rojane

06:00

Jinên Amedê têkildarî êrîşên li ser Bakur û Rojhilatê Sûriyeyê ji bo yekitiya neteweyî bang kirin, gotin ku tenê gotin têr nakin divê desthilatdarî ji bo aştiyê ji gotinan zêdetir di nava pratîkê de be.

05:30

Jinên ji bajarê Kobanê, diyar kirin gelê ku ji bo parastina ax, kehrebe û bendava xwe diçe nobetê rojane rastî êrişên dewleta Tirk tên û gotin: “Em ê heta dawiyê li ser axa xwe bin û bendava xwe biparêzin.”

05:00

Hena Xidir a ji Mergedaya Hesekê nêzî 30 sal in li gundê Zêdiyê bi 6 xwişk û birayên xwe re cotkariyê dike, dibêje ku ji bo hewceyî mêran nebe ew bi xwe dixebitin û di kêliyên westandinê de ji hev re palpiştiyê dikin.

17:00

Balafireke bêmirov a dewleta Tirk li bajarê Kobanê malek bombebaran kir. Di bombebaranê de ji heman malbatê du kes jiyana xwe ji dest dan.

15:07

Girtiya siyasî ya Kurd Zeyneb Celaliyan di peyama xwe ya dijî erêkirina cezayê darvekirinê ya Pexşan Ezîzî û Werîşe Muradî de got “Siya xerab a cezayê darvekirinê, xwe avêtiye ser bajar û welatê me” û bang kir.

14:51

Parlamentera DEM Partiyê Bêrîtan Guneş di daxuyaniya li dijî tayînkirina qeyûm de axivî û got: “Em tu caran serî natewînin. Em ê li dijî zilmê li ber xwe bidin.”

14:30

Jinên Kobanê yên ku nobeta Bendava Tişrînê ya di roja 22’an de dewrî jinên Cizîrê kirin helwesta xwe ya li hemberî dagirkeriya Tirk ku komkujiyan dike anîn ziman û gotin ku rêxistinên mafên mirovan komkujiyan ji nedîtî ve tê.

13:29

Şêniyên Kantona Firatê li dijî komkujiya Sirînê meşiyan û pêyama “Ruxmê êriş û komkujiyan em ê heta dawiyê li ser axa xwe bin û li ber xwe bidin” dan.

13:02

Aktivîsta mafên jinan Seher Resûlî ya li bajarê Celalabad ê Efganistanê dijî bi gotinên; “Êşa me û gelê Sûriyeyê yek e” diyar kir ku dê gelên di bin mêtinkariya dewletên emperyalîst de bibin yek û dawî li desthilatdariyên zalim bînin.

11:59

Meclîsa Jinê ya DEM Partiyê bertek nîşanî tayînkirina qeyûm a Şaredariya Sêrtê da û got, “Bi vê biryarê re prensîba me ya hevserokatiyê û temsîliyeta wekhev careke din hate hedefgirtin. Hûn ê li hemberî vîna jinan têk biçin."

11:52

Ji Parlamentoya Ewropayê 21 wekîlan nameyek ji Alîkar Seroka Komîsyona Ewropayê Kaja Kallas re şandin û jê xwestin ku Komîsyona Ewropayê piştgiriyê bide civaka Bakur û Rojhilatê Sûriyeyê.

11:45

Çalakvanên jin ên Tûnisê ji bo rojnamevan Sîham Bin Sidrîn a ji 4’ê Çileyê ve li girtîgehê greva birçîbûnê didomîne bang kirin. Çalakvanan gotin: "Divê piştevaniya çalakiya Sîham bê xurtkirin û biryarên dadgehê bên protestokirin."

11:25

Piştî bernameya 6 mehan a ji aliyê Saziya Medya Now Kerkuk ve hat lidarxistin, “Tora Nûçegihaniya Jîngehê ya Rojnamegerên Jin” hat avakirin. Bi vê torê armanc ew e ku jin di warê pirsgirêkên jîngehê de tevli xebatan bibin.

10:54

Malbatên Şehîdan a Wargeha Penaberan a Mexmûrê, bi daxuyaniyekî êrişên dewleta Tirk a li dijî Bendava Tişrînê û Qereqozaxê şermezar kirin û piştgiriya xwe ya bi gelê berxwedêr a Rojavayê re dan diyar kirin.

09:59

Jinên Ciwan yên ku di êrîşa li ser Bendava Tişrînê de di lingên xwe de birîndar bûyî gotin ku ew ê govenda azadiyê her bigerînin û xeleka wê dorfireh bikin.

09:40

Kongra Star komkujiyên dewleta Tirk ên li Sirîn, Zirgan û Eyn Îsayê şermezar kir û bang li raya giştî û saziyên navnetewî kir û got: “Bêdengî beşdariya pêkanîna wan tewanan e û hevkariyeke nayê qebûlkirin e.”

07:58

Werîşe Muradî ya ku li Îranê girtiyek siyasî ye û cezayê darvekirinê lê hatiye birîn, bi rêya nameyek peyamek da hemû dinyayê. Werîşe diyar kir ku rabûna li hember darvekirinê, perçeyek hêja yê mirovahiyê yê têkoşîna gihîştina jiyanek azad û dilpak e.

07:39

Li Şaredariya Sêrtê ya DEM Partiyê qeyûm hate tayînkirin.

07:33

Koordînatora giştî ya Hevbendiya NADA’yê Buşra Elî têkildarî rewşa jinan a li Rojhilata Navîn axivî û got: “Bêyî azadiya jinan, azadiya gelan ne pêkan e. Hevkarî û piştevaniya tevgerên jinan li herêmê, wê têkoşîna jinan zêdetir bi hêz bike.”

07:00

Hunermend û rewşenbîrên jin ên bal kişandin li ser êrişên dewleta Tirk û peyama piştgiriya bi YPJ û QSD re anîn ziman, ev bang kirin: “Pêwîst e em weke hunermendan bibin yek û piştgiriyê bidin hêzên xwe.”