rojane

11:52

Rêxistina Efûyê ya Navneteweyî careke din bang kir ku cezayê darvekirinê yê li Şerîfe Mûhammedî hatiye birîn bê betalkirin.

11:50

Çapemeniya cîhanê banga Rêberê Gelê Kurd Abdullah Ocalan a “Civaka Demokratîk û Aştiyê” di manşetên xwe de weşandin, destnîşan kirin ku bang xwedî girîngiyeke dîrokî ye û bal kişandin ser bêdengiya rayedarên Tirk.

11:44

Li gorî rapora Kampanyaya Aktivîstên Belûc; ji sala 2017’an ve heta niha herî kêm 56 zarokên Belûc ji aliyê leşkerên Îranê ve hatin qetilkirin.

09:35

Jinên ku li parka Nîsanê amade bûn, ji bo guhdarkirina peyama dîrokî ya Rêberê Gelê Kurd Abdullah Ocalan tekez kirin ku ew ji rêberê xwe Ocalan hêz û cesaretê digrin û gotin: “Em azadiya fizîkî ya Rêber Ocalan dixwazin.”

08:16

Krîza aborî û civakî, ji bo jinên koçber ên ku bi krîzên aborî û civakî re rûbirû dimînin, zortir e. Krîza ku bi salan e didome, bandora li ser jiyana gelên Sûriyeyê didomîne.

08:08

Yekitiya Komîteyên Jinên Filistînê, desteka derûnî ya ji bo jinên Xezayê yên ji ber şer koçber bûne didomîne. Di vê pêvajoya ku saziyên navneteweyî kêm dimînin de, rêxistinên jinan roleke krîtîk digrin ser xwe.

05:00

Endama Komîteya Têkilî û Tîfaqên Siyaseta Demokratîk a Kongra Star Rûken Ehmed da zanîn ku wan ji bo hatina qada şoreşê bangewaziyek kiriye û ji welatên cuda bi dehan kesan ji bo serdana herêmê serî li wezaretên derve dane.

19:19

Pêyama dîrokî ya Rêberê Gelê Kurd Abdullah Ocalan li Bakur û Rojhilatê Sûriyeyê bi coş hat guhdarkirin.

18:22

Bi hezaran şêniyên wargeha penaberan a Mexmûrê ji bo guhdarkirina peyama dîrokî ya Rêberê Gelê Kurd Abdullah Ocalan berê xwe dan Navenda Çand û Hunerê ya Mexmûrê.

16:29

Abdullah Ocalan ku 26 sal in li Girtîgeha Îmraliyê di tecrîda girankirî de tê ragirtin, tevî Şandeya DEM Partiyê û hevalên xwe yên girtî banga “Aştî û Civaka Demokratîk” kir.

14:02

Li herêmên di bin kontrola HTŞ ya cîhadîst de herî kêm 5 kes hatin kuştin.

14:01

Şandeya Îmraliyê ya DEM Partiyê ku ji 7 kesan pêk tê, piştî hevdîtina bi Abdullah Ocalan re ji Girava Îmraliyê vedigere.

13:33

Pêkhateyên Hesekê ‘Kongreya Diyaloga Niştîmanî’ ya li Şamê hat lidarxistin şermezar kirin û anîn ziman ku kongre ne li gorî hêvî û daxwaza gelê Sûriyeyê ye.

13:05

Kongra Star kongreya Şamê ya "Diyaloga nîştimanî" de wekî "Jinûve avakirina pergala li ser esasê cudakarî, redkirina mafên jinan û rola wan a siyasî û civakî" bi nav kir û diyar kir jin bingeha çareserî û cewhera demokrasiyê ne.

11:39

Daxuyaniya ku îro çav li rê ye Rêberê Gelê Kurd Abdullah Ocalan bide, dê weke gelek bajarên Kurdistanê li wargeha penaberan a Mexmûrê jî bi ekrana mezin zindî bê guhdarîkirin û temaşekirin.

10:24

Daxuyaniya ku îro çav li rê ye Rêberê Gelê Kurd Abdullah Ocalan bide, dê li bajarên Bakur û Rojhilatê Sûriyeyê yên wekî Qamişlo, Hesekê, Kobanê, Reqa, Heleb û Dêrikê zindî bê guhdarîkirin û temaşekirin.

07:45

Rojnamegerên Tûnisê tevî hemû zextan jî têkoşîna ji bo azadiya medya û gotinê didomînin. Rojnameger li dijî biryarnameyên ku li dijî destkeftiyên wan tên derxistin, serî natewînin.

06:00

Şaredariyên DEM’î bi kampanyaya "Gotina me neqediya, emê bi hev re tundiyê rawestînin”, 122 sazî vekirin û xwe gîhandin 15 hezar jinan. Hevşaredarên ku hewl dan qadên jin bikaribin herinê, ava bikin; bi tempoyek zêde dikevin 8’ê Adarê.

05:30

Hevseroka Tevgera Civaka Demokratîk TEV-DEM Remizya Mihemed, têkildarî seferberiya ku li Bakur û Rojhilatê Sûriyeyê didome axivî û got: “Bi yekitiyê em dikarin Sûriyeyê ji dagirkeriyê rizgar bikin û sîstemeke ne navendî û rengîn ava bikin.”

05:00

Jinên Êzidî û Ereb ku derbarê 8’ê Adarê de axivîn, diyar kirin ku 8’ê Adarê roja serhildan û serkeftina jinan e, bang li hemû jinên cîhanê kirin ku li dijî zor û zordariyê serî rakin.