ناوەندی هەواڵ

 

بەڕێوەبەرایەتی پۆلیسی راپەڕین رایگەیاند، لە شارۆچکەی قەڵادزێ و لەسەر سکاڵای ژنێک تۆمەتبارێکیان دەستگیرکردووە کە هەڕەشەی بڵاوکردنەوەی وێنە و ڤیدیۆی لە ژنەکە کردووە.

 

ئاماژە بەوەشکراوە، تۆمەتبار دوای لێکۆڵینەوە لەگەڵیدا دانی بە تاوانەکەیدا ناوە و بەوتەی خۆی لەبەرامبەر وەرگرتنی بڕێک پارە هەڕەشەی لەو ژنە کردوە ئەگەر پارەکەی پێنەدات ئەوا وێنە و ڤیدیۆکانی بڵاو دەکاتەوە.

 

پۆلیسی ڕاپەرین ئەوەشیخستووەتەڕوو، لە ئێستا دا تۆمەتبار بە بڕیاری دادوەر و بە ماددەی ٢ له یاسایی خراپ بەکارهێنانی ئامێرەکانی پەیوەندیکردن ڕاگیرکراوە.

 

ئەوە لە کاتێکدایە تۆمەتبار بە هەمان ماددە پێشینەی هەیە لە بنکەی پۆلیسی ڕاپەڕین لە شاری سلێمانی.