rojane

15:11

Qeyûmê Wanê projeya “Pirtûkxaneya Jinan” betal kir. Nelîhan Şedal bertek nîşanî vê yekê da û bi gotina “Bi qedexekirina difikirin ku gav bi me şûnde bidin avêtin” peyama berdewamiya têkoşînê da.

14:00

Platforma Çalakiyên Hevbeş a Rêxistin û Tevgerên Jinan bi dirûşma “Piştevaniya jinên Sûriyeyî bingeha rawestandina komkujiyên li dijî jinên li peravê ye” pêngavek da destpêkirin.

13:09

Komeleya Rojnamevanan a Dîcle Firatê (DFG) û Komeleya Rojnamevanên Jin a Mezopotamyayê (MKG), nerazîbûn nîşanî binçavkirina rojnamevan ên li Stenbol û Îzmîrê dan û banga demildest berdana wan kirin.

13:03

Li Îran û Rojhilatê Kurdistanê ku tundî û qetlîamên jinan lê zêde bûye, di mehekê de 15 jin û 1 zarok ji aliyê mêran ve hatin qetilkirin, 2 jin û 2 zarok bi awayek guman jiyana xwe ji dest da, 3 jin jî hatin darvekirin.

11:57

Pirtûka “Çîrokên Jinên di Zindanan de” ku ji 11 çîrokên 10 jinên di girtîgehan de pêk tê, derket.

10:47

Jinên ku beşdarî pîrozbahiya cejna Newrozê ya li Lubnanê bûne diyar kirin ku ev Newroz bi banga Rêberê Gelê Kurd Abdullah Ocalan re cudatir bû û banga wî ya ji bo jinan hêza têkoşînê ya jinan xurtir kiriye.

10:38

Cejna Newroza 2725’an a Kurdî ya îsal ji salên din cûdatir, ji aliyê jinan ve bi banga dîrokî ya Rêberê Gelê Kurd Abdullah Ocalan re bi coştir hat pîrozkirin. Jinên beşdarî Newrozê bûn peyama jiyana bi hev re û aştiyê dan.

10:34

Ji endamên Komîteya Piştevaniya Belucê ku li Pakistanê di çalakiya li dijî windakirinên bi darê zorê de hatibûn binçavkirin, tu agahî nayên girtin.

09:57

Şandeya aktîvîstên jin ên enternasyonal serdana Federasyona Gaziyên Şer ên Bakur û Rojhilatê Sûriyeyê kirin û di hevdîtinên xwe de bal kişandin ser girîngiya yekîtî û hevgirtina jinan a navnetewî.

09:55

Gelê Kurd cejna Newrozê di 21'ê Adara her sal pîroz dike. Ev roj li gor wan roja azadî û rizgarkirina ji desthiladarî û zilmê ye.

09:48

Cîgira Hevserokên Partiya Sûriyeya Pêşerojê Zelal Ceger da zanîn ku pergala hevserokatiyê ji bo pêkanîna wekhevî û mafên jinan e û yek ji destkeftiyên herî mezin ên Şoreşa Jinan a Bakur û Rojhilatê Sûriyeyê ye.

09:30

Mamosteyên jin ên Tûnisî bal kişandin ser rewşa zarokên keç ên gundên parêzgeha El-Qasrîn di warê xwendinê de û gotin: "Faktorên aborî, xizanî û adetên civakê yên paşverû dibin bend li hember hînbûna zarokên keç li gundan."

08:45

Îsal jî ji çar aliyên Kurdistanê û welatên derve ji bo pîrozkirina Newrozê bi hezaran kesan berê xwe dan Qendîlê. Jinên beşdarî pîrozbahiyê bûn, anîn ziman ku îsal bi peyama Rêberê Gelê Kurd Abdullah Ocalan qad bi coş bûye.

07:45

Siyasetzan Sezen Çîlengîr got ku dengê ji çar aliyên Tirkiyeyê bilind dibe, tenê bi binçavkirina Ekrem Îmamoglu nekarî bê binavkirin û destnîşan kir ku divê ev pêvajo li gorî daxwazên civakî were birêxistinkirin.

07:43

Di pîrozbahiya Newroza îsal a li Hesekê de, gelên din jî li kêleka gelê Kurd beşdar bûn û peyama yekîtiyê dan cîhanê.

07:42

Jinên ku beşdarî 1’emîn Konferansa Jinên Kurd a Rojava bûne, balkişandin ser girîngiya yekbûna jinan û gotin ku ji bo li Sûriyeyê destkeftiyek mayinde ya jinan hebe pêdivî ji her demê zêdetir bi yekîtiya tevahî jinên Sûriyeyê heye.

15:47

Girtiya siyasî Meryem Yehyiwî da zanîn ku Pexşan Ezîzî û jinên din ên Kurd, ji ber Kurdbûna xwe rastî cudakariyê tên got: “Em ê têkoşîna xwe bidomînin û ji bo betalkirina cezayê darvekirinê bixebitin.”

14:56

Bi beşdarbûna 300 delegeyan 1’emîn Konferansa Jinên Kurd li Rojava hat lidarxistin. Konferansa jinan bi biryaran bi dawî bû.

14:13

Di êrîşên Îsraî li dijî Zîvala Xezayê de di 24 saetê dawî de harî kêm 32 kesan jiyana xwe ji dest dan.

13:39

Konferansa Yekemîn ya Jinên Kurd li Rojava di bin diruşmeya “Bi pêşengiya jinên Kurd yekîtiya netewî ya Kurd misoger dibe” tê lidarxistin, bi nirxandina 11 prensîban dewam dike.