rojane

11:11

Komek çekdar êrîşî gundek li Nîjeryayê kir. Di êrîşê de 8 jê zarok, herî kêm 30 kes hatin qetilkirin. Heta niha kesî berpirsyariya êrîşê negirtiye ser xwe.

09:08

Jinên Tûnisê ji meşên destpêkê yên li kolanan ên ji bo mafê tevgerê heya qanûnên parastinê yên serdema nû, bi têkoşîneke rêxistinkirî rûpelên dîrokê nivîsandin. Wan nîşanî her kesî dan ku maf nayên dayîn, bi xwêdan û îradeyê tên stendin.

08:23

Dayîka Hewşan Mustefa yek ji stûn û hafîzeyên civaka resen a Kobanê ye. Hewşan dibêje ku ji serdema dayîk û dapîrên xwe ve bajarê wan bi navê Kobanê tê nasîn ku bi temamî warê Kurdan e.

08:00

Dayê Gewrê Emîr di Fermana Şengalê de kurê xwe, birayê xwe û dayîka xwe winda kiriye. Niha nizane ka ew sax in an mirî ne û daxwaza “Ger sax bin bila wan bighînin me, ger mirî bin bila hestiyên me bidin me”dike.

21:05

Hêzên îstîxbarata Îranê li ser rêya Merîwan-Banê êrîşî ser wesayîta wênekêş û çalakvan Mehdî Tewakkolî kirin. Di êrîşê de Tewakkolî ligel dayik û xwişka xwe jiyana xwe ji dest dan.

18:40

18 saziyên jinan ên Sûriyeyê, nameyeke hevbeş ku tê de behsa rewşa jinan, rewşa aborî, edalet û şert û mercên li welat tê kirin, pêşkêşî Sekreterê Giştî yê Neteweyên Yekbûyî (NY) kirin.

18:28

Li gorî daneyên fermî yên Brezîlyayê, di 6 mehên ewil ên sala 2026’an de 741 jin ji aliyê mêran ve hatine qetilkirin.

18:12

Li Komara Demokratîk a Kongoyê, hejmara kesên ku ji ber şewba Ebolayê jiyana xwe ji dest didin zêdetir dibe. Rêjeya mirinê derket ji sedî 43.9ê û rayedar ji ber bûyerên nehatine tespîtkirin û astengiyên li pêşiya kontrolkirina şewbê, bi fikar in.

15:58

Şerê di navbera artêşa Sûdanê û Hêzên Piştgiriya Lezgîn (RSF) de ku ji Nîsana 2023'an ve dewam dike, berê xwe da herêmên Kordofan û Darfûrê.

15:24

Di semînera ku ji aliyê TAJÊ ve hat lidarxistin de daxwaza azadkirina dîlgirtiyên Êzidî hat kirin û wiha hat gotin: “Ji bo ku ev dîlgirtî vegerin ser axa xwe, kes nabe alîkar. Ne hikûmet dibe alîkar, ne hêzên navnetewî.”

14:31

Parlamentera DEM Partiyê Gulistan Kiliç Koçyîgît diyar kir ku ew di merheleyeke dîrokî ya Pêvajoya Aştî û Civaka Demokratîk de ne û got: "Qanûna çarçoveyî ne encamek e, berevajî vê gava ewil a destpêkek nû ye."

13:16

Di çarçoveya lêpirsîna windabûn û kuştina Gulîstan Doku ya li Dêrsimê di sala 2020’an de, li 15 parêzgehan operasyonek berfireh hat lidarxistin û ji bo 19 gumanbaran fermana girtinê hat dayîn.

11:17

Li gorî SOHR’ê, ji destpêka salê ve li Sûriyeyê ji ber bermahiyên şer û mayînan 553 kes jiyana xwe ji destdane. Saziyê bal kişand ser wê yekê ku herî zêde zarok, cotkar û şivan zirarê dibînin û bang li rêxistinên navneteweyî kir ku qadan paqij bikin.

11:03

Li wargeha penaberan a Mexmûrê duh di bin pêşengiya Weqfa Jin û Meclîsa Jinên Ciwan û her wiha bi tevlîbûna sazî û şêniyên wargehê, komxebata sernavê ‘Li dijî zewaca di temenê biçûk de’ hate lidarxistin.

10:35

Tevgera Fanos a Azadiya Jinên Efgan bi bîr xist ku 15’ê Tebaxê di dîroka Efganistanê de destpêka demek dijwar e û diyar kir ku ji bo destekkirina jinên Efgan, pêwîstî bi hevgirtin, hişyarî û çalakiya kolektîf heye.

10:10

Jinên li Başûrê Kurdistanê, diyar kirin ku ev demeke dirêj e ne dikarin ceyran, ne av û ne jî gazê peyda bikin û banga çareseriyê li rayedaran kirin.

08:16

Rêvebera Hêzên Ewlekariya Hundirîn-Jin Sîdar Masûm serpêhatiya xwe ya di Şoreşa Rojava û têkoşîna li dijî DAIŞ’ê de vedibêje, balê dikişîne ser parastina mafên jinan û dibêje divê jin di pêvajoya nû ya Sûriyeyê de xwedî biryar bin.

08:00

Kurê Dayê Leylê cara yekem gavê xwe davêje wê malê û tiştên ku dibîne wî matmayî dike. Dema bi dayîka xwe re vedigere, serpêhatiya wê ya zindana jinan, bi pêlîstokên bêdeng û sîngerên xewnê yên bi xwînê sor bûyî tên ber çavan.

19:47

Tîma Neteweyî ya Voleybolê ya Jinan a Tûnisê (U18), di Şampiyoniya Efrîkayê de performansa xwe ya serkeftî berdewam kir û tîma Mexribê bi skora net a 3-0 têk bir.

17:59

Di panela ku li Suweydayê bi beşdariya parêzer û çalakvanan pêk hat de, xetereyên zewicandina zarokan, valahiyên qanûnî û bandorên şert û mercên herêmê yên li ser civakê hatin nirxandin.