rojane

14:25

Bi nêzbûna 25’ê Mijdarê qetilkirina jina ciwan Farkhunda Şihabî ya 17 salî ya Efgan, bû sedema bertekên aktîvîstan. Aktîvîstan, diyar kirin ku ev bûyer delîlek din a tundiya bi pergalî ya li dijî jinan a di bin desthilata Talîbanê de ye.

13:39

Rapora nû ya Fona Zarokan a Neteweyên Yekbûyî ragihand ku li seranserî cîhanê 412 milyon zarok di xizaniyek darayî ya dijwar de dijîn û 417 milyon zarok jî herî kêm ji du xizmetên bingehîn bêpar in.

13:24

Êrîşên çeteyan li taxên Hums û derdorê wê, di nava gel de rê li ber tirs û xofê vekiriye. NY diyar kir ku zêdebûna tundiyê li dijî sivîlan, bi awayek cidî gefê li ewlehiya bajar dixwe.

13:17

Li gor rapora Komîsyona Jinan a ÎHD'a Amedê li Bakurê Kurdistanê 37 jin hatine kuştin, 5 jin jî dawî li jiyana xwe anîne û 46 jin jî bi awayekî guman jiyana xwe ji dest dane û di salekê de bi giştî 88 jinan jiyana xwe ji dest daye.

12:59

Li Hesekê di bin dirûşmeya “Em bi hev re li dijî tundiyê civakek demokratîk û komunal ava bikin” de mêran bang li hemû mêran kirin ku li hember tundiya li ser jinan, serî rakin.

12:52

Hevgirtina NADA bi boneya 25’ê Mijdarê daxuyanî da û diyar kir ku di koka tundiya dijî jinê de aqlê mêr ê serdest heye û banga pergalek alternatîf a xwe dispêre azadî û tifaqa jinan a sînoran derbas dike kir.

12:19

Di bin dirûşmeya "Berxwedana jinên koçber garantiya têkbirina tundûtûjî û dagirkeriyê ye” Nivîsgeha Jinan a Desteya Karûbarên Penaber û Koçberan a Kantona Cezîrê komxebatek diyalogî li dar xist.

11:54

Dînamîka Danaza Rabat, diyar kir ku li Mexrîbê li dijî parêzvanên mafê mirovan, jin û rojnamevanan, ji bo bêdengkirina dengên rexnegir û lewazkirina beşdariya demokratîk, kampanyayên reşkirina sîstematîk a dijîtal tên meşandin.

11:50

Derûnnasa Efganî û aktivîsta mafên jinan Yelda Ehmed, jinên ku di bin zexta Talîbanê de her roj têdikoşin bi bîr xist û da zanîn ku 25’ê Mijdarê, roja piştevanî û bi têkoşîna hevpar a li dijî tundiyê ye.

10:19

Endamên Komîsyona Piştevaniya Neteweyî, Xwişk-Biratî û Demokrasiyê dê îro bi Abdullah Ocalan re hevdîtinê bike.

08:52

Bi armamca avakirina civakek hevgirtî û komunalî, di çarçoveya rêzeçalakiyên kampanyaya 25’ê Mijdarê Roja Têkoşîna li dijî Tundiya li ser Jinan de, Kongra Star a bajarê Hesekê dewreya perwerdeya 3 rojan a ji bo 32 mêran da destpêkirin.

08:48

Gaziyên Jin ên Bakur û Rojhilatê Sûriyeyê têkildarî 25’ê Mijdarê daxuyaniyek parve kir û got: “Divê bi dirûşma, heta jin azad nebe, civak jî azad nebe, têkoşînê bênavber bidomînin. Em hemû rojên xwe bikin rojên têkoşîn û berxwedanê.”

07:58

Jinên ji Silêmanî gotin ku jin bi xwerêxistinkirinê dikarin pêşî li tundiya ku bi gelek awayan li ser wan didome bigrin û divê li dijî feraseta serdestiya mêr di nava malê de û li her derê sekna xwe nîşan bidin.

07:48

Biryara NY’yê ya ji bo wesayeta li Xezayê, merheleyek nû ya tevlîhev, parçebûnên erdnîgarî û siyasî ku encamên wê yên civakî-aborî hene bi xwe re tîne. Ev yek jî nîşan dide ku dê Filistîn perçe bibe û rewşeke dijberî hiqûqa navneteweyî çêbibe.

07:31

Jinên bajarê Qamişlo yê derbarê tundiya ku li ser jinan tê meşandin axivîn û dan zanîn ku rûxmê vê tundiyê jinan di gelek waran de xwe îsbat kirin û bûn xwedî biryar.

21:52

Li Parîsê bi tevlibûna dehzezaran jinan di çarçoveya 25’ê Mijdarê de meş pêk hat.

19:53

Nivîsgeha Jinan a Meclisa Sûriyeya Demokratîk (MSD) li Reqayê panelek li dar xist. Beşdaran bal kişand li ser rola jinan di qonaxa veguhêz û biryardanê de, her wiha hemû cureyên tundiya li dijî jinan şermezar kirin.

14:56

Civaknasa Îtalî Donatella della Porta bi gotinên; “Tenê bi çanda aştî û diyalogê dikare şertên rê li ber dinyayek din veke ava bibe. Tevgera siyasî ya Kurd di vî alî de gavên girîng avêtin” ragihand ku destekê dide pêvajoyê.

14:23

Hate zanîn ku xwendekara zanîngehê Mizgîn Ertekîn, bi awayekî guman ji qata 4’an a wargeha lê dima kete xwarê û jiyana xwe ji dest da.

14:14

Di êrîşa li ser Dibistana Navçeyî ya Saint Mary li Papiriyê de 303 xwendekarên jin û 12 mamoste hatin revandin.