rojane

11:14

Ji ber ku Serokê Tahrîr El Şam (HTŞ) Colanî ji aliyê komên ku di nav de çeteyên çekdar jî hene ve wek ‘Serokdewlet’ hat bijartin, jinên Suweydayî daketin meydanê. Jinan Colanî protesto kir û gotin ku ev biryar vîna rastîn a gelê Sûriyê nîşan nade.

10:23

Artêşa Îsraîlê, li Lubnanê dagirkerî û binpêkirina agirbestê didomîne. Ji 8’ê Cotmeha 2023’yan ve heta niha, di êrîşên Îsraîlê de, 38 nexweşxane bûn hedef, 201 xebatkarên tendirustiyê bi êrîşan jiyana xwe ji dest dan.

08:16

Dapîr û dayikên temen mezin yên ji Cizîrê û Efrîna dagirkirî berê xwe dabûn Bendava Tişrînê gotin ku tevî nexweşiyên wan bi gopalên xwe berê xwe dane Bendava Tişrînê û gotin ew dildar û dilxwazên aşîtiyê ne.

06:20

Li Mexribê ji Îlona par heta niha 25 hezar kes bi nexweşiya Sorikê ketine, 120 kes ji ber vê nexweşînê mirine. Tê diyarkirin ku sedema belavbûna nexweşînê, astengkirina derzîlêdanê ye.

05:50

Li Şaredariya Sêrtê ku qeyûm hat tayînkirin, gelek xebat û proje di nîvî de man. Endamên Meclîsa Şaredariyê diyar kirin ku di nava zehmetiyan de 10 mehan ji gel re xizmet kirine û gotin: "Qeyûm ne ji bo xizmetê, dîsa ji bo rant û talankirinê hatiye."

05:30

Berdevka Mala Jin Rîma Mehmûd diyar kir ku li Iraqê guherîna di “Zagona Rewşa Kesane” de hatiye kirin dê bandorê li ser welatên Ereb bike û got: “Ev sedsal ne ya desthilatdariyên ku zagonên şerîetê li ser jinan ferz dikin, dê ya jinên berxwedêr be.”

05:00

Wetha Wankê ya ji bajarê Qamişlo ku ji bo parastina av, ax û enerjiya xwe berê xwe dabû Bendava Tişrînê, behsa berxwedana gel a li Bendava Tişrînê kir û got “Bi êrîşan nikarin gelê Kurd têk bibin.”

18:45

7 rojnameger û 2 siyasetmedarên ku ji 21’ê Kanûnê de girtîne bi tensîpê hatin tahliyekirin.

16:25

Rêxistina Şopandina Mafên Mirovan (HRW), ragihand ku êrîşên Tirkiye-SMO’yê yên li Bakur û Rojhilatê Sûriyeyê sûcên şer pêk tîne.

15:26

Endezyarên jin ên di qada çandiniyê de li Iraqê ku beşdarî foruma jinan bûn gotin: "Hikumet tu derfetê nade endezyarên jin ev jî dibe astengî li pêşiya xebata wan bi taybetî endezyarên astengdar.”

15:19

Rêxistinên jinan, bi daxuyaniyeke hevpar, dayîna derfetê ji bo kujerên sekretera giştî ya Partiya Sûriyeya Pêşerojê Hevrîn Xelef şermezar kirin û gotin: “Di Sûriyeya nû de cihê kujerên Hevrîn Xelefê tune ye.”

14:15

SOHR’ê da zanîn ku li herêmên di bin kontrola HTŞ’a cîhadîst de, ji destpêka salê ve di encama êrîşên ‘kiryar nediyar’ de 41 kes mirine, gelek kes jî birîndar bûne.

13:30

Konseya Herêmî ya Lombariya ya li Îtalyayê, ji Sefîrê Îranê re name nivîsand û bang kir ku cezayê darvekirinê yê li Pexşan Ezîzî hatiye birîn betal bike û dawî li mehkûmiyeta bêmaf bîne.

13:05

Kongra Star beşdarbûna kujerên Hevrîn Xelef di kongreya li Şamê de bi tundî şermezar kir û diyar kir “Em sîstemeke ku serçete pêşengiya wê dikin, qebûl nakin. Divê radestî dadgehên navneteweyî bên kirin.”

13:05

Kombûna Jinan a Zenûbiya rawakirina kujerên jinan şermezar kir, banga hesabpirînê kir û got: “Heya sûcdar neyên darizandin em ê nesekinin.”

12:21

Çalakvanên jin ên Yemenê li ser astengkirina biryara berdana rojnamevan Sehar El Xolanî ya ji aliyê Hûsiyan ve tê girtin, gotin: "Em daxwaza serbestkirina Sehar û malbata wê ji zîndanê dikin. Divê rayedar erka xwe bi cih bînin.”

11:37

Jinên ciwan ên Xezayê bi însiyatîfên xwe hewl didin destek bidin koçberên ku vedigerin malên xwe. Jin dibêjin: "Bi hemleya 'Em piştgirî ne' em piştevanî û destek didin gelê xwe. Ev erkek exlaqî û mirovî ye dikeve ser milên me."

10:52

Jinên ku beşdarî 3’yemîn Mîhrîcana Pirtûkan a Afrîkayê bûn balkişandin ser rêjeya beşdariya jinan a siyasetê û gotin ku ev hê jî kêm e ji ber feraseta mêr hê jî di pêvajoyan de serdest e. Jinan gotin “Her ku tavanên cam dişkên hêviyên jinan zêdetir dibin.

09:06

Tevgera Azadiya Jinên Êzidî bi nameyek piştevanî û beşdariya xwe ya ji bo Hevpeymana 188 diyar kir û ji da zanîn ku ji bo biserxistina vê peymanê çi bê xwestin ew ê bikin.

08:36

Girtiya Siyasî Nêrgiz Mihemedî ragihand ku şerkirina li dijî cezayê darvekirinê mijareke exlaqî, siyasî û mafê mirov e.