rojane

10:54

Li bajarê Kirklarelî yê Tirkiyeyê, meleyê fermî yê diyanetê Şerafettîn T. destdirêjiyê li 3 keçên xwe kir. Di encama tecawizê de yek ji keçên wî zarok anî dinyayê. Buyer piştî ku keça wî gilî kir derket holê.

09:44

Seroka Komeleya Hişiyarî û Rehabîlîtasyona Civakî ya li eyaleta Eyn El Şeq a Mexribê Ibtîsam Tetî got ku komele ji bo guhertina hişmendiya mêr û bidestxistina mafên jinan dixebite.

09:40

Lenya Ehmed a li Çemçemala Silêmaniyê hat qetilkirin derket holê ku xalê wê yê DAIŞ’î ew qetil kiriye.

08:23

Lîstokvan Melîsa Sozen a rola şervana YPJ’ê lîst, bi sûcdariya ‘propagandaya rêxistinê’ ji bo îfadeyê banî wê kirin.

08:14

Hunermenda Lîbyayî Emnê El Zeîtrî bi xêzkirina li ser daran, gil û destanên seramîk û gravûrkirina kastîk, hunerên kevnar nûjen dike. Emnê dibêje: "Huner nasnameya civakê ye. Divê di nava hunera nû û berê de girêdanek çêbibe."

06:30

Li eyaleta Uttar Pradeş a Hindistanê di 13’yê Çileyê de mîhrîcana Maha Kumbh Mela destpê kir. 350 milyon kes beşdarî mîhrîcana Maha Kumbh Mela bûn.

06:00

Erdhejzede Ayşe Algas a piştî erdheja 6’ê Sibatê li mala ku bi derfetên xwe ava kiriye dimîne, dibêje “Em bi êşên xwe re tenê hatin hiştin” û tîne ziman ku di nav 2 salan de ji bo kewandina birînan tiştek nehatiye kirin.

05:00

Berdevka Kongra Star Rihan Loqo bal kişand amadebûna kujerê Hevrîn Xelef di kongreya ku li Şamê hat lidarxistin û got: “Ger ku bi van kujeran dewam bike, dê Sûriye ber bi xeteriyên mezin ve biçe. Divê radestî dadgehên navnetewî bê kirin.”

21:42

Tora Mafê Mirovan a Kurdistanê ragihand ku du hefteye jina Kurd a çalakvan Perwîn Edwayî 2 hefte ye li girtîgeha Sine di hucreya yek kesî de tê girtin û Wezareta Îtilaetê ya Îranê rê nade bi malbat û parêzerên xwe re hevdîtin bike.

21:25

Komîteya Malbatên Şehîdan a Bakur û Rojhilatê Sûriyeyê ragihand ku endama Koordînasyona Kongra Star Hêva Erebo û endamê PYDˋê Dilawer Erebo di êrişa hewayî ya dewleta Tirk de hatine qetilkirin.

20:14

Jinên ji tevahî pêkhateyên li Herêma Bakur û Rojhilatê Sûriyeyê siberoja jinan, rola wan di Sûriyeya nû de û pêwîstiya beşdarbûna wan di pêvajoya siyasî û destûrê de nîqaş kirin.

19:41

Rayedarên Xezayê dan zanîn ku 61 hezar û 709 Filistiniyan di encama êrîşên Îsraîlê de jiyana xwe ji dest dane. Wezareta Tenduristiya Xezeyê beriya niha ev reqem weke 47 hezar û 760’î eşkere kiribû.

14:00

Meclisa Jinan a Sûriyeyê bi armanca nîqaşkirina astengiyên li pêşiya xebata siyasî, çand û hiqûqî yên li hemberî jinan, panelek li bajarê Laziqiyê li dar xist.

13:56

Li bajarê Minbicê ya ji aliyê dewleta Tirk û çeteyên wê ve hatiye dagirkirin teqînek rû da. Li gorî agahiyan gelek kes jiyana xwe ji dest daye.

13:18

Di encama êrişên cûda yên Îsraîlê bir ser bajarê Cenîn û wargehên wê de, 25 kesan jiyana xwe ji dest da û binesaziya herêmê hilweşiya. Her wiha 3 hezar û 420 malbat neçarî koçberiyê bûne.

11:29

Çeteyên çekdar êrîşî nehiyeya Kenscoff a li nêzî paytext Port-au-Prince ya Haîtiyê kirin. Di encama êrîşan de 50 kes mirin û 100 mal hatin şewitandin.

09:54

Sebhiyê Xerîb a dibêje “Pêdiviya welatê me bi dengê jinan heye” destnîşan kir ku divê jin di cihên biryargirtinê de bin û da zanîn ku ew ê dest ji têkoşîna xwe ya ji bo bidestxistina mafên xwe yên rewa bernedin.

09:25

Saziya Çavdêriyê ya Mafên Mirovan a Sûriyeyê (SOHR) ragihand ku ji meha Çileyê û vir ve, di encama êrîşên dewleta Tirk û çeteyên wê de 52 sivîl hatine qetilkirin.

09:24

Hejmara 239'an a rojnameya jinê ya mehane Newaya Jin bi manşeta 'Rêya rizgariya ji kaosê paradîgmaya azadiyê ye' derket.

08:15

Bi mehan e ku bi dehan girtiyên jin ên Tûnisê, di nava çarenûsek ne diyar de ne. Jinan bi navê ‘şerê zikê vala’ dest bi çalakiya greva birçîbûnê kirine û rewşa wan a tenduristiyê giran e.