢٠ کەسیان لە گوندەکانی باکوور و ڕۆژئاوای سوەیدا دۆزیوەتەوە. دەوترێت چوار لەو تەرمانە ژن بوون.
تەرمەکان ئەشکەنجە دراون
تیمەکانی مانگی سووری سووریا تەرمەکانیان لە گوندەکانی لاهیس، ئەلماتونا و ڤۆڵگا دۆزیەوە.
سەرچاوەکان باسیان لەوە کردووە کە تەرمەکان پارچە پارچە کراون و هەندێکیشیان سووتێندراون، هەروەها باس لەوەکرا کە بەشێک لە دانیشتووانی ئەو شارە بە جلوبەرگەکانیاندا کەسوکاریان ناسیوەتەوە.