rojane

09:38

Ji ber êrişên dewleta Tirk ên li ser Qerekozax û Bendava Tişrînê pirsgirêka av û kerabe tê jiyankirin û bikar anîna ava bîre nexweşiyan zêde dike. Rayedar anîn ziman ku tîmên hewl didin pirsgirêkan çareser bikin jî tên hedefgirtin.

09:33

Hejmara 101'ê ya Kovara Jin bi berga 'Edebiyata Xwe: Jin û Veguherîna Civakî' derket.

07:27

Hunermend û sînemagerên ku îro di berxwedana Bendava Tişrînê ya ji 8’ê Çileyê ve dest pê kiriye de gotin ku dîtin û jiyana berxwedana Bendava Tişrînê ne wekî bihîstina wê ye ji lewre bang li hunermend û sînemageran kirin.

06:50

Sala 2025’an ji aliyê Desthilatiya AKP’ê ve wek ‘Sala Malbatê’ hat diyarkirin. Her çiqas ev desthilatî jiyanek bi çar dîwaran û tundî ye layîqî jinan bibîne jî, jin bi biryar in ku ji bo jiyan, bedena xwe û zarokên xwe hemû qaliban û qedexeyan red bikin.

06:30

Aktîvîstên Tûnisî diyar dikin ku guherandina feraseta mêr a serdest pêvajoyek hêsan nîne, dem û hewldan jê re divê. Her wiha destnîşan dikin ku ev feraset bandorê li têgihîştina mafên wan ên wekheviyê dike.

06:00

Jinên ku pêşengiya berxwedana li Bendava Tişrînê kirin, peyama; “Heta dilopek xwîna me hebe, em ê li ber xwe bidin û serî netewînin” dan û ji kesên li dû xwe re mîrasa ku çavkaniya xwe ji çanda berxwedêriyê digre hiştin.

05:30

Şervana YPJ’ê Şeyda Kobanê ya di 2014’an de li hemberî êrişên DAIŞ’ê yê li ser Kobanê şer kir, îro jî li hemberî êrişên dewleta Tirk di eniyên berxwedanê de cihê xwe digire. Şeyda Kobanê dibêje: “Em ji vîna xwe bawer in, em ê rê nedin dagirkeriyê.”

05:00

Sînematograf Raquel Fernández Núñez a gelek filmên navdar kişandiye û di rêzefîlma La Casa de Papel de jî cihê xwe girtiye, li ser Şoreşa Jinan a li Bakur û Rojhilatê Sûriyeyê got: “Semboleke xurt a berxwedana jinan e.”

23:24

Dewleta Tirk li gundê Aşmê yê rojavayî bajarê Kobanê malekî welatiyan bombebaran kir. Di êrîşê de 7 zarok bi giştî 10 kes birîndar bûn.

19:18

Çalakvanên Wargeha Mexmûrê, bi biryardariyek xurt zêdetirê saleke di çalakiya nobetê ya bi armanca mîsogerkirina azadiya fîzîkî ya Rêberê Gelê Kurd Abdullah Ocalan de ne. Çalakî bi dewirgirtina koma 111’emîn didome.

17:51

Li Bexdayê jinan li dijî erêkirina guhertina Qanûna Rewşa Kesî ya ji aliyê Parlamentoya Iraqê ve hat kirin, xwepêşandan lidarxistin û nerazîbûn nîşandan.

14:56

Jinên Kantona Cizîrê li bajarê Qamişlo cihgirtina kujerên Hevrîn Xelef ê bi navên “Ebû Hatim Şeqra û Ebû Emşa” di rêveberiya demkî a HTŞ ê de şermzar kirin û gotin: “Divê li dadgeha navneteweyî kujer werin dadgehkirin.”

14:41

Xizmên Windayan û Komeleya Mafên Mirovan (ÎHD) di çalakiya “Bila winda bên dîtin û faîl bên darizandin” de li aqûbeta Kemal Mubarîz ê di 1’ê Sibata 1994’an de hat windakirin pirsîn.

14:33

TAJÊ têkildarî Ebû Şakra yê ku wek kujerê siyasetmedara Kurd Hevrîn Xelef jî tê zanîn û di Sûriyê de cîh digire, got ku nabe ev kesên terorîst di rêveberiya nû de cih bigirin. Divê hêz û saziyên navnetewî pêşî li vê rûreşiyê bigirin.

13:59

Parêzerên jin ên li Bakur û Rojhilatê Sûriyê bi bîr xistin ku kesên destê wan di rijandina xwîna gelên Sûriyê de hene di rêveberiya demkî ya Sûriyê de cîh girtine û bi yek dengî gotin “Em naxwazin sûcdar li Sûriyê cîh bigirin.”

13:16

Li Rojhilatê Kurdistanê binçavkirin û zextên li ser jinên Kurd berdewame. Hat gotin ku hêzên rejîmê li bajarê Bokan jinek Kurd a bi navê Befrîn Mehmudî bêy biryara dadwer binçavkirin.

12:20

Dayikên Şemiyê di hefteya 1036’emîn de li aqûbeta Bedîrhan Tûysûz pirsîn û gotin: "Çiqas sal derbas bibin jî em ji bo Bedîrhan Tuysuz û ji bo hemû windahiyên xwe edaletê dixwazin. Divê dewlet li gorî pîvanên hiqûqa gerdûnî tevbigere."

11:52

Jinên Sûdanî yên ku ji bo ku pevçûnên di navbera artêşa Sûdanê û Hêzên Piştgiriya Lezgîn de bi dawî bibin têkoşîneke mezin dimeşînin, diyar kirin ku ew ê di rêveberiyan de kotaya ji sedî 50 nepejirînin.

11:14

Ji ber ku Serokê Tahrîr El Şam (HTŞ) Colanî ji aliyê komên ku di nav de çeteyên çekdar jî hene ve wek ‘Serokdewlet’ hat bijartin, jinên Suweydayî daketin meydanê. Jinan Colanî protesto kir û gotin ku ev biryar vîna rastîn a gelê Sûriyê nîşan nade.

10:23

Artêşa Îsraîlê, li Lubnanê dagirkerî û binpêkirina agirbestê didomîne. Ji 8’ê Cotmeha 2023’yan ve heta niha, di êrîşên Îsraîlê de, 38 nexweşxane bûn hedef, 201 xebatkarên tendirustiyê bi êrîşan jiyana xwe ji dest dan.