خوشکانی پاکرەوان : یەکڕیزیی پارتە کوردییەکان لە کوردستان نابێت ئامانجێکی دواخراو بێت
خوشکانی ئەو پاکڕەوانەی بۆ ڕزگارکردنی خاک و کەرامەتیان لە دەستی جەبهەت نوسرە و داعش، کە لە خاکی ڕۆژئاوای کوردستان گیانییان بەخت کرد، داوای یەکڕیزیی لایەنە کوردییەکان دەکەن و دەڵێن: یەکڕیزی کورد ناتوانێت هەنگاوێکی دواخراو بێت.
سۆرگوڵ شێخۆ
تل تەمر- لە سەردەمێکدا کە گەلی کورد لە سەرتاسەری کوردستان ڕووبەڕووی سیاسەتی جینۆساید بووەتەوە، دەستکەوتەکانی هەر چوارلا لە مەترسیدان، بەڵام لە لایەکی دیکەوە پڕۆسەی یەکگرتن لە ئارادایە، هەوڵ هەیە بۆ ئەوەی کورد لە سەدەی ٢١دا بێ ستاتۆ نەمێنێتەوە، بەڵام بەس نین.
خوشکانی پاکڕەوانی کورد کە لە شۆڕشی ڕۆژئاوای کوردستاندا گیانیان لە پێناو نیشتمانەکەیاندا بەخت کرد، بۆچوونی خۆیان سەبارەت بە پێویستی یەکگرتوویی پارت و ڕێکخراوە کوردییەکان و یەکگرتوویی کورد دەربڕی.
مەها ساڵح، خوشکی ئیبراهیم، یەکێکە لە یەکەم شەڕڤانەکانی شەڕی دژی چەتەکانی جەبهەت نوسرە لە شاری تل تەمر، شەڕی کرد و شەهیدبوونی بەدەستهێنا.
"کوردستانێکی ئازاد بێ شەڕ و خوێن"
مەها ساڵح باسی لەوەشکرد، لە پێناو ڕزگاری لە ستەم و بەدیهێنانی ژیانێکی شکۆمەندانە و زمانی کوردی، گیانیان بەخت کرد و وتی: ئامانجمان لە خەباتی ساڵانێکە کوردستانێکی ئازاد و بێ خوێنە، چونکە لەناو کوردستانی ئێمەدا گەلەکەمان ڕوونەڕووی کۆمەڵکوژ گەورە کرا، بەڵام گەلەکەمان بە درێژایی مێژوو هەمیشە لەسەر پێی خۆی بووە و لە یاخیبوونەکاندا بووە، تەنها بۆ ئەوەی پێگەیەکی هەبێت، لە پێناو ژیانێکی ئازاددا شەهیدێکی زۆرمان کردە قوربانی، بۆ ئەوەی بتوانین پێگە و مافەکانمان بەدەست بهێنین، بەڵام بەداخەوە ژیانی ئازادمان کە بە ساڵانێک ماندووبوون بونیاد ناوە، ئێستا ڕووبەڕووی هێرش بووەتەوە.
”بانگەواز بۆ خوشک و دایک و هاوژینی شەهیدان لە کوردستان”
مەها ساڵح داوای لە خوشک و دایکانی شەھیدان لە ھەموو کوردستان کرد و وتی: با بە کوردستانێکی ئازاد بێ خوێن و شەڕەوە دەستی یەکتر بگرین و خەونی شەھیدانمان بەدی بهێنین، بۆ ئەوەش یەکڕیزی گەل و لایەنەکانی کوردستان لە ھەموو کات زیاتر پێویستە.
تەرفا سەیدۆ، کە خوشکی ٣ برای شەهیدە، زیاتر لە ٣٠ ژن و پیاوی شەڕڤان لە خێزانەکەیان لە ڕۆژئاوای کوردستان و ناوچەکانی پاراستنی میدیا هەیە، کە بۆ دۆزی ئازادی و ڕزگاری کوردستان گەیشتوونەتە ئاستی شەهیدبوون، هەروەها زیندانیەکانیان لە زیندانەکانی چەتەکانی هەتەشە هەن.
”لە کوردستان هەمیشە خوێن وەک باران دەڕژێت”
تەرفا سەیدۆ وتی: ئەوەی بەسەر خاکی کوردستانی دابەشکراودا دەڕژێت، باران نییە، بەڵکو خوێنی برایان و شەڕڤانانیانە، پێویستییەکانی ئەو سەردەمەی خستەڕوو، ئەگەر یەکڕیزیی خۆمان دامەزراندبایە، ڕووبەڕووی هێرشی نامرۆڤانە نەدەبووینەوە، لە پێناسەکردنی شەهیداندا کەمدەبینەوە، چونکە هەریەک لە شەهیدەکانمان لەبەردەم وڵاتێکدایە، هەرچەندە کاربکەین بۆ گەیشتن بە ئامانجەکانیان، هێشتا کەمە، ئەگەر یەکڕیزیمان هەبوایە، زۆر لەمەوبەر وڵاتێکی ئازادمان هەبوو، بەڵام تا ئێستا یەکگرتوو نەبووین.
”ڕەخنەگرتن لە سیاسەتەکانی دابەشکردنی کوردستان و پێویستی ماڵێکی کوردی”
تێرفا سەیدۆ ڕەخنەی لە سیاسەتەکانی دابەشکردنی کوردستان گرت و وتی: خاکی کورد دابەش دەکرێت بەبێ ئەوەی دان بە بوونی کورد و زمانی کوردیدا بنێن و ئێمەی کورد مافی خۆمانە لە کوردستانی خۆماندا بین، چیتر دابەشبوونی کورد و دابەشبوونی ناوخۆ قبوڵ ناکەین، با هەر چوار پارچەی کوردستان بێن و یەکڕیزیمان دروست بکەن.
”بانگەواز بۆ لایەنە سیاسییە کوردییەکان لە کوردستان”
تەرفا سەیدۆ داوای کرد لایەنە کوردییەکان لە هەموو پارچەکانی کوردستان دابنرێن، با کار بۆ یەکڕیزیمان بکەین، بەبێ ئەوەی دوژمنایەتی یەکتر بکەین، دەبێت بتوانین لە یەک هەڵوێستدا پێکەوە دژی دوژمنانمان بجەنگین، ئەگەر بە یەکگرتوویی خۆمان نەگەین، شەهیدەکانمان لێمان خۆش نابن، نابێت لە هەوڵەکانی یەکڕیزی لە هەموو پارچەکانی کوردستان خۆش بین، کە کەمتر دەکرێت، نابێ یەکڕیزیی پارتەکان و کورد بەتەواوی دوابخرێت.